ئێمە لەگەڵ ئەنجامدانى هەڵبژاردنەكانى پەرلەمانین لەوادەى خۆیدا
Wednesday, 31/07/2013, 12:00
1256 بینراوە
گوتەبێژى مەكتەبی سیاسی حزبی ئایندەى كوردستان : ئێمە لەگەڵ ئەنجامدانى هەڵبژاردنەكانى پەرلەمانین لەوادەى خۆیدا.
چەند ڕۆژێكە بەبیانووى بەیەكەوە ئەنجامدانى هەردوو هەڵبژاردنى پەرلەمان و ئەنجومەنى پارێزگاكان دەنگۆى دواخستنى هەڵبژاردنى پەرلەمان باسی لێوەدەكرێت.
ئێمە وەك حزبی ئایندەى كوردستان لەگەڵ ئەنجامدانى هەڵبژاردنى پەرلەمانى كوردستانین لەوادەى دیاریكراوى خۆیدا، بۆهەڵبژاردنى ئەنجومەنى پارێزگاكانیش دەكرێت ئەم هەڵبژاردنە بخرێتە مانگى (11) یا هاوكات لەگەڵ هەڵبژاردنەكانى عیراق ئەنجام بدرێت نەك بەپاساوى ئەم هەڵبژاردنە هەڵبژاردنى پەرلەمان دوابخرێت، چونكە هەموو ئامادەكاریەكان بۆ هەڵبژاردنى پەرلەمانى كوردستان كراوەو کۆمەڵێ گرفت وقەیران هەڵواسراوە بە پەرلەمانی ئایندەوە ،بۆیە ناكرێ لەمەزیاتر گەمە بەوادەى هەڵبژاردنەكان بكرێ و درێژە بەقەیرانەكان بدرێت و خەڵكى كوردستان لەپرۆسەى هەڵبژاردن وەرەس و بێ متمانە بكرێت
