کاک مه‌سعودی به‌ڕێز خۆ ئه‌مه‌یان بڕوانامه‌یه‌کی مێژووییه!
Friday, 10/04/2009, 12:00
2137 بینراوە
که‌ناڵی عه‌ره‌بی ئه‌بوو زه‌بی 1، پێش ماوه‌یه‌ک به‌ناوی
(وادی الژئاب) یانی دۆڵی گورگان یان چه‌می گورگان بڵاوکرده‌وه، به زنجیره له تورکیه‌وه وه‌رگێڕاوه‌ته سه‌ر عه‌ره‌بی، باسی کاری مافیایی ده‌کات له تورکیادا. ئه‌م زنجیره چیرۆکه درامایه پێکهاتووه له 86 زنجیره، ئه‌گه‌ر بۆتان کرا سه‌یری هه‌موویان بکه‌ن چونکه سیاسیشه, به‌ڵام من لێره‌دا خوێنه‌ری به‌رێز و و ریا ئاگادار ده‌که‌مه‌وه، که له‌زنجیره‌ی 22باسی مه‌سعود بارزانی ئه‌کات که له‌گه‌ڵ مافیای ئیسرائیلی و تورکی هاوبه‌شه و بانقێکیان کردوه‌ته‌وه.
تکایه له خواره‌وه ته‌ماشای بکه، بزانه چۆن مه‌سعود به‌رزانی ناوبانگی ده‌رکردووه وه‌ک که‌سێکی فایا و دز، که پاره‌ی ئه‌و میلله‌ته هه‌ژاره به‌و شیوه‌یه به هه‌دره ده‌بات و ئیستا ناوی له زنجیره ته‌مسیلییه‌کاندا دێت نه‌ک وه‌ک که‌سێکی سیاسیی و وڵات و نیشتمانپارێز. دوور له جامانه سووره‌که‌ت، ڕوو ڕه‌ش و ئابڕووچوو خۆیت. بۆیه ده‌شڵێم دوور له جامه سووره‌که‌ت، چونکه جامانه‌که‌ت سیمبوڵی هی ئه‌و بارزانییه شه‌ریفانه‌ن که له ده‌ره‌وه‌ی بنه‌ماله‌که‌ت شانازی به کوردبوونی خۆیانه‌وه پێوه‌ده‌که‌ن و شه‌ریکه‌دزی تۆ نین.
(وادی الژئاب)
