ئه‌م سه‌رۆکه فوول مواسه‌فاته
Friday, 15/05/2009, 12:00
1192 بینراوە
مواسەفاتى سەرۆكى ووڵات لە هەموو دنیادا ئەوەیە دڵسۆزى ووڵات بێت، هیچ ڕۆژێك پەلى دوژمنانى میللەتەكەى نەگرتبێت و بە سوارى دەبابەكانیانەوە نه‌هاتبێتەوە ناو شارەكانى ووڵاتەكەى، قەت یەك دینارى ماڵى خەڵك و میلله‌تی نەخواردبێت و نەدزیبێ، ڕۆڵەكانى ووڵاتەكەى بۆ داگیركەران نەدابێت بە كوشت، بەڵام لێرە لەم كوردستانەى كە ئه‌مڕۆ سەوزو زەرد حوكمڕانى تێدا ئەكەن، مواسەفاتەكان بە پێچەوانەوەیە، ئەبێت سەرۆك نەك خۆى، بەڵكو باوكیشى خائین بووبێت، ئەبێت هەر ساڵەى لاى دوژمنێكى گەلەكەى كەواسورى بەر لەشكرى داگیركەران بووبێت، باوكى ئاشبەتاڵێكى كردبێت، دەیان ملێون دۆلارى شۆڕشى گەلەكەى بردبێت، خۆشى شەڕى كوردى هەر چوار پارچەكەى كردبێت، بەزیندویى و بەمردویى دەیان پێشمەرگەى تەسلیمى داگیركەرانى كوردستان كردبێت، خاوەنى سەروەریى دەیان ساڵه‌ی شەڕى ناوخۆ بووبێت، دەیان ساڵ پارەى گومرگى دزیبێت، لەم جۆرە سەرۆكانه تەنها و تەنها لەم ووڵاتەدا دەست دەكەون.
مەسعودى كوڕى مەلاى ئاشبەتاڵچى، كە ئێستا سەرۆكى هەرێمە، وا جارێكى تر بەتەمایە خۆى بخاتەوە ناو پرۆسەى هەڵبژاردن و ئەمجارەش ببێتەوە بە سەرۆكى هەرێم , مەسعود جارێ پێشوو پەرلەمان دەنگیان پێی دا و بوو بە سەرۆك، بەڵام ئەمجارە مەسعود زۆر دڵنیایە، ده‌یه‌وێت خه‌ڵکی ده‌نگی بۆ بده‌ن، بۆ ئەوەى ئەگەر دەرچوو سیستەمى حوكم بكات بە سەرۆكایەتى و هەر كە زانى لە هەڵبژاردنى ئەم جارەدا حكومەت لە دەست ئەو بنەماڵە خائین و كورد فرۆشەدا نەماوە ئیتر بە ئارەزووى خۆى حكومەت و پەرلەمان هەڵبوەشێنێتەوە، بەڵام خەیاڵى خاوە پشت بە خوا و بە جەماوەر ئەمجارە دەرچوون نابینن بە چاوەكانیان، چونكە هەتا ئێستاش مەسعودى خائینزادە بەس بە ناو سەرۆكى ئەم هەرێمەیە، هەتا ئێستا سەرۆكى نیوەى خەڵكى ئەم هەرێمەیە، هەتا ئێستاش بە ئەقڵیەتى خێڵەكى دواكەوتویى زەرد بیر دەكاتەوە.
لەلایەكى ترەوە ئەگەر بێتو مێژوى ئەم سەرۆكە و بنەماڵەكەى بخەینە بە لێكۆڵینەوە ئەوا بۆت دەردەكەوێت و ئەگەیتە ئەو قەناعەتەى ئەوەى دەنگ بدات بەم خائینە وەكو ئەو خائین و كوردفرۆش دەبێت، بۆیە ئەگەر بمانەوێت ئەم جارەش خۆمان تەسلیمى ئەو هەڵەیە نەكەینەوە كە جارەكانى پێشووتر كردومانە، ئەوا پێویستە كەسمان دەنگ نەدەین نە بە مەسعود بارزانى و نە بە لیستى ئەسپەكە و نه به ڕنگی جامانه‌ی سه‌ر و ده‌ستی سووری مه‌سعود، چونكە ئیتر بۆ میللەت دەركەوتوە بە ڕاستى ئەوانە تائێستا نەیان توانیوە خزمەت بكەن، لەمەو دواش هیچیان بۆ ناكرێ، با ئەمجارە ئەو هەلە لە دەست نەدەین و چوار ساڵی تریش خۆمان و ووڵاتەكەمان ڕەنجبەخەسار نەدەین , ئەمانە بێنەوە بەر چاوى خۆتان ئینجا بیر لە دەنگدان بكەنەوە بۆ ئەم سەرۆكەى ئێستا:
(ئاشبەتاڵ، كوشتن و تەسلیمكردنى دەیان پێشمەرگەى دیموكرات بە ئێران، دزینى پارەى شۆڕشى ئەیلول، ئەگەر شۆڕشمان پێنەكرێ شۆڕشمان پێتێك ئەدرێ، شەڕى ناوخۆى یەكێتى، دیموكرات، كۆمەڵە، حسك و پەكەكە، كوشتنى سۆرانى مامە حەمە و شێخ ستار و ئەندام پەرلەمانەكانى كوردستان، زیندانى ئاكرێ و ڕایات ... شتى تر زۆرە جا سەرۆكێ كامل مواسەفات بێت، بەڵام لە ڕووى پیاوەتیەوە نا، بەڵكو لە ڕووى خیانەتەوە ئیتر بۆ خۆمان بخەڵەتێنین و ئەمجارە دەنگى پێبدەین.
ئەوەى جاشیەتى قبوڵ نیە، 31ى ئابى قبوڵ نییە، با دەنگ نەدات بە مەسعودى كوڕى مەلاى ئاشبەتاڵچى یان بە سپێتى یان بەو كەسەى مونافەسەى ئەكات.
