ناوى نەوشیروان مستەفا و لیستى گۆڕان لەلایەن كۆمیتەى یەكێتى و ئاسایشى شارەزوورەوە لە هەڵەبجە قەدەغە دەكرێت
Saturday, 09/05/2009, 12:00
پاش یەكەم كۆبوونەوەى لیستى گۆڕان لە هەڵەبجەى شەهید كۆمیتەى یەكێتى لە ڕێگەى ئاسایشى شارەزوورەوە دژایەتى لیستى گۆڕان و نەوشیروان مستەفاى دەست پێكرد.
ئیوارەى ئەمڕۆ دوابەداوى كۆبوونەوەكەى بابەبەكر دڕەیى لەگەڵ كادرانى سەر بەبەڵى ڕیفۆرم لە هەڵەبجەى شەهید,كۆمیتەى یەكێتى لە ڕێگەى مفەوەزێكى ئاسایشەوە دژایەتى ناوى نەوشیروان مستەفا و لیستى گۆڕانى لە هەڵەبجە دەست پێكرد.
سەلامە سور خاوەنى تۆمارگاى روئیا گووتى لەسەر ئەوەى گۆرانیەكم سەبارەت بە لیستى گۆڕان و نەوشیروان مستەفا لیداوە لە تۆمارگەكامەوە لەلایەن مفەوەزێكى ئاسایشى شارەزوورەوە هێرشى كردە سەرم و فرمانىدا كە نابێت ئەو گۆرانیە لەو تۆمارگایە لێبدرێت چونكە ئەو گۆرانیە باسى لیستى گۆڕانى و نەوشیروان مستەفا دەكات.
شایەنى باسە تۆمارگاى روئیا كە خاوەنەكەى سەلامە سورەو لە شەقامى گشتى هەڵەبجەى شەهید وەك باقى تۆمارگاكانى تر و وەك ڕۆژانى ئاسای گۆرانیەى كاروانى شارەوانى و ئارام شەیداى لێداوە و كە گۆرانیەكە بەباڵاى نەوشیروان مستەفاو لیستى گۆڕاندا وتراوە هەر بەو هۆیەشەوە ئاسایشى شارەزوورو كۆمیەتەى هەڵەبجەى یەكێتى ناڕازین بە لیدانى ئەو گۆرانیە .
هەڵەبجەى شەهید
[email protected]
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
