من و سلێمانی

Monday, 05/05/2014, 12:00

1564 بینراوە

هێندەی دووری تۆ حەسرەتە

لەدڵمدا سلێمانی

باسی غەریبی خۆم ناکەم

سەد هەزار هێندەی ئێستا

دوور بی لەمن

دیدەم نگای ڕوخساری تۆ وون ناکەن

هەروەک جارانی مناڵیم

لەکۆڵان وکوچەو بازاڕتدا

ئەبەد سەیری رووخساری نوێت ناکەن

خۆڵی خاکی تۆیە نێوچاوانمی

ڕەنگ کردوە

بۆسوجدەی شوێنانی تر

ئەژنۆ لە من نزا ناکەن

ئێستاش لەم دووریە وەکو جاران

نەجەستەو نەچاو و نەڕۆح

بۆ لەحزەیەک لە دیدارت درەنگ ناگەن

کە دڵ لە نێو جەستەی تۆدا جێمابێ

بێ ڕۆحە لەش. ژیان لێرە بەسەر نابەن

سەراپا دارو بەردی زێڕین بێ

بەخاکی قوڕینی تۆی نادەم

لاشە سست و لاوازە خەواڵوە پێڵو

هەڵنایە دیدە نابینایە

تام وڕەنگ و هەست

هیچیان لێرە بەدی ناکەم

چاوێ بەپرشنگی خۆری

بەیانیانت هەڵهاتبێ

سەیری کزی مۆم و چرا ناکەن

دڵنیابە ڕۆژیک ئەبێ دڵی گەرم و گەورەت

بۆ جەستەی ساردم وەکو دووعاشقی لێکدابڕاو

بۆ تائەبەد باوەش بەیکدا کەن