گرفتی مەزنمان بۆتە ئاڵا و سروودی نەتەوەیی!

Monday, 26/01/2015, 12:00

3085 بینراوە

ئەوە نییە ماوەی ٢٤ ساڵە لە بەشێک لە باشوری وڵات، هێزێکی یەکدەستی نیشتمانی وپاراستنمان هەیە! ئەو نییە سیستمی پەروەردەمان خەریکە دەگاتە ئاستێکی بڵند! ئەوەنییە پارڵمانمان یاسا لەسەریاسا کە دایدەڕێژێ باس لە یەکێتی نەتەوەیی دەکاو خەمی هەموو بەشەکانی دیکەی کوردوستانی گەورەیەتی! ئەوەنییە دارو بەردی ئەو وڵاتە داوا لە عەشیرەی بارزانی دەکا کە دەسەت لە دەسەڵات هەڵنەگرێ ووەک سەرۆکی وڵات پێشهەنگی چاکسازی بێ! ئەو نییە لە ماوەیەدا،،تاکە،، ژنێکیش نەکوژراوە! شار دەڵێی شووشەیەو دەستی وڵاتێکی وەک نۆڕوێژی لە پشتەوەڕا بەستووە. ئەو نیە کشتوکاڵمان ئەوەندە پێشڕەفتەیە کە بۆ هەموو دونیا هەناردە دەکرێ........! لەو بەشە لە وڵاتی مندا، نە بەرتیل دەخورێ، نە کاربەدەست دزە، نە پارەی نەفت ونە، نە کەس بێکارە........! باشترین مێدیاو بوێرترین نوسەرورووناکبیرمان بەلێشاو خەریکی پەروەردەی تاکی کوردن لەوبەشە لە وڵات.......! ئەوە نییە گۆڤارو رۆژنامە بێ پارە دێتە بەردەرگای هەموو ماڵێک.......! ئەو نییە منداڵانی پلەی سەرەتایی سێ جەمە لە فێرگەکاندا خواردنی باشیان دەدەنێ.....! ئەو نییە لە سەر سنوری باشوورورۆژهەڵاتی وڵات پێشمەرگەکانی دێمۆکڕاتەکان و کۆمەڵەکان سەرەیان بەستووە چاوەڕوانی دەستوری سەرووی خۆیانن تابپەڕنەوە ئەو دیوو ئەوێشمان بۆ رزگار کەن! ئەو نییە خەروار خەروار فدڕاڵی لەسەر شەقامەکانی رۆژهەڵات لە گیرفانی خەڵک دەڕژێتە دەرێ کەس نییە هەڵیناگرێتەوە......! ئەوە نییە.....! ئەوەنییە....! .
گومان لەوەدا نییە بەشێک لە پێناسەو ناسنامەی هەر نەتەوەیەک، ئاڵاو،سرودی، نەتەوەیی ئەو گەلەیەکە هەر کەس دەبێ پێیان سەرفراز بێ.ئەوەش بەو مانایە نییەکە ئەو هێما پیرۆزانە نابێ ،ئاڵوگۆڕیان بەسەربێ یان نەکەونە ژێر رەخنەولێکۆڵینەوە. هەر تاو ناتاوێک باسی سرودی،، ئەی رەقیب،، یانژی ئەو ،،ئاڵایەی،، کە مەسعود بارزانی لێی قالب کردوین دەبێتە مژاری باسێکی گەرم وگوڕ(هەتا ئێستێ هیچ بەڵگەیەکی باوڕپێکراوم نەدیوە کە ئیسپاتی بکائەو ئاڵایەی کە ئەوڕۆ هەڵدراوە هەمان ئەو ئاڵایەی کە شەهید پێشەوا داویەتە دەست مەلا مستەفا تا بۆمان بپارێزێ). بە تایبەت ئەو نێو دێڕەی کە دەڵێ: دینمان ئایینمان هەرنیشتمان. باوەڕی جودا جودا لەسەر ئەو سرودە هەیە.دەڵێن. پێش کۆماری کوردستان هەبووە، لەو کۆمارەدا گوتراوەتەوە، پێشەواقازی وەک سرودی نەتەوەیی پەسەندی کردووە، بەشەکانی دێ وڵاتیش ئەو سرودەیان پێ باشە.
بەیانی پێش گزینگی هەتاو، دەوڵەتی سەربەخۆی هەموو کوردستانمان بۆ دابمەزرێنن، تازە نەهامەتیو گرفتەکان سەروەدەر دەنێن.بۆ....؟ نەتەوەیەک کە بەرپرسانی بۆ کورسی دەسەڵاتی حیزبەکەیان خاکی وڵات دەسووتێنن، چۆن دەتوانن گەلێکی چل میلیونی بەڕێوە بەرن.؟ نەتەوەیە کە عەشیرەو بنەماڵە لێی ببنە دمڕاست چۆن دەتوانێ پێشەڕۆژێکی روونی هەبێ؟ ٢٤ ساڵە دەسەڵات گەمەی هەڵبژاردن وئاڵاو سرودمان لەسەر تاقی دەکاتەوەو دەزانێ هێزی بە قووەتی خۆی لە دونیای دەرەوە سەرچاوە دەگرێ وئەوەی کە مەبەست نییە، دەنگی خەڵکە، چۆن دەتوانێ باوەڕ بەخۆی بکا. ٢٤ ساڵە بارزانی دەیان کۆشکو تەلاری بۆ توخموتۆوی خۆی دروست کردووە! کە چی ناوەندێکی ئاکادیمی بۆ لێکۆڵینەوەی زمانی کوردی دروست نەکراوە تا وشە داڕێژێو پەرە بە ستاندارکردنی زمانی نەتەوەیی بدا، ئەنستیتۆیەک بەرهەم نەهێنراوە تا پسپۆڕو شارەزای ئەو وڵاتە خەمی زمانی یەکگرتووی نەتەوەیی بدەن!؟
حیزبە ئیسلامییەکانی هەموو بەشەکانی وڵات دەستیان بڕواهەر کام بۆ خۆیان دەبنە،، بەغدادیەک،، کێشەی ئەو کورتەبیرانە ئەوەیە کە لە کۆڕو کۆبونەوەکانداکە گەیشتە سرودی ئەی رەقیب،، دینمان..................هەڵنەستنە سەرپێ!دونیای باوەڕی ئەو کەسانی هەر ئەوەی کەمە! ئەوە نییە تێکنیکی فەزایی وئەستێرە ناسی تەواوی دونیا لە ،،، عەڕەبستان،،، دروست دەبێ. ئەوە نییە ئامریکاو ئورووپیەکان بە بێ نەفتی وڵاتانی ئیسلامی خەریکن لە برسان دەمرن. من لەروانگەی ئایینئ ئیسلام ناتوانم وشەی،،دین،، لێک دەمەوە چون ئیسلامناس نیم هەر بەشێک لە لایەنی فەلسەفی ئیسلام دەناسم ئەویش جار جار بۆم زەحمەتە. لێکدانەوەی باوەرمەندانیش لە لای من جیاوازە. لێکدانەوەی مامۆستایەکی زانای وەک،، شەهید مەلاکەریم شاریکەندی،، (کە بەداخەوە لە کا تی خۆیدا لە مهاباد کۆمەڵە ترۆری کرد) لە من لای جیاوازە لە لێکدانەوەی کەسێکی وەی ،،مەلا کرێکار،، وهابیرەکان لە باشووری وڵات. هەتا ئێرە ئەو رستانەی سەروو قسەی دڵی خۆمن. ئەو بەشەی خوارووش دەقی بەشێکی لە ورگێڕانەوەیەکە لە رووپەڕی،،، زانستنامەی ئازاد،،، کە دەیدەمە بەر دەستی خوێنەری زاناوهوشیار.
دەقی وەرگێڕانەوە:
ریشەناسی وشەی،،،دین وئایین،،، .
دین یا ئایین جیهانبینیەکە کە لە کۆمەڵێک،،باوەڕ،،پێکهاتووە کە تێدەکۆشێ بۆ کۆمەڵێک/ پرسی بنەڕەتی / وەک: چۆنیەتی خۆ دەرخستنی شتەکان، گیانلەبەرەکان، هەروەها دەست پێک وکۆتایی هەموو شتێک. تەنانەت دەستپێک وکۆتایی ژیان.دینەکان لە ئەقڵ فراوانترن، بەو واتایە بەشێک لە دین، سەربەخۆ لەئەقڵ ولەسەر بونیادی،،، ئەوین،،، وباوەڕخۆرادەگرن. بە باوەڕی ئەوینداران تەواوی ئەو شتانەی کە باڵاترلە،،یاساکانی هەیین،،لە سروشتدا بونیان هەیە وئەو دونیایەیان دروستکردووە وفەرمانی بەسەردادەدەن. مرۆڤ دەتوانێ لە رێگای / پەرستنی / ئەو یان لە کاردانەوەی ئەو هەبونە کەڵک وەرگرێ وبگاتە هەستێک کە / ئەمنییەت وئارامی / پێ ببخشێ.
لە زمانی سانسکریت (ئەو زمانە لە بنە ماڵەی زمانەکانی هێندووئورووپییە) وگاتاکانی،،، ئاوێستادا،،،زۆرجار واژەی / دێئنا / بەکار هاتووە. لە گاتاکاندا بە مانای جۆراوجۆر لێکدراوەتەوە وەک: ئایین، تایبەتمەندی روحی، مەزنبونی دەروون ودوروونی مرۆڤ. / دین / یەکێکە لە هێزەکانی پێنج لایەنەی مرۆڤ،وشەی دین لە پەڕتووکی،، ئاوێستادا،، لە وشەی / دێئنا / سەرچاوە دەگرێ. خۆی وشەی دێئنا لە ریشەی / دا / بە مانای، بیرکردنەوە وناسین بەکار دەهێنرێ. لە ،،ئاوێستادا،، واژەی / دێئنا / بە مانای ،،دین،، وهێزی ئیزەدی یانژی،، دووبارە ناسینەوەی باشی لە خراپی لێکدراوەتەوە. هەڵبەتە باوەڕیکی دیکەش هەیە کە واژەی،،، دێئنا،،، بە مانای / ویژدان / بەکار هاتووە.عەبدولحوسێن زەڕینکوب لە کتێبی/ سنوری ویژدان / لە بارەی ،،دین،، دا دەڵێ:دین لە ریشەدا بە مانای ،،، ویژدانی مرۆوەکانە بەو واتایە / دین / دەتوانێ ئاسمانی بێ یانی پێغەمبەرێک هاتووە وپێدادەگرێ لەسەر ئەو باوەڕەکە،، هەرچی هێناویە لە لایان خوداوە بووە،، یانژی / دین /ئاسمانی نییە بەوواتایە بەرهەمی،، فکروڕامانی،، مرۆڤەکانە.(بە باوەڕێ من لە سروودی ئەی ڕەقیبدالایەنی دووهەم بە هێزترە).،،تەواو،،.
لە وڵاتی کوردەواریدا پاشی ٢٩ سەرهەڵدان ئەوە حالورۆژمانە کە نوسەرو مێدیای دەسەڵات بڵێی، سیستمی کانتۆنەکان وڵات دابەش دەکا! باشە ئەو نەتەوەیە بەرەو کوێ دەڕووا؟ کە نەتوانێ دەسەڵات والێبکا کە هەژار کوژەکان بە ئازادی دێن وەچن. لەمێژە گەمەی ئاڵاو سرودی ئەی رەقیب لێمان بۆتە بازاڕی بازەرگانانی خوێن وخاک. کەس ناوێرێ رەخنە لە هێندێک هێمای بە رواڵەت نەتەوەیی بگرێ ونەکەوێتە بەرتەوژمی نەزانی. لەسەدەی رابووردوودا دەیان وڵات هەم ئاڵایان گۆڕدراوە وهەم سرودی نەتەوەییان ئاڵوگۆڕی بەسەردا هاتووە وکەسیش نەکەوتۆتە بەر تیروتوانجی بێ تەمیزان.