پێشانگەى مامۆستایانی هونەرى پەروەردەى گەرمیان لە هەولێر كرایەوە
Tuesday, 19/06/2012, 12:00
بەچاودێرى تاهیر عەبدولڵا جێگری پارێزگارى هەولێرو، بەئامادەبوونی هەڵۆ ئەحمەد حەمەدەمین بەڕێوەبەرى گشتی چالاكی وەرزش و هونەر لە وەزارەتی پەروەردە، پیشانگەى شێوەكارى مامۆستایانی هونەرى پەروەردەى گەرمیان لەگەلەری شانەدەر لە هەولێر كرایەوە.
ئامادەبووان سەرجەم تابلۆكانیان بەسەر كردەوە كە تەعبیریان لە سروشتی رازاوەى كوردستان و لایەنە كۆمەڵایەتییەكان و فۆلكلۆرییەكانى گەلەكەمان دەكرد.
لەم بارەیەوە فریاد حوسێن بەڕێوەبەری راگەیاندنی بەڕێوەبەرایەتی گشتی پەروەردەى گەرمیان گووتی: خوشحاڵین ئەم پێشانگەیە بەبەشدارى "45" مامۆستای هونەرمەندی سنوورى بەڕێوەبەرایەتی گشتی پەروەردەى گەرمیان لە هەولێرى پایتەخت ئەنجام دەدەین كە چەندین تابلۆى رەنگین لەخۆدەگرێت و، ماوەى سێ رۆژ بەردەوام دەبێت.
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
