پەژاك و ئیران هشیارییا گەل ..

Saturday, 30/07/2011, 12:00

پشتى شورەشا ئیسلامییا ئیرانێ كو د بنگەه دا مروڤ نكارە ب شورەش بدە ناس كرن ژ بونا كو دەما ناڤێ شورەشان مروڤ گوه لێ دبە واتە ئازادبونا گەلان تینە بیرا مروڤى لێ ئەڤ شورەش ژ بلى كوشتنێ وە درنداییەتییە كا بێ سنور وەك گورەكێ دەڤ ب خوین بو تەڤ گەلێن ئیرانێ تو تشتەك دن لێ خویا نابە وە نائینە بیرا مروڤى ، ناڤێ شورەشان ژى پیس كرییە ،لێ هەر چاوابە سەركەفتنا وێ كارتێكرنەكا هەرە خەراب كرە سەر بزاڤا رزگاریخوازا گەلێ كورد نەخاسمە بزاڤا رزگاریخوازا روژهەلات كوشتنا سەركردیین وێ وەك دكتور قاسملو شەرەفكەندى وە گەلەكێن دن كارى ڤێ بزاڤێ بێهێز كەت وە هەستو بیرا نەتەوى ل پارچا خویا داگیركرى پتر ل هەر پارچەكا دن یا كوردستانێ ل ناڤ خەوێ وە بێدەنگییێ بهێلە نە تنێ بزاڤا گەلێ كورد بەلكو ب درنداییەتییا خو شیا بو دەمەكێ درێژ تەڤ ئوپوزسیونینَ ل ناڤ وەلات وە دەرڤەى وەلات بێدەنگ بكەت ،خورتبونا ئیرانێ نەخاسمە د ئالێ ئابورى وەك بازرگانى كشتوكالى پیشەسازى وە هتد........تەڤ ئەڤ ژى بونە فاكتەرەكێ هەرە خورت كو دەڤێ جیهانى ل بەرامبەر هەر كارەكێ درندە كو ئەنجام د دەت بگرە وە ك كوشتنا قاسملو شەرەف كەندى دەما نەمسا وە ئەلمانییا دخاستن دوزێ بەرفرەه كەن رژێما ئیرانا فاشیست گەفێن ئابورى ل هەر دو دەولەتا دكر وانا ژى ژ بو گەلەكێ بندەست بێ پشتەڤان بەرژەوەندیین خو یین ئابورى تێك نەدان ل سەر مژارەكا وها ئەڤ كارێ ئیرانێ بو نەریتەك بو تێكشكاندنا هەر دەنگەكێ دژى وێ بلند ببیە ،لێ پەیدا بونا بزاڤا پەكەكێ وەك بزاڤەكا هەرەخورت ل سەر بنگەهەك ئایدولوژى ل كوردستانێ بو ئیكەمبین جار ل ناڤ بزاڤێن گەلێ كورد د روپەلین میژویێ دا كارى ل هەر ژچارپارچان باندورێ بكە نە وەك بزاڤێن كلاسیك ل هەریمەكێ بمینە ،ڤێ بزاڤێ تەڤ گەلێ كورد هشیار كر كو ئیدى گەلێ كورد ژى دكارە خودى ئیرادە وە هەبونا خو بە ،ئەڤ ژى ل روژهەلات بزاڤا پەژاكێ وەك هێزەكا گەنج كارى خو ل سەر هەمان ئایدولوژییا پەكەكێ رێك بێخە وە بو ماوەكێ كێم كارى گەلێ روژهەلات هشیار بكە وە بەرخودانێ ژى پێ بدە مەشاندن ئەڤ بخو سەركەفتنەكا هەرە مەزنە تو گەلەكێ ل خەودا هشیار بكەى ل سەرا بو دەمەكێ ڤێ هشیارییێ بێخییە د وارێ پراكتیكى دا ئەڤ ژى دناڤا رژێمەكا هەرە درندە رژێمەكا خودى تو پرەنسیپێن ئەخلاقى مروڤایەتى تونە ،ئەڤ كارێ پەژاكێ وەك بزاڤەكا گەنج یا هەرەخورت ئیران ئیخستییە دناڤا كاودانەكا هەرە مەترسى دا ژ بونا خەورابونا گەلێ كورد وە ل سەر بنگەهەك ئایدولوژى وێ كارتێكرنەكا هەر خورت هەبە بو تەڤ لایەنێن هەڤ دژى رژێمێ ،گرتنا گەنجێن كورد وە كوشتنا وان بێ رێزیكرنا رژیما فاشیست ل هەمبەر زیندانیین كورد ل ناڤ دیوارێن زیندانا ئەڤ رژێم تێرنەكر ،ل سەر ڤێ مەترسیا رێكخستنا پەژاكێ وە بەرفرەه بونا وێ ل ناڤ گەلێ ئیرانى ب تەڤاهى نە تنێ گەلێ كورد وە كاودانێت روژهەلاتا ناڤین ل دەست چونا هەڤیەیمانێت رژێمێ ل هەرێمێ وەك ئیراقێ سوریا توركییا هەتا رادەییەكێ رژێما ئئیسلامییا فاشیست هارو دین كرییە كو دكارە هەر كارەكێ درندانە بكەت بێ بەرچاڤ گرتنا مروڤایەتییێ ،ئەڤجا شەرێ وێ دگەل پارتا ژیانى ئازاد ى كوردستان وە شكەستنا وە ل هەمبەر ڤێ بزاڤێ ل ئالێ لەشكەرى ڤە ئەس باوەرم ئیشا دلى تەڤ مەلایین ره قرێژین ئیسلاما سەختە گرتییە ،ئەڤ بو وان دیارو ئاشكرا بو كو ئەڤ پەیامەكا هەرە خورتە ژ لایێ پەژاكێ كو ئیدى گەلێ روژهەلات ژى وێ ل خەو رابویە وە خودى ئیرادەیە دكارە گەلێ خو رێكبێخە هەم ل ئالێ لەشكەرى هەم ژى ژ ئالێ سیاسى ڤە ،یا رژێما ئیرانێ ئەڤ چەند سالن ب حەمو هێزا خو دژى د راوەستە ئیرو ب ئاشكرا دبێژە ئەس هەمە یا تو دهزرى بو گەلێ كورد بەس خەیالە ،ژ بونا ڤێ ئیكى ئەس وەكە ناسیونالیستەكێ كورد وە خودى رحەكا پاكژا كوردایەتییێ ب دلو جان گەریلایینَ پەژاكێ پیروز دكەم وە پەژاكێ ژى وەك هێزەكا پاراستنا گەلێ روژهەلات ل تەڤ گەلێ كورد پیرز دكەم ب تایبەت گەلێ روژهەلات نەمرى بو گەلێ كورد سەرشورى شكەستن بو دوژمنێن گەلێ كورد وە تەڤ مروڤاهییێ ..