ئێره كوردستانه ..
Saturday, 04/10/2014, 12:00
ئه‌مه ئه‌بو ده‌جانه‌ی نه‌جدییه و
ئه‌ویان ئیبنول گه‌حبه‌ی مه‌غریبی و
ئه‌ویتریان ئه‌بو گه‌وادی حه‌جازی ..
هه‌موو بۆ ئه‌نفال هاتبوون
بۆ كوشت و بڕی و كه‌یف سازی ..
نه‌یانزانی
ئێره مه‌كۆی
شۆڕه‌ژن و جوامێرانه و
نه‌یانزانی
ئێره خاكی به‌رخودانه و
پێیان ناكرێ لێنبكه‌ونه بازی بازی ..
ده‌سه‌یریانكه‌ن
چۆن تۆپیون له‌م گۆڕه‌دا به‌بێنازی ..
له‌ژێر پێڵاوی پیرۆزی
شوێنكه‌وتوان و ڕۆڵه‌كانی
شێخی نه‌هری و سمكۆ و قازی ..
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
