ئاپوسیزم وه كه‌مالیزم پاشه‌روژا باكور
Thursday, 24/01/2013, 12:00
كه‌مال پاشا كو ب ناسناڤئ ئاتاتورك به‌رنیاس بوویه واته بابئ گه‌لئ تورك ئه‌ڤ ژى ژ وان سه‌ركه‌فتن وه رزگاركرنا توركیا ژ كولونیالیزمئ وه دانانا كوماره‌كا سیكولار ل جهئ ئیمبراتورا عوسمانى كو توشى ل ناڤ چونئ وه پارڤه‌كرنئ هاتبو ل سه‌رده‌ستئ هئیزئین كولونیالیست وه‌كه به‌ریتانیا فه‌ره‌نسا روسیا . گوهارتنا سیسته‌ما خه‌لافه‌تئ بوو كومارئ پشتى هه‌ڤركییه‌كا دژوار ژ ئالئ لایه‌نگیرئین سولتانى وه كه‌مال پاشا ل داویئ كومار هاته راگه‌هاندن ل سالا 1923 ئه‌ڤ ژى بوونا گه‌لئ كورد ده‌سپئیكه‌كا ره‌ش وه پرى قوربانى دان بوو ژ بوونا كو ل ناڤ ده‌ستورئ كه‌مال پاشا كو بنگه‌ها كومارا سیكولار دپارست تو ماف وه هه‌بوونا گه‌لئ كورد نه‌بوو به‌لكو تنه‌كرنا گه‌لئ كورد وه هه‌ر گه‌له‌كئ دن دناڤا ئاخا توركیا سیكولار دا هاته تونه‌كرن ژبلى گه‌لئ تورك تو گه‌له‌كئ دن ماف نه‌بى ببئیژه ئه‌س هه‌مه وه ئه‌ڤ وه‌لاتئ منه . بوونا كوشتن وه گرتنا هه‌ر كه‌سى یان قركرنا گه‌له‌كئ نه‌تورك به‌س بوو ب زمانئ خوه یئ دایكئ ب په‌یڤیت نه‌ك به‌حسا مافئ خوه بكه‌ت .واته دكتاتوره‌كئ كو بوو ره‌واتیا كارئین خوه دستور كربى چه‌ك وه ئیدولوژیا خوه ژى ب ئاگرو ئاسن ل سه‌رى گه‌لئین نه تورك دا د حه‌لاند .ئه‌ڤ درنداتى كاره‌ساتئین مه‌زن ب سه‌رئ گه‌لئ كورد ئانین ئه‌م دكارین ببیژین 28 شوره‌شئین كوردى ل باكور ب توندترین شئیوه وه دور ژ پئیڤه‌رئین ئه‌خلاقى ئینسانى هاتنه ژ ناڤ برن . وها ئیرادا گه‌لئ باكور تئیكشكاند كو بوو ده‌مه‌كئ درئیژ نكارى سه‌رئ خوه راكه‌ت . هه‌تا گه‌ها هندئ كو پرانیا كوردئین باكور ل بن زوریا فاشیستئین تورك زمانئ خوه یئ دایكئ ژ بیر بكه‌ن .ئوج ئالان ده‌ما دخواست شوره‌شئ ده‌سپئ بكه‌ت بابئ وى وها دگوتئ كورئ من ئه‌م فه‌قیرین رینه‌خارئ شیخ سه‌عید سه‌ید رزا نكارین گه‌لئ كورد رزگاركه‌ن تو دئ بوو مه چ كه‌ى ئه‌ڤ گوتن ژى ڤئ چه‌ندئ خویا دكه‌ت كو ئیرادا تاكئ كورد بوونا زڤراندنا ناسنام وه‌لات وه هه‌بوونا خوه وه‌كه گه‌له‌كئ ره‌سه‌ن وه خودى وه‌لات هاتییه تئیكشاندن وه هه‌ر نه‌مایه ئه‌ڤ ژى ژ په‌یره‌وكرنا ئیدولوژیا كه‌مالیزمئ ب زورى وه هئیزئ ل سه‌ر گه‌لئ كورد .. ئاپوسیزم .. دناڤا ڤئ ره‌وشا توند وه دژوار دا د حه‌مو ئالئیین ژیانئ دا ل باكور هه‌مبه‌ر گه‌لئ كورد ئوج ئالان كو ب ئاپو هاتییه نیاسین ل دژى ڤئ ئیدولوژیا كه‌مالیزمئ شوره‌شه‌ك هزرى چه‌كدارى ده‌سپئیكر چاوا كه‌مالیزمئ پئ ل سه‌ر هه‌بوونا گه‌لئ تورك وه‌كه گه‌له‌كئ ره‌سه‌ن خودى شارستانئ وه پیروزدكر وه گه‌لئین دن وه‌كه پاشڤه‌ماى به‌ربه‌ر بئ شارستانى د دانه‌خویاكرن .ئوج ئالان ژى ل ده‌سپئیكئ هه‌ولا هه‌رفاندن وه تئیكشكاندنا ڤئ ئیدولوژیئ دكر وه هه‌ولا سه‌ره‌كى ژى ڤه‌گه‌راندنا ئیرادا تاكئ كورد وه ل سه‌رپئ هشتنا وى ل هه‌مبه‌ر ڤئ ئیدولوژیئ دكر ئه‌ڤ ژى بوو ئه‌گه‌رئ هندئ كو شوره‌شه‌ك مودئیرن وه خورت بهئیته ئافراندن به‌روڤاژى شوره‌شئین كلاسیك گه‌ر مروڤ ل په‌رتوكئین ئوج ئالان بنئیریت ئه‌ڤ دیار وه خویایه .ڤه‌ژاندنا دئیروكا گه‌لئ كورد وه شانازى كرن ب كه‌لتور ئاخ زمان وه‌لات وه هه‌بوونا شارستانیا خوه خالئین بنگه‌هینه بوو راگرتن وه به‌رخودانا هه‌رگه‌له‌كئ ئه‌ڤ ژى ئوج ئالان كارى ب شئیوازه‌كئ هه‌ره ئه‌كادمیك وه زانستى هه‌بوونا گه‌لئ كورد د ناڤ روپه‌لئین دئیروكئ بینه ده‌ر وه ل هه‌مبه‌ر ئیدولوژیا كه‌مالیزمئ كو دبئیژه گه‌لئ كورد توركئین چیانه بكار بئیخه وه ب ڤئ ژى نه‌ك ب سه‌ركه‌فت به‌لكو هه‌بوونا گه‌له‌كئ به‌رزه ل ناڤ دئیروكئ دا ئانى مه‌یدانئ ..ئه‌ڤ ژى بوویه ترسه‌كا هه‌ره مه‌زن ل ناڤ رژئیمئین داگیر كه‌رئین كوردستانئ ب ته‌ڤایى په‌یڤا باشور باكور روژهه‌لات روژئاڤا بخوه ده‌ربرینه‌كا هه‌ره ژئیرانه‌یه بوو رئیكخستنا گه‌له‌كئ هاتییه پارچه‌كرن ..ئیرو.. ئیرو كه‌مالیزمئ بڤئیت نه‌ڤئیت ل هه‌مبه‌ر ئاپوسیزمئ شكه‌ستن خار وه ئیدى نكاره وه‌كه جاران هه‌بوونا خوه ب پارئیزه نه‌د ناڤ گه‌لئ تورك نه‌ژى دناڤ گه‌لئ كورد سیسته‌ما سیكولارا كه‌مالیزمئ ژ بلى ده‌رده‌سه‌رى كوده‌تایئین له‌شكه‌رى هه‌رفتنا بنگه‌هئ ئابورئ ده‌وله‌تئ تئیك چونا په‌یوه‌ندئیین ده‌وله‌تئین بسلمان دگه‌ل توركیایا عوسمانى وه زئیده‌بارى به‌رده‌وامبوونا شه‌رى چ دى بوونا گه‌لئ تورك نه ئانى گورئ ئه‌و خه‌ونا كه‌مال ئاتاتورك د دیت كو گه‌هشتنا توركیا بوو كاروانئ شارستانییه‌تا روژئا نه‌هاته گورئ به‌لكو به‌روڤاژى چئیبوو .. بوو ئه‌گه‌رئ هندئ ژى كو دوزا گه‌لئ باكور پتر گه‌ش وه ب باندور ببه هه‌م ل ناڤ توركیا هه‌م ژى د قادا نیڤ نه‌ته‌وى ژى دا ..دانوستاندنئین رژئیما توركیا دگه‌ل ئوج ئالان سه‌نگ و هئیزا ئاپوسیزمئ خویا دكه‌ت . كه‌س بلا خوه نه‌خاپینه ببئیژه واقع یان ریالیست وئ هاتیه گوهرین نه‌وه‌كه جارانه ئه‌ڤ ژى نه حنئیرا ئاپوسیزمئ یه ئه‌ڤ گوتن بئ ویژدانى وه دورخستنا كه‌سایه‌تییه‌كئ هه‌ره ژئیهاتى وه خه‌باتكه‌ره ل ناڤ دوزاگه‌لئ كورد دا .. گه‌ر قه‌ندیل نه‌با نه گه‌لئ باكور خوه دنیاسى نه ژى ئه‌و هئیز وه ئیراده هه‌بى ل هه‌مبه‌ر تانكئین دوژمنا سینگئ خوه ڤه‌كه‌ت .. گه‌ر ئیرو گه‌لئ باكور ل سه‌رپئ مایه دبه منت دارئ ئاپوسیزمئ به .. ئیرو ل هه‌ر ده‌مه‌كئ باشتر وه خورتر وه رئیخستى تر گه‌لئ باكور ل قادئین شه‌ردایه چ سیاسى چ له‌شكه‌رى له‌ورا پاشه‌روژا پرسا گه‌لئ باكور به‌رڤ روناهى وه سه‌ركه‌تنئ یه . . هه‌ر چه‌ند نه ئه‌وقاس ئاسانه كه‌مالیسته‌ك هه‌بوونا كورده‌كئ ب په‌ژرینه لئ به‌رخودانا گه‌لئ باكور ئه‌ڤ په‌ژراندنه پئ دایه قه‌بوول كرن ئیدى بڤئیت نه‌ڤئیت دبه گه‌لئ كورد وه‌كه گه‌له‌كئ ره‌سه‌ن خودى ماف وه‌لات حورمه‌ت بهئیته دیتن گه‌ر نه ئه‌و خه‌ونا ئه‌ردوغان نها ل سه‌ر دچیت وه‌كه كه‌مال ئاتاتورك دئ ل گورئ دا بینیت ..
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
