كاتێ كەچوون بۆ دەنگدان لەبیرتان نەچێ؟! ...

Thursday, 11/06/2009, 12:00

بەشداریكردنی گەل لەدیاریكردنی دەستەڵات و سەرۆكایەتی هەرێم یاخود وڵات و دیاریكردنی نوێنەری راستەقینە و خەمخۆری گەل و نیشتمان ئەركێكی هەموو هاونیشتمانیەكی دڵسۆز بەوەفایە دەنگدان بۆهەڵبژاردنی سەرۆكایەتی و دیاریكردنی نوێنەری راستەقینەی گەل یەكێكە لە مافە سەرەتاییەكانی مرۆف لەچوارچێوەی وڵا تانی دیموكرات و ئازادیخواز. بۆسەركەوتنی ئەم پرۆسەیە پێویستە گەلیش زۆرووشیاربێت لەبەكاریگەركردنی دەنگەكەی, ئەبێ بەویژدانەوە لەولیستانە(كەسایەتیانەی)كەخۆیان كاندیدكردووە بۆسەرۆكایەتیكردن وبەئەندامبون لە ئەنجومەنی پەرلەمان. كەلەئایندەیەكی نزیكدا ئەو پرۆسەیەش لەهە رێمی كوردستان بەڕێوە دەچێت, گرینگ ئەوەیە كەچوینە سەرسنووقەكانی دەنگدان ئەوەمان لەبیرنەچێ ئایا دەنگ بۆكێ بدەین و لەبەرچی؟
خەڵكینە خەمخحۆرانی گەل و رۆشنبیرانی نیشتمان 19ساڵە ئەم دوحیزبەی كەدەستەڵاتی هەرێمی كوردستانیان بۆخۆیان قۆرخ كردووە هەروەكو میراس بەتەوافووق بێ گوێدانە رای جەماوەر و بەرژەوەندیەكانی گەلەكەمان تائێستا هەرلەشەڕی براكوژی و بەخۆراك كردنی لاشەی هەزاران تێكۆشەری بەجەسارەت و بەئەمەكی گەلەكەمان وچاندنی تۆوی ڕق و كینە و دوبەرەكی لەنێوان تاكەكانی میللەت وبڵاوكردنەوەی گەندەڵی ئەخلاقی و سیاسی و رۆشنبیری و كلتوری و ئیداری!.چیدیان بۆكردوون؟ راستە شارەكانی هەرێم پڕن لەباڵەخانە و ڤیللای بەرز و جوان و لەشوێنە هەرە ستراژیەكان بەڵام كێن خاوەنی ئەمانە؟
لەم سەردەمەدا ئەم دووحیزبە بەناو حیزبی جەماوەر و زۆرترین لایەنگریان هەیە ئاخۆ ئەو لایەنگرانە كێن؟ ئەوانەن كەسینگیان ناوەتە بەرگوللەی دوژمنانی گەلەكەمان و ئامادەن بەسەروماڵ پارێزگاری لەخاك و گەل ونیشتمان بكەن؟ یاخود تەنیا ئەوكەسانەن كە لە هەڵپەی كۆكردنەوەی سەروەت و سامندان بێ گوێدانە مەشرووعیەت و نامەشرووعیەت؟ ئەوانەی بازرگانی بەخاك و گەل ونیشتمان ئەكەن لەپێناو كورسی و پلە و پایە و بەرژەوەندی تەسكی حیزبایەتی و شەخسی؟.ئەوبۆچونەی كەئەڵێ جەماوەریان زۆرە ئەوەش بۆچونی ئەومشەخۆرو تێوەگلاوانەنیە كەسەروەت, سامانی ئەم نییشتمانەیان بەموڵكی خۆیان زانیوە و لەپێناو بەرژەوەندیەكانی خۆیاندا بەهەدەری ئەدەن؟!.
ئەمانەی لەسەروە باسم كردن مشتێكن لەخەرمانێك كەم و كوڕی وبگرە گەورەترین مەترسین بۆئایندەی گەلەكەمان؟ هەرلەسەردەمی ئەم دەستەڵاتەدا نیە كەمیتی تورك و موخابەراتی ئێران بۆقڕكردنی دەنگی ڕەوای ئازادی خوازی هاوزمانانمان لم دوو وڵاتە لەهەرێمی كوردستان بەكەیفی خۆیان تەراتێن ئەكەن و داوی قڕكردنی ئەودەنگە زوڵاڵانە ئەنێنەوە؟ هە ربەبەرچاوی ئەوانەوە نیە ڕۆژانە گوندە سنووریەكانی هەرێم بەكاتیۆشاو تۆپ وفرۆكە بۆردومان دەكرێت و كەسێكیش فززەی لێوە نایەت و فرۆكەكانی دوژمنان بەئارەزوی خۆیان و لەوڵاتی خۆیان بێترس تر تەراتێن ئەكەن؟ ئەگەر پێوانەی خۆشەویستی گەل و نیشتمان ئەوهابێت لای دەستەڵاتێك ئەبێ ئوومێدی چی لێبكرێت لەمە زیاتر؟.
كەواتە كاتێك رۆژی دەنگدان كە دەچنە سەرسنووقی دەنگدان پێویستە هەرهەمووئەمانە لەبەرچاوتان بێت وبیری لێبكەنەوە ئەوسا بەویژدان و بەئەقڵ و بەزانایی دەنگ بۆلیستێك یاخود لایەنێك یاكەسایەتیەك بدەن كەدڵسۆزی گەل و نیشتمان بێت و خەمخۆر و راستگۆو فیداكار و زانا و زیرەك و دوور بین و هیوای دوارۆژی گەل ونیشتمان بێت بێ جیاوازی.كەواتە باووشیاربین و هەڵەكانی پێشومان دوبارە نەكەینەوە؟ پاشان پەنجەگەستن و گازندە و گللەیی دادمان نادات؟...