مه‌حمود محه‌مه‌د زياتر له ٨٠٠ مووچه‌ی كارمه‌ندانی راگه‌ياندنی بڕيوه
Tuesday, 20/09/2011, 12:00
كوردستانپۆست/ په‌يامنێری هه‌ولێر
له دوای ده‌ركردنی سه‌رۆ قادر به به‌رپرسيارێتی مه‌كته‌بی ناوه‌ندی ڕاگه‌ياندنی پارتی و، دانانی مه‌حمود محه‌مه‌د (خوله سوور) له جێگای، چه‌ندين جۆر و شێواز سزای به‌سه‌ر سه‌رۆقادرو ده‌وروبه‌ره‌كه‌يدا ئه‌نجامدراوه‌و،له‌وانه ناسندنی سه‌رۆ قادر به گه‌نده‌لی ئه‌ساسی ئه‌و مه‌كته‌به‌و، داوای كردنه‌وه‌ی ٢٠٠ ده‌فته‌ر دۆلار و، برينی ميزانيه كانی و ئاشكراكردنی زياتر له ٦٠٠ مووچه‌ی بنوديوارو ده‌وروبه‌ره‌كه‌و پياوه‌تيه‌كانی ، له‌و سۆنگه‌يه‌وه مه‌حمود محه‌مه‌د تا ئه‌مرۆ زياتر له ٨٠٠ مووچه‌ی كارمه‌ندانی سيبه‌رو بنديوارو خزم و دۆستانی سه‌رقادری بريوه، له‌وانه زۆربه‌يان خاوه‌نی ٢ تا ٣ تا ٤تا ٥ موچه‌بوون له نيو هه‌مان مه‌كته‌ب و شوينه‌كانی ديكه‌ی پارتی و ده‌زگا حكوميه‌كان و، تا ئه‌وه‌ی ١٦٠ كه‌سيان له ئه‌وروپا نيشته‌جين !
له پاڵ ئه‌م هه‌نگاوانه‌دا ، خودی مه‌حمود محمه‌د گه‌وره‌ترين گه‌نده‌لی ئه‌نجامداوه به‌وه‌ی، كه ده‌بوو مووچه‌ی زياتر له ١٥٠ كارمه‌ندی بنديوارو سيبه‌ره‌كانی نياز لاجانی به‌ڕيوه‌به‌ری كه‌نالی ئاسمانی زاگرۆسی ببريايه،به‌لام به هۆی ئه‌وه‌ی نياز لاجانی خوشكی هاوسه‌ره‌كه‌يه‌تی (نازناز حه‌مه كويری مه‌لا قادره) ئه‌و سزايانه‌ی جيبه‌جێنه‌كردووه، له كاتێكدا هه‌فته‌ی رابردوو ٢٣ كادرو كارمه‌ندی راگه‌ياندن راپۆرتيكی ٢٥ لاپه‌ره‌يان ئاراسته‌ی مه‌حمود محه‌مه‌د و وينه‌ييشيان ئاراسته‌ی فازيل ميرانی و مه‌كته‌بی نيچيره‌ڤان و مه‌كته‌بی مه‌سعود بارزانی كردووه، تا ئه‌وه‌ی باسی ژووره تاريكه ئه‌رخه‌وانيه‌كانی نيازلاجانی و رابواردن و ليدانی ميزانيه‌ی مانگانه‌ی زاگرۆس كه ٥٠٠ مليۆن دينار بريمه‌ره!
ناوی ئه‌و سۆزانی و به‌دره‌وشتانه‌شيان بۆ سه‌رووی خۆيان به‌رزكردۆته‌وه‌و، نيازلاجانی له‌گه‌ڵ ئه‌ڤين ئاسۆ و ئارامۆ ٣ كۆمپانيايان بۆ بازرگانی و ريكلام و وه‌برهينانی هونه‌ر دامه‌زراندووه‌و،مه‌سروفی رۆژانه‌ی خۆی ٤ وه‌ره‌قه يه له‌سه‌ر زاگرۆس تيفی و هه‌فتانه پركردنه‌وه‌ی سه‌لاجه‌كه‌ی ژووره‌كه‌ی به ٢٠٠٠ دۆلار خه‌مڵنراوه‌و به ماسيی خواردنه‌كانی (مه‌حاری و كاڤيار) كه دوو شوينی تايبه‌تی ماسی برژاندنن!
به‌م شيوه‌يه خوله‌سوور له نه‌هيشتنی گه‌نده‌ليه‌وه بۆ گه‌نده‌ڵيه‌كی تر ناوی ده‌ركردووه!
بۆ زانينی خوينه‌ران..نياز لاجانی به‌ناوی سه‌ردان كردنه‌وه ٥٠٠٠٠ هه‌زار دۆلاری له‌گه‌ل خۆی بردووه بۆ رابواردن و ئيستا له ئه‌وروپايه
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
