ته‌له‌فزیۆنی گه‌لی کوردستان /هه‌ولێر جاشێكی تاوانكار ده‌كه‌نه شه‌هیدی قاره‌مان !.
Tuesday, 24/02/2009, 12:00
2113 بینراوە
ته‌له‌فزیۆنی گه‌لی كوردستان- هه‌ولێر, شه‌وی 20 له‌سه‌ر 21 ی ئه‌م مانگه , له به‌رنامه‌ی شه‌هیدانی خۆی به‌ناوی (چڕۆ سه‌وزه‌کان) , له یادی تاوانكار جه‌وهه‌ر خدردا , ئه‌وی كرده شه‌هیدی قاره‌مان , كه ناوبراو له ساڵی 1978 ه‌وه تا كوژرانی له 1995 دا , مێژووییه‌كی پڕ له تاوانكاری و خیانه‌تی هه‌بووه . ناوبراو له جاشایه‌تیدا جێگری فه‌وجی 135 بووه , ئه‌و فه‌وجه‌ی كه له ئه‌نفاله‌كانی دوو و سێدا دڵسۆزانه كوردی بۆ به‌عس ئه‌نفال كرد , ده‌توانن له‌سه‌ر زاری به‌رپرسی ئیستخباراتی هه‌مان فه‌وجه‌وه تاوانكار سه‌فوان هه‌زاع قاره‌مانییه‌تی جه‌وهه‌ر خدر ببیستن که چاک به‌به‌ڵگه له‌به‌رده‌ستێتی .
به‌رنامه‌ی ناوبراو به‌وه نه‌وه‌ستا تاوانباری به دڵسۆزی كورد داوه‌ته قه‌ڵه‌م , هاوكات هه‌ندێ له بنه‌ماله‌ی قوربانیانی ئه‌م تاوانباره‌ی به‌ناپاک و سیخوڕی ڕژێم له‌قه‌له‌م داوه .
له هه‌مان به‌رنامه‌دا دووان له سیماكانی ریفۆرم خوازی شاری هه‌ولێر به ناوه‌كانی سه‌فین مه‌لا قه‌ره و عوسمان بانی مارانی بوونه شایه‌دحاڵی كورد په‌روه‌ری تاوانكار , هیوادارین ئه‌مه هه‌ڵوێستی هه‌موو ریفۆرم خوازه‌كان نه‌بَێت له به‌رامبه‌ر تاوانكاران , ئامانج له كۆكردنه‌وه‌ی پشتیوانی و ده‌نگ نه‌بێت .
لێره‌وه داوا له ڕاگه‌یاندنی ینك و ته‌له‌فزیۆنی هه‌ولێری گه‌لی كوردستان ده‌كه‌ین , داوای لێبوردن له بنه‌ماڵه‌ی قوربانیان بكه‌ن .
چاودێری كوردۆساید-چاك
Kurdocide Watch
www.chak.be www.chaknews.com
