چەند زانیاریەكى ڕاچڵەكێنەر لە كتێبی ئەو (حەسەن بەنا) یەى كە كەس نایناسێت

Monday, 11/07/2011, 12:00

بەشی یەكەم
ئەم كتێبە "حسن البنا الژی لا یعرفه أحد" لە نوسینى نوسەرى رۆژنامەنوس (حلمی النمنم)ە جێگری سەرۆكى دەستەى میسرى گشتى كتێبە،وبەڕێوەبەرى نوسینە لە گۆڤارى المێور كە لە دار الهلال دەردەچێت ولە چەندین رۆژنامە وگۆڤاری تریش دەنوسێت بایەخى سەرەكى نوسینەكانى دەربارەى كەسایەتیە مێژوویەكانە...
كە ئەو كتێبەم خوێندەوە هەستم كرد كەلێنێكى گەورە لاى خوێنەرى كورد بە گشتى پڕ دەكاتەوە لاى خوێنەرى ئیخوانیش بە شێوەیەكى تایبەتى، چونكە ئەو وێنەیە خەیالی وئەفسانەییەى كە ئەحزابی ئیخوان مەشرەب دەربارەى حەسەن بەنا دەیبەخشنەوە یارمەتى مرۆڤ نادات تا بە شێوەیەكى بابەتیانە لە خودى حەسەن بەنا ورێبازەكەى تێبگات، یان لە مێژووى هاوچەرخ تێبگات. وێنەى ئەفسوناوى حەسەن بەنا زیاتر لە وێنەى خەیالی وسەقەتى شیعە بۆ حەزرەتى عەلى كوڕی تاڵیب دەچێت كە هەزارجار لە حەجمى خۆی گەورەتر كراوە تاڕادەى كردنى بە نیمچە خوداوەندێك، ئەو جۆرە موبالەغات وفوتێكردن سەرەڕاى ئەوەى دژى مەنهەجیەتى عیلمی وئەكادیمییە، دژى خودى ئاینى ئیسلامییشە، هەر سەرنج بدەینە قورئان لە جەختكردنەوەكانى لەسەر ئادەمیەتى پێغەمبەر a وڕەخنە وگلەییەكانى دەرهەق بە پێغەمبەر a ئەم ڕاستیەت بۆ دەردەكەوێت، لە خستنە ڕوى ئەم كتێبە مەبەستم نییە تانە لە كەسایەتى بەنا بدەم یان لە ئیخوان، چونكە تا ئێستاش من برادەرانێكى زۆرم هەیە لە نێو ئیخوانەكان وڕیزی زۆریشم هەیە بۆیان، بەلام زۆرم پێخۆشە لەگەڵ ئەو وەرزەى شۆڕشە كە هەموو جیهانى ئیسلامى وعەرەبی تەنیوەتەوە ئەوانیش كەمێك بە خۆیان دابچنەوە، هیچی تر گیرۆدەى تەقدیسكردنى پیاو وئەشخاێ نەبن با ئەو پیاوە حەسەن بەناش بێت، كەس موستەهەقی تەقدیس كردن نییە وپێویستە وەك مرۆڤ بڕوانینە هەر مرۆڤێك بە ئیجابیات وسەلبیاتیەوە، بە لایەنە بەهێز و لاوازیەكانیەوە، بە ڕاستى وهەڵەكانیەوە. تەقدیسكردن بەربەستێكە لەبەردەم قەدەغەكردنى هەر خوێندنەوەیەكى تر وجیاواز بۆ خوێندنەوەى ئەو دەسەڵاتەى كە زانیارى دەربارەى كەسە موقدەسكراوەكەى پاوان كردوە، لەوەتى هەم دژى بە بتكردنى هەر كەسێكم لە بچوكترین شێخى فریودەرى نێو گوندەكانەوە تا گەورەترین زانا وعالیم وپیاوى حەرەكى وەك حەسەن بەنا، تەنها شتێك كەمن بۆم سەیر بوو ئەوە بوو كە خودى حەسەن بەنا رەحمەتى خواى لێ بێت دەستى هەبوە لە دروستكردنى ئەو هالەیە ئەفسوناوییە كە بە دەورى كەسایەتى ئەو دروستكراوە وردەكارى ئەو بابەتە لەو نوسینە چاكتر دەبینین، دەربارەى ئەو بابەتە نوسەرى كتێب لە پێشەكیدا دەنوسێت:" سەرنجى خۆشەویستى ئیخوانەكانم داوە بۆ حەسەن بەنا كە دەگاتە رادەى تەقدیس كردنى مورشیدەكەیان، ئەوەى بڕوانێتە لیستى بەرهەم هێنانى زانستى ئیخوانەكان بۆی دەردەكەوێت كە كتێبێكى نایاب وبەنرخیان نەنوسیوە لەسەر سیرە و ژیاننامەى پێغەبەر a ، یان لەسەر ژیاننامەى ئەبوبەكرى ێدیق c كە یەكەمى ڕاشدینەكانە وئەو نەبوایە ئیسلام دەفەوتا لە پاش كۆچى دوایی پێغەمبەر a، یا لەسەر كەسایەتیە مەزن وناودار وكاریگەرەكانى ناو سەرلەبەرى مێژووى ئیسلام، كەچى چەندین كتێب وتوێژینەوەیان نوسیوە لەسەر ژیننامەى حەسەن بەنا تێیدا سیفاتى وا گەورە و مەزنیان خستۆتە پاڵی كە بە زەحمەت لە مرۆڤێكدا كۆدەبێتەوە ...لە كتێبێكى منداڵاندا ناونیشانی (حەسەن بەنا، دامەزرێنەرى بانگەوازى ئیسلامى) ئەگەر ڕاست بێت حەسەن بەنا دامەزرێنەرى دەعوەى ئیسلامى بێت، كە ڕاست نییە، ئەى چى دەمێتنێتەوە بۆ پێغەمبەر وهاوەڵەكانى؟!" (ل 5-6) لەوانەیە ئەگەر بگوترابا: نوێكەرەوەى بانگەوازى ئیسلامى، چاكتر بوایە.
ئەو جۆرەتەقدیسكردنە بەڕادەیەكى زۆر سەیرە تا ئەو ڕادەیەى كە بچوكترین هەڵە وكەموكورتى ئەو پیاوە نیشان نادرێت، ئەوە لە كاتێكدا پێغەمبەر h لە چەندین شوێن وهەڵۆست لە قورئاندا ڕەخنەى لێگیراوە وەك لە سورەتى (عبس) (عبس وتولى ان جاوه الاعمى) یان لە سورەتى (التوبە 43) (عفا الله عنك لم اژنت لهم حتى یتبین لك الژین ێدقوا وتعلم الكاژبین) ودەیان نمونەى تر. نوسەرى كتێب دەڵێت: " سەیر لە وەدایە كە حەسەن بەنا لە ژیانى خۆیدا وانەبوو، چەندین جیاوازى كەوتە نێوان خۆیی وئیخوانەكان وچەندین كەسی لێ جیابوەوە، وچەندین كەسە نزیكەكانى خۆی هێرشیان كردە سەر، كار بەوە گەیشت (احمد السكری) كە پیاوى دووەمى ناو ئیخوان بوو وهاوبەشى حەسەن بەنا بوو لە دامەزراندنى جەماعەتدا وهاوڕێی تەمەنى بوو حەسەن بەناى تاوانبار دەكرد بە درۆكردن وچەندین كارى تر، كەسانێكى تر تانەیان لە دەستپاكى دراوى دەدا (زیمەى مالی) وهەموو ئەوانەى لە ئیخوان جیابونەوە تاوانباریان دەكرد بە خۆسەپاندن و دیكتاتۆریەت وهەرچەندە بەردەوام باسی شوراى دەكرد كەچى كارى پێنەدەكرد بۆ یەك جاریش" (ل 6)
نوسەر دەڵێت تا ئێستا بەخۆداچونەوە نیە لە نێو ئیخوان سەبارەت بە مێژووى حەسەن بەنا وكاتێ یادى 60 ساڵەى كوشتنى سەرۆك وەزیرانى محمود فهمى النقراشی هات لە 2008 كە هێمایەكى گەورەى نیشتیمانى میسری بوو وبەژدارى كردبوو لە شۆڕشی 1919 وحوكمى ئیعدامى دەركرا لە لایەن ئینگلیزدا، سەبارەت بەو ڕوداوە كە بوە هۆی كوشتنى خودى حەسەن بەنا، نوسەرانى ئیخوان لەو بۆنەیەدا لە جیاتى هەڵسەنگاندنێكى بابەتى بكەن بۆ ئەو ڕوداوە كەچى هاتن و النقراشی یان بەوە تاوانبار كرد كە مەیلی زایۆنیزمى هەبوە، واتە هیچ پەشیمان وئەسەف كێشان نیە لەلایەنى ئەوانەوە لەسەر كوشتنى، بەڵكو پێیانن وایە كەوا موستەهەقی كوشتن بووە (ل 7)
كەوابوو ئەو نوسینە خوێندنەوەیەكى نوێیە بۆ حەسەن بەنا وهەوڵی دۆزینەوەى ڕوەكەى ترى حەسەن بەنایە، نەك ڕوە ئەفسانەیەكەى كە بە ئاڕاستەى پۆزەتیڤ ونێگەتیڤ لەلایەن شوێنكەوتانى ونەیارانى نیشان دەدرێت، هەر یەكەیان خاوەنى ئەفسانەیەكى تایبەتن بە ژیننامەى حەسەن بەنا... (ل 9)
تەنگوچەڵەمەكانى نوسین لەسەر ژیانى حەسەن بەنا
لە بەشی یەكەمدا نوسەر پێی وایە كە زەحمەتیەكى زۆر هەیە لە نوسین لەسەر ژیانى حەسەن بەنا، چونكە تەنها سەرچاوە دەربارەى ژیانى حەسەن بەنا بریتییە لە خودى حەسەن بەنا بەتایبەتى لە قۆناغەكانى سەرەتاى ژیانى وەك منداڵ وتا سەردەمى لاوێتیدا كە تا ئەو كاتە لاوێكى نەناسراوبوو، ئەو مێژوەش هەمووى بە پێنوسی خۆی لە (مژكرات الدعوە والداعیە) نوسراوە.
ئەو یاداشتنامەیەش كاتێ نوسراوە كە حەسەن بەنا مورشیدى گشتى بوە، بەو نوسینە موخاتەبەى جەماوەرى جەماعەتەكەی وخەڵكانى دەرەوەى كردوە و واینوسیوە وەك بڵێی لە دایك بوە تا ببێتە مورشیدى عامى هەموو كەسێك!! هەتا برای بەنا، جەمال بەننا پێی وایە " كە دەعوە لەو یاداشتنامەیەدا زاڵە بەسەر داعیە دا" (ل 11)
لە كاتێكدا تەها حسین لە یاداشتەكانى باسی چەندین كارى خراپی خۆی دەكات كە چۆن ڕەشوە وبەرتیلی دەدایە چاودێری پۆلەكەى تا عەفوى كات لە خوێندنەوەى بەشەكانى قورئانى رۆژانە، وبە ئاشكراباسی نەتوانینى خوێندنەوەى چەند سورەتێك دەكات لەبەردەم باوكى وباسی ڕقی خۆی بۆ مامى دەكات چونكە گاڵتەى بە نابینایی ئەو دەكرد وباپیری خۆشنەدەویست چونكە ئێسكى زۆر قورس و گران بوو... كەچی لە یاداشتەكانى حەسەن بەنا هەست دەكەیت ئەو ئادەمیزادێكى كامیل وبێ كەموكورتیە... لە ژیانیدا یەك جاریش درۆیەكى نەكردوە، یەك هەلەى نەكردوە، بەڵكو هەفوەیەكى بچوكیی نەكردوە لە ژیانیدا، هەرگیز بە ساتێكى لاوازیدا تێ نەپەڕیوە" (ل 11 12)
ئەو جۆرە خۆ باسكردنە وسەرەڕای تەقدیسكردنى جەماعەتەكەی بەتایبەتى پاش كۆتاییە كارەسات ئامێزەكەى ژیانى زیاتر كارى لێكۆڵەر گرانتر دەكات بەتایبەتى كە ئیخوان ئامادەى ئەوە نین تەساموح بكەن لەگەڵ بچوكترین ڕەخنە كە ئاڕاستەى حەسەن بەنا بكرێت، وفشارێكى مەعنەوى زۆر گەورە دەخەنە سەر هەر یەكێك بیەوێت لەو بابەتە ناسكە نزیك بێتەوە بەبێ ئینبیهار وسەرسام بوونى ڕەها..
ئینجا باسی چەند ڕوداوێكى ناو یاداشتەكانى حەسەن بەنا دەكات ودەڵێت زۆر دەقیق نییە كاتێ بە شێوەیەكى موتەعەمید باسی قۆناغەكانى خوێندنى خۆی دەكات بە بێ ناوهێنانى ڕاستى قۆناغەكە لە جیاتى بڵێت قوتابی بووم لە قۆناغی (الالزامیە) دەڵێت (الاعدادیە) ئەوە لە كاتێكدا سیستمى (الاعدادیە) لە ساڵی 1952 لە میسر داهێنراوە واتە پاش مەرگى بەنا، نوسەر پێی وایە حەسەن بەنا بۆیە باسی (الالزامیە)ى نەكردوە چونكە ئەو قوتابخانانە بۆ منداڵە هەژارەكان بوە وزۆر بێ بایەخ بوە وپێی وابوە ئەگەر باسی بكات لە پایەى خۆی ئەهێنێتە خوارەوە (ل 14)
ئینجا باسی روداوى ناردنە دەرەوەى خۆی دەكات بۆ خوێندن وبە ئیعتباری ئەوەى یەكەمى دبلۆم بوە، كەچى دوایی دەڵێت "دار العلوم كەسی كاندید نەكردوە بۆ ناردنە دەرەوە ئەو ساڵ"(ل 15)
بەڵام ریوایەتێكى تر هەیە لەسەر زمانى د. ابراهی بیومی مدكور لە یاداشتەكانى (مع الایام) تێیدا دەیسەلمێنێت كە حەسەن بەنا یەكەمى دبلۆم نەبوە بەڵكو د. ابراهی بیومی مدكور یەكەم بوە وخەریك بوە بینێرن بۆ دەرەوەش بەڵام چونكە باوكى وەفدى بوە و ئەو كاتەش سەعدییەكان بالادەست بونە لە حكومەتدا، ولە ڕقی باوكى نەیان ناردوە...
یاداشتەكانى حەسەن بەنا پڕە لە سەرسامبوون بە خودى خۆیی وبەخۆهەڵداندا بە شێوەیەك دوورە لە ڕوحیەتى ئەدەبیاتى ئایینى وتەسەوف كە هەردەم بە كەمترین وحەقیرترین نازناو ناوى خۆیان دەهێنن وەك (العبد الفقیر الحقیر الى الله) حەسەن بەنا كاتێ چوەتەئیسماعیلیە لە قاوەخانەكانى دەرسی بۆ خەڵك دەگوتەوە دەربارەى خۆی دەڵێت (وانەبێژ زۆر ورد وكارامە بوو لە شێوازە نوێ دەگمەنەكەى... ئەو زۆر خەریك دەبێت وسۆراغى ئەو بابەتە دەكات بە چاكى... هەروەها شێوازێكى چاك هەڵدەبژێرێت كە زۆر ئاسان وجوان وڕاكێشەر ووروژێنەرى دەات) : " كان المدرس دقیقا فی اسلوبه الفرید الجدید، فهو یتحرى الموچوع الژی سیتحدپ فیه جیدا (..) وهو كژلك یتحرى الاسلوب فیجعله سهلا جژابا مشوقا" (ل 19)
حەسەن بەنا لە شوێنێكى تر باسی نیگەرانی خۆی دەكات دەربارەى تاقیكردنەوەى النحو والێرف و دوایی بە خەوێك چارەسەرى دەكات كاتێ زانایەك دێتە خەونى وچەند لاپەرەیەكى نیشان دەدات لە (شرح الالفیە لابن عقیل) كە دوایی زۆربەى پرسیارەكان لەو بابەتانە دێنەوە ولە تاقیكردنەوەكە سەردەكەوێت!! (ل 19) وادیارە نمونەى زۆر هەن لەو پیاوانەى خەریكى كاری ئاینى سیاسین كە كێشەكانیان بە خەون بۆیان چارەسەر دەبێت ولە كوردستانیش لەو جۆرە هەیە كە خەونەكانى وەك تەوژمى سێتەلایت هەموو شتەكانى نیشان دەدات!!
"ئەو وێنە نیمچە موقەدەسەى كە حەسەن بەنا دەربارەى خۆی دەیكێشێت، هەست بە نەبوونى یان غیابی وردەكاریە مرۆییە سادەكان دەكەیت لە توڕەبوون وشاد بوون.. خۆشەویستى وڕق.. هەڵچوون و سارد وسڕی كە هەموو مرۆڤێك دوچارى دێت لە گەورە وبچوكدان، وێنەى هەقیقی حەسەن بەنا كەمێى لەو نامانە بەدیار دەكەوێت كە بۆ باوكى ناردویەتى كە جەمال بەناى برا بچوكى بڵاویكردۆتەوە كە مەزەندەكرێت لە ساڵی 1928 یان 1929 نوسرا بێت كە تێیدا دەڵێت:" ئاسودەیی ئێوە زۆر لام گرنگە بە هەر نرخێك بێت، لەو نامەیە باسی خەرجیەكانى هەر سێ مانگى نوفەمبەر وسەپتەمبەر وئۆكتۆبەرتان بۆ دەكەم، واتە لەوەتى ئێوەم جێهێشتوە تابزانن كە هیچ هەڵەخەرجی ونهێنى وخۆسەپاندن نییە لە خەرجیەكانم، بەڵكو من لە ژێر كاریگەرى هەلومەرجدام كە دەرەقەتى نایەم، ئەگەر زروفم وا بێت تاوانى من چییە" لە نێو خەرجیەكانى 50 قەرش نوسراوە (بۆ مزگەوتى الراشدین) بە باوكى دەڵێت: " ئەگەر بابەتى 50 قرشەكە ئازارى داون كە بە مزگەوت دراوە تكایە تەقدیرى ئەو هەلومەرجە بكەن كە بە هۆیەوە تێوەگلام وتەقدیری ئەجر وپاداشتەكەى بكەن، ئەوەش حیساباتى هەر سێ مانگەكە بە وردترین شێوە ئەگەریش بە دڵتان نیە تاوانى من چییەن داوا لە خوا بكەن ئەو بارودۆخە بگۆڕێت" (ل 21)
نوسەر دەڵێت:"لەو نامەیەدا ئێمە لەبەردەم مرۆڤێكى زیندوو داین لە خوێن وگۆشتدا، وكێشەى ئابورى توندى هەیە ...بەلام ئەو وێنەیە مرۆییە كوژێنراوەتەوە لە یاداشتەكانى حەسەن بەنا بەدەستى خودى مورشیدى گشتى لە جیاتى ئەوە وێنەیەكى ئەفسانە ئامێزى ورەبانی نیشاندراوە كە خۆی كێشاوەتى، ئەو وێنەیەش بۆتە تەنها وێنەى حەسەن بەنا بۆیە دەپرسین: ئایا ئەو یاداشتە بە تەنها بە كەڵكى ئەوە دێت بۆ وەرگرتنى وێنەی هەقیقی مورشیدى دامەزرێنەر حەسەن بەنا؟ وەلام بەشێوەیەكى ڕەها نەخێرە.. بەلام واقیعى حال دەڵێت تەنها سەرچاوەیەكە لەبەردەستدا بێت بۆ ئەو بابەتە... (ل 22).
ئیخوان لە جەمعیەوە بۆ جەماعەت
لە سەرەتاى بەشی دوەمى ئەم كتێبە نوسەر جەخت لەسەر نادیارى مێژووى دامەزراندنى ئیخوان دەكات كە هەموو لایەك پێی وایە ساڵی 1928 ، بەڵام لە یاداشتنامەێكى هاوبەشى نێوان حەسەن بەنا و احمد السكری و حامد عسكریە كە لە ساڵی 1929 نوسراوە كە جەمال بەناى برا بچوكى بڵاویكردۆتەوە گومان دەكەوێتە ساڵی دامەزراندنى 1928 چونكە لە كۆتایی یاداشتنامەكە هەر سێكیان ناوى خۆیان نوسیوە بەبێ ئەوەى ئاماژە بكەن بۆ ناوى هیچ جەماعەت وگروپێك، كە لەوانەبوو یاداشتنامەكەیانى بەهێزتر كردبا وئەو كاتەش هیچ كێشەیەك نەبوو لەبەردەم داواكردنى ڕوخسەتى كار بۆ هەر جەمعیەتێكى ئایینى وفەرهەنگى چونكە نزیكەى 120 جەمعیەى دینى هەبوو لەو كاتەدا!!
ئەگەریش بە پێی لائیحەى یەكەمى ئیخوان بێت كە بەڵگەنامەیەكى فەرمییە ئەوە جەمعیەى اخوان المسلمین لە ساڵی 1930 دا دامەزراوە.
"لائیحەى یەكەمى ئیخوان باسی جەمعیەى اخوان المسلمین دەكات نەك جەماعەى اخوان المسلمین، بۆ یەك جاریش ناوى جەماعەت نایەت، بۆیە هیچ باسی مورشیدى عام ومەكتەبی ارشاد لە ئارادا نییە، لەجیاتى باسی رئیس مجلس ادارە (سەرۆكى ئەنجومەنى كارگێڕی) ومجلس ادارە دەكرێت، ئەو لائیحەیە بە ڕونى باسی دووركەوتنەوە دەكات لە سیاسەت وەك لە مادەى دووەمدا هاتوە:"ئەو جەمعیە یە خۆی لە قەرەى باسوخوازى سیاسەت نادات هەرچیەكى بێت..." لەمادەى سێیەمدا دەڵێت كە ئامانجەكانى جەمعیە چاككردنى بارودۆخى موسڵمانانە لە لایەنى كۆمەڵایەتى وڕەوشتیدا" لە كۆتایی ئەو لائیحەیەدا لە مادەى 43 دەڵێت:" نا بێت لە هیچ حالەتێكدا مادەى دووەم و سێیەم وشەشەم بگۆڕدرێت" واتە خودی جەمعیە بۆی نییە ئەو مادانە بگۆڕێت كە جەختدەكەنەوە لەسەر دوركەوتنەوە لە سیاسەت، كەچی لە یەكەم گۆڕانى ئەو لائیحەیە ئەو مادانە گۆڕان لە ساڵی 1354 هیجرى پاش پێنج ساڵ، مادەى دوەم بەتەواى لابردرا، وشەى جەمعیە بزر بوو و وشەى جەماعە شوێنى گرتەوە، باسی رئیس مجلس ادارە (سەرۆكى ئەنجومەنى كارگێڕی) ومجلس ادارە نەما باسی مورشیدى عام شوێنیى گرتنەوە" (ل 27)
هەر لە لائیحەى دووەم لەگەڵ ئەو هەموو بە سیاسیكردنەش لە مادەى 15 دا دەڵێت: " مورشیدى عامى اخوان المسلمین بەپێی ڕای ئەنجومەنى شورا هەڵدەبژێردرێت ولا دەبرێت ئەگەر سەلمێندرا كە جەماعەت بەڕێگایەكى ناكۆك بە بە بنەماكانى ئیسلامدا دەبات" كەچی لە لائیحەى سێیەمدا لە سەپتەمبەرى 1945 لە مادەى 21 دا دەڵێت : " لەبەر ئەوەى ساحێبی فەزیلەت ئوستاز حەسەن بەنا مورشیدى عامى اخوان المسلمینە لە ئێستادا وهەر بە خۆشی دامەزرێنەرى یەكەمى ئەو هەیئەتەیە وبەڕێوەبەریتى لەوەتى دامەزرانیەوە، بۆیە فەزیلەتیان تەعین كرا بە مورشیدى عامى اخوان المسلمین بە درێژایی ژیانیدا.." (ل 29)
ئەو حاڵەتەى تەعینكردنە كاریگەرى هەیە لەسەر زۆربەى ئیخوانەكانى جیهان بە كوردستانیشەوە هەست دەكەیت مورشید یان سەرۆك یان ڕابەر یان ئەمیندار مەداى حەیات لەو شوێنەیە وهەموو داوەكانى یاریكردنى ناو حزبەكەى بەدەستە وبەكەیفی خۆی تەسفیە وتەزكیەى ئەندامەكانى دەكات سەرەڕاى ناوچەگەرێتى وخزم خزمێنەیش!!
كاتێك ئەو ئەبەدیەتەى سەرۆك تەقنین دەكرێت بە دەقێك هێشتا ترسناكترە لە ئەبەدى كردن بە واقیعی حال، لەو نمونەیەدا حەسەن بەنا دەسەڵاتى ڕەها بۆ خۆی مسۆگەر دەكات هەتا ناوى بەیعەتە ڕوكەشیەكەش لە گۆڕێدا نامێنێت ئەوەش ئەو بیروڕایانە پشت ڕاستدەكەنەوە كە حەسەن بەنا زۆر دیكتاتۆر ویەكاخوڕە بوە تاڕادەى كەسانێكى زۆر لەبەر ئەو سیفەتەى لێی جیابونەتەوە..
خستنە ڕو : محەمەد هەریری
10/7/2011