یەكێ لابرا كەس بۆی نەگریا , یەكێكیش دانرا كەس پێی دڵخۆش نەبوو
Tuesday, 03/03/2009, 12:00
1223 بینراوە
دەعبەل شاعیرێكى بەتوانای سەردەمی معتێم بیللای عەباسیەكان بوو , كاتێ دەنگوباسی مردنی موعتەسەم و بە خەلیفەبوونی واسق بیللای لە جێگای ئەوپێگەیشت , ئەم دێرە شیعرەی نووسی
خلیفە مات لم یحزن له احد خەلیفەیەك مرد كەس بۆی غەمبار نەبوو
واخر جاو لم یفرح به احد كەسێكیش هات كەس پێی دڵخۆش نەبوو
هەمیشە بیرمەندان جا چ شاعیربوونە یان چیڕۆك نووس یان مێژوونووس .............. مادام نووسینەكانیان رەنگدانەوەى واقعی ناو كۆمەڵگا بووە بە واتایەكی تر هەڵقوڵاوی ئازارو مەینەتیەكانی خەڵك بووە لە دەست زولم و زۆرداری كاربەدەستان لەسەردەمی خۆیان , تۆش لە كاتێكدا كە هەمان كێشەت هەیەو , نووسینەكانیان یان شیعرەكانیان كە بەر لەچەندین سەدساڵ گوتراوە دەیانخوێنیتەوە وا دازانیت بۆ ئەمڕۆی تۆ گوتراوە , سەرە بابەت و ناوەخنی نووسینەكەی من لەو دێرە شیعرەی دەعبەل هەڵقوڵاوەو سەرچاوەى گرتووە , كەزیاترلە هەزار ساڵ بەر لە ئێستا گوتراوە , رَێك دەڵێی بۆ لابردنی عومەر فەتاح و لەجێدانانی عیماد ئەحمەدە نوسراوە لە پۆستی نوێدا ,
به‌راستی وایه نه‌خه‌ڵك غه‌مباربوو به‌ده‌ست له كاركیَشانه‌وه‌ى عومه‌ر فه‌تاح چونكه كاتیَ ئه‌و پۆسته‌كی گرنگی له‌به‌ر ده‌ست دابوو مه‌ینه‌تیه‌كانی خه‌ڵك نه‌ك هه‌ر كه‌م نه‌كرده‌وه , بگره ده‌یه‌ها به قه‌د جارانی زیاتریش كرد, له پاڵ ئه‌مه‌ش رۆژانه له رۆ ژنامه‌و سایته‌كان ته‌نها گویَبیستی گه‌نده‌ڵیه‌كان ده‌بووین له‌خۆی و له خیَزان و بنه‌ماڵه‌كه‌ی به‌گشتی , كه له پۆسته‌كه‌شی ده‌ستیان پیَ له كار كیَشاوه یه‌ك تۆزقاڵ لیَپیَچینه‌وه‌ى له‌گه‌ڵ نه‌كراوه‌و ناشكریَت . له‌ولاشه‌وه هاتنی عیماد ئه‌حمه‌د دیسان خه‌ڵكی نه‌ك هه‌ر كوردستان بگره ناو یه‌كیَتیش پیَی دڵخۆش نین چونكه ئه‌وه چه‌ندین پۆستیشی پیَبدریَت چ له وه‌زیر یان جیگری سه‌ره‌ك وه‌زیران له ئیداره‌ى سلیَمانی به‌ڵام خۆ خه‌ڵكی سلیَمانیش له سه‌ر ده‌ستی ئه‌و هیچ كیَشه‌كانیان چاره‌سه‌ر نه‌بوو , چونكه ئه‌و جۆره كه‌سانه له هه‌ناویَكی گه‌نده‌ڵه‌وه هاتوونه‌ته ده‌ر تازه راهاتوون و هه‌تا لیَپیَچینه‌وه‌یان له‌گه‌ڵ نه‌كریَت و میلله‌ت نه‌چیَت له سه‌ر كورسیه‌كان بیان هیَنیَته خواره‌وه , ئه‌وانه ناگۆریَن , ئه‌وه‌ى لیَیان گۆڕاوه ته‌نها قسه‌كردنه له‌به‌رده‌م شاشه‌كانی تیڤى و رۆژنامه‌كان , ده‌نا ده‌شبینین كاره گه‌نده‌ڵه‌كان , هه‌ر وه‌كوو خۆی به‌رده‌وام ده‌بێت , تا جامه‌كه لیێی پڕده‌بێت و ئنجا لیَی ده‌ڕژێ ,جا ئه‌وكاته ئه‌م دوو حزبه‌ش به هه‌مان چاره‌نووسی ده‌سته‌ڵاته قیَزه‌وه‌نه‌كانی پیَش خۆیان ده‌ڕۆن..
