لە ئوتێلە نێودەوڵەتییەکەی هەولێر کە سەر بە بنەماڵەی بارزانییە بە شفتەی خڕ دەڵێن (پاوەڵ مردووە)
Wednesday, 28/05/2014, 12:00
2070 بینراوە
هەواڵێك لە هەولێرەوە:
بەڕاستی نازانم پێبکەنم، یان لە داخدا بگریم، کاتێک برادەرێک، لە رێگای ئیمەیلەوە ئەم هەواڵەی پێڕاگەیاندم. من نازانم بۆ باشووری کوردستان وای لێهاتوە و لە هەموو بوارەکاندا گەیشتۆتە ئەم ئاستە نزمە. فەرموو ئەوە سلێمانی و بەناو پایتەختی ڕۆشنبیرییە، کە ڕەنگە بەدرێژایی مێژووی ئەم شارە هەموو شتێك بێ تەنها ئەمڕۆ ڕۆشنبیری تێدا نەبێ، لە کاتێکدا شاعیرە ناسراو و بەناو میللیەکانی داوای ئەوە ئەکەن لەکاتی مردنیان لەگەڵ خەڵکی شارەکەیاندا نەیاننێژنن و بە تەنیا لە پارکێکدا و دوور لە هەموان بەخاکیان بسپێرن. ئەو شارەی، کە ڕەنگە 3 هۆڵی شایستەی بۆ نەکرابێ و خاوەنی تەنها 3 سینەمابوو و چاپەمەنیەکان لە ژێر دەستی حزبدان و تەنها کۆمەڵێك نەبێ لە خێر و بێری دەخۆن و کەسانی تریش دەبێ سیر بخۆن و زووڕنا لێبدەن. شاری سلێمانیی و بە قسەی خۆیان شاری ڕۆشنبیریی، ئەمڕۆ سیخناخە بە نووسەر و ڕۆمانووسی ئەرزەوەرگر و هەر لە خەمی ئەرزەو موچەدان. ئەو شارەی پیرەمێرد کە لەسەر حسابی خۆی و خەڵکی خێرخواز پارە و پیتاك کۆدەکرایەوە بۆ ئەوەی ڕۆژنامەیەکی پێدەر بکرێ و جەژنی نەورۆزی پێ سازبدرێ، کەچی ئەمڕۆ نووسەر و چیرۆكنووسەکانی بوون بە ئەزیەت بەسەر شارەوە وەك مۆرانە کەوتونەتە جەستەی شار و هەڵی دەدۆشن.
ئەوە حاڵی هەولێر لەولاوە بوەستێ و بەدەست بنەماڵەی بارزانییەوە لەکوردستان و کوردایەتی ئاوەڕووت کراوە و کراوە بە پایتەختی گەشتوگوزاری عەرەبی. فەرموون بچن بۆ یەکێک لە ئوتێلە هەرە گرانبەها و ناوبانگەکەی هەولێر و بزانە ئاستی خزمەتگوزاری و ئاستی فەرهەنگی چۆن چۆن و بەدەستی کەسانی نەزان و گێل کە هەڵبژاردەی بنەماڵەی بارزانین و هەموو پۆستەکانیان بۆ خۆیان قۆرخ کردوە گەیشتۆتە کوێ. بزانە کەوا چۆن کاتێک کەسێکی بێگانە ڕوو دەکاتە ئەو شارە ئا بەو شێوەیە باسمان دەکەن و گاڵتەمان پێدەکەن. لە کوێ دونیا هەبووە ناوی خواردن بەو شێوەیە بگۆڕدرێتە سەر زمانێکی تر.
This is true, a friend of a friend is now visiting Erbil
He is staying in Erbil International Hotel and yesterday he sent
What's an App picture from the hotel restaurant where they displayed
the name of a dish of meatballs in sauce (what we call
كفته).
See the name in Arabic or Kurdish and translated back into English
لە ئوتێلی هەولیری نێودەوڵەتی بە شفتەی خڕ (Meatballs) دەڵێن
Paul is dead واتە پاول مردووە
کوردستانپۆست: لە کوردەوارییدا قیمەی گۆشت پان دەکرێتەوە پێی دەڵێن شفتە، کە خڕیش کرایەوە پێی دەڵێن شفتەی خڕ، لە هەندێک ناوچەی تر کفتەشی پێدەڵێن، بە ئینگلیزی بە شفتەی خڕ دەڵێن (meatballs) بە سویدی پێی دەڵێن (kttbullar).
ئوتێلی هەولێری نێونەتەوەیی، کە سەر بە بنەماڵەی بارزانییە، ناوە ئینگلیزییەکەیان وەک خۆی وەرگرتووە، مییتبالسیان وەک عەرەبی خوێندۆتەوە و لێی تێگەیشتوون (میت پاول) واتە پاول مردووە، ئینجا جارێکی تر عەرەبییەکەیان کردۆتەوە بە ئینگلیزی نووسیویانە (Paul is dead)، تەماشای ئەو وێنەی یەکەم بکە، کە بۆ کاک حەمە سۆسەییان ناردووە. (ئەندامێکی ستاف بە گاڵتە و پێکەنینەوە وتی نازانم رەنگە لەو ئوتێلەدا پاول ناوێک مردبێت، دوایی گۆشتەکەیان کردبێت بە شفتەی خڕ!)
