سه‌رانی مافیای کورد و سەدام

Friday, 20/03/2009, 12:00

1632 بینراوە

كێ بێ لە ئێمە مانان نەزانی كە سەدام چەند دڕندە چەند دڵ رەق بوو . چەند ها شار ولادێ خاپور كرد . چەندها چەم و بناری دایە بەر گوولە تۆپ . چەندها ماڵ و منداڵی بێوەری كرد لە كەس و كاری. چەندها بەندی بێ ناووونیشانی دروست كردبوو بۆ سەر گوم كردنی ئەوانەی بەرنگاری دەبوونەوە و ئەوانەی بەرنگاریشی نەدەبوونەوە. بەڵێ ئەو لە یەك كارا بەرامبەر هەموو یەكسان بوو چ بەرامبەر كورد یاخود خودی عەرەب یان توركمان و كلد و ئاشور ئەویش ئازار دان و چەوسانەوە .

رۆژانی حوكم ڕانی دكتاتور و بە تایبەتی رۆژی لە دایك بوونی هیندەیان فلیمی(الایام الگویلە) لێدەدا، سەرتا سەری ئەم ئێراقە سیناریوكەی لە بەر كردبوو بە منداڵ و گەوەرەو كچ و كوڕەوە دەیانزانی چی دەبێ و چی نابێ، تەنات ئەو موشە خۆرانەی كە ئیستا هەمان دەسەڵاتی ڕابوردوویان پێ دراوەتەوە بە ئەركی سەر شانی خۆیان دەزانی كە لە كاتی هەر نمایشیكی ئەو فلیمەدا ڕاپۆرتی لە سەری بنووسن و ستایشی رێرەوی سەرۆكی پایە بەرزیان بكەن . بەڵام ئەوەی منی لەو فلیمە ڕاگرت تەنها كارەكتەری ئەو كابرایە بوو كە سەدام ڕزگار دەكا لە ئێراقەوە دەیبات بۆ سوریا ، كابرا خۆی سواری كەریكی چاك بوە هەرچی سەدامە سواری جاشكی بوو ، یەكێكی تریش بە دواویەوە هەر ڕادەكا..ئەو كابرایەش ناوی (محمد حدوشی) بوو و سەدام هەر بە حەموودی بانگی دەكرد. رۆژان هات و رۆژان رۆیشت سەدام بوو بە حوكم ڕانی ئێراق . ئەگەر بێتوو هەركێیەك لە ئێمەمانا ن ئەوەی نەبینیایە بە چاوی خۆی دەبوایە بمانووتایە بە گوێرەی ئەو دڵڕەقییەی سەدام هەیبوو دەبوایە بانگی (محمد حدوشی) بكردایەو لە پای ئەوەی كاتی خۆی محمد ئەوی سواری كەرە چاكەكە نەكردوە و هیشتوویەتی هیلاك بێ بە رەچو رەچەڵەكیا بچێتە خوار، تۆڵەی ئەو كاتەی لێ بكاتەوە ، چەند هیلاك بووە لە كونی لوتیەوە دەری بكا و بێكا بە پەندی زەمانە.. بەڵام بۆ تاكە جار سەدام بە پێچەوانەوە رەفتار بكا، ئەمجارەیان بەرامبەر ئەو پیاوە زۆر بە ئەمەكانە رەفتاری كرد ، بگرە كردی بە دەوڵەمەندترین كەسی ئێراق و سەروەتو سامانێكی زۆری پێ بەخشی و رێگای ئەوەی پێ دابوو كە لە چی سات و وەختیكا بێ بۆی هەیە چاوی پێ بكەوی تەنات گەر لە كۆبوونەوەی قیادەی قووتریش بێ..لە یەكی لە چاو پێكەوتنەكانی سەدام لە گەڵ ئەو كەسانەی كە لە ئێراقەوە بۆ سووریا دەربازیان كرد .ئەویش یەكی بوو لەوانە بە ئاشكرا دیار بوو كە (محمد) قسەی دەكرد سەدام ووسكت دەبوو بە پێچەوانەی هەموو چاو پێكەوتنەكانی سەدام گەر قسەی بكردایە كەس بۆی نەبوو بیپچڕی گەر بەندی جگەریشی بووایە، بەڵام سەدام بەرامبەر كردەوە ڕابوردوەكانی ئەم كە چی بۆ كردوە رادەوەستا . هەر لەو چاو پێكەوتنە سەدام پێ ووت حموودی وابزانم ئەو جەمەدانییەی دات پێم بۆ شەش رۆژ دەچوو نەشۆرابێ ئەویش پێ ووت (دەبڵێ شەش مانگ) بەبێ ترس .. بەڵێ هەر ئەو حەموودیە بوو دەیتوانی خەڵكی لە مردن رزگار بكات ، بەس بە تەنها چاو پێكەوتنێكی سەدام لەو كاتەدا بەس بوو بۆ ئەنجام دانی ئەو كارە..

ئەی ئێوەی بەر پرسانی كورد كەم سواری كەر و جاشك و تراكتۆرو سیارە و ماتۆری ئەو خەڵكە بوون بۆ ئەوەی لە دوا كەوتن و كوشتن و برین و گووللە هاوەن و گووللە تۆپ و شەر و كیمیا باران و ئەنفال و غازی خەردل رزگارتان بێ . بگرە سواری شتی تریش بوون هەر لە بەر ئەوەی بەر پرس بوون

ئەو یەكێ رزگاری كرد. مەبەستم سەدامە، بەو جۆرە بەرامبەری رەفتاری كرد ، ئێوە هەموو گەلی كورد (محمد حدوش) بوو. هەر هەموو لە پشتان بوون ، ئێستا لە ژوورەكانتانا كە یەكی لەوانەی كاتی خۆی یارمەتی داوون دەیەوی بێ بۆ لاتان دەبێ ئەوەندە پرسگە ببڕێ جا ئەو جا ئێوەش خۆتانی لێ گیل دەكەن، وەك ئەوە وابێ هەر نەتبینیوە و نەتناسیوە. دەڵێ قەت تۆ نەبوویتە و ئەو بەسواری كەرەكەی خۆی بەدوای تۆیا غاردانیی نەبوو بۆ ئەوەی رزگارت بكات

گەلێك خاوەن ئەوەند هەزار ئەنفال ، بەس لە پێناوی ئەوەی كە تۆ مەبەستم تۆی بەرپرسە، لە سەر كوورسیكەت دانیشی. دڵت نەیە یارمەتیەكی بدەی بۆ ئەوەی ئەو كارەساتەی بیر بچێتەوە، بەڵكو هەموو رۆژێكی ژیانی لێ بكەی بە ئەنفالێكی تازە , و ئاواتە خوازی ئەوە بێ كە لە گەڵ كاروانا ئەویش سەفەری بكردایەو بۆ ئەم رۆژە رەشە نەمابایە

ئێمە ناڵێین بیانكەن بە دەوڵەمەندترین كەس ، هەرچەند ئەگەربیانشكەن ئەوە مافێكی ڕەوای خۆیانە، ئەركی سەر شانی ئێوەمانانە، بەڵام دەڵین با ئەو فەرقە گەوریە نەمێنی. با تۆزی بە ئەمەك داری و وەفاداری بەرامبەر ئەو گەلە رەفتاربكەین. با چاومان لە ئاخ و ئۆف و ناڵەو و هاواریان بێ. با بەس ئەوەند بیری ئەوە بكەینەوە كە ئێمە ئەمڕۆ لێرەین تەواو هەمووشتێ بڕایوە..من ناڵێم كەر و جاشكەكانیان بگرن لە زێڕ ، لە بەر ئەوەی ئەم دێ ئەو دێتان پێ دەكرد . من نالێم خواردنی ئاژەڵكانیان لە ووڵاتانی دەرەوە بۆ بهێنن .. من دەلێم باری گوزەرانی خاوەن ئاژەڵەكان چاككەنوە .من دەڵێم رەفاهییەتیان بۆ بەرجەستە كەن. من دەڵێم كارەبایان بۆ قەرار دادە كەن. با چی تر لە تاریكی نەژێن . من دەڵێم ئەوەندەی ئەو دكتاتۆرە دڵ ڕەقەشتان لە دەس نایە دوای ئەوەی لە سەر كوورسیەكان دانیشتن . دە پیاو چاكی پێوە بكەن چونكە زەمانە هەر وا بووە و واش دەڕوا , (گەر بۆ پێش خۆت بمابایە تۆ پێی نەدەگەیشتی).