هەشت و نۆ دەکاتە چەند ؟

Friday, 25/04/2014, 12:00

1832 بینراوە

لە کورتە فیلمێکدا
مندالێکی هەژار
بەکەرەسەی بۆیاغەوە
بەلای قوتابخانەیەکە
تێ دەپەڕێ
لە پەنجەرەی دەرەوە
سەیری ژورەوە
دەکات
لەوانەی ماتماتیکە
مامۆستای پۆل
لە قوتابیەکان دەپرسێت
هەشت و نۆ
دەکاتە چەند ؟
هەر لەدەرەوە
دەست بەرز دەکاتەوەو
دەڵێت
من دەزانم مامۆستا
دەگاتە ژمارە هەڤدە
بەڵام شوشەی پەنجەرە
رێگا نادات
مامۆستا گۆێ لێبگرێت
بۆیە دڵ تەنگ دەبێ و
فرمێسک گۆنای
دائەپۆشێت
لەوڵاتمان
بەسەدان
بەهەزاران
منداڵانی وڵاتەکەم
لەبەر باری نەبوونی
قوتابخانە
چێ دەهێڵن
پەنا دەبەنە بەرکار و
بەعەلاگە فرۆشتن و
بە بویاغچی
بە حەماڵی
قووتی خێزان
دابین دەکەن
لەبازاڕە
ماف و هەست
لەدەست ئەدەن
لە کاتێکدا
منداڵانی بەرپرسەکان
بەچەکە فیرعەونێکن
هەر لەمنداڵیەوە
ژیانی بەختەوەریان
مسۆگەرە
هەتا ئیستا
چاوەڕوانی ئەو ڕۆژەن
ئەم بەرپرسانە
تیر ببن
بیر لەباری نەبونیان
بکەنەوە
لە وڵاتی نەفرەتی نەوت
ئەگەر
مافی مرۆڤ هەبێ
ئەگەر یاسا هەبێ
ئەگەر ویژدانیان هەبی
نابێت منداڵ
دەست لەقوتبخانە
هەڵگرێت و
ڕوو بکاتە
بازاڕی ڕەش