هه‌فته‌ی‌ ڕابردوو هه‌ردوو به‌ڕێزان مام. جه‌لال و نێچیرڤان بارزانی‌ له‌ ته‌وێڵه‌ بۆ ماوه‌ی‌ دوو سه‌عات له‌گه‌ڵ نوێنه‌ری‌ نوێنه‌ری‌ كۆماری‌ ئیسلامی‌ ئێران حاجی‌ قاسم سلێمانی‌ دانشتنێكیی‌ نهێنیان ئه‌نجامداوه‌ به‌مه‌به‌ستی‌ گفتوگۆكردن له‌سه‌ر چاره‌نووسی‌ حكومه‌تی‌ عێڕاق و پێكهێنانی‌ هاوپه‌یمانیه‌ك له‌نێوان لیستی‌ هاوپه‌یمانی‌ و ئیسلامیه‌ شیعه‌كان به‌مه‌به‌ستی‌ ته‌شكیلكردنی‌ حكومه‌تی‌ به‌غدا.

ئه‌مه‌و له‌كۆبوونه‌وه‌كه‌دا باس له‌ دووباره‌ كاندیدكردنه‌وه‌ی‌ مام. جه‌لال كراوه‌ بۆ سه‌رۆك كۆماری‌ عێڕاق. شایانی‌ باسه‌ ئه‌و كۆبوونه‌وه‌یه‌ زۆر به‌نهێنی‌ ئه‌نجامدراوه‌ ستانده‌ر هه‌وڵی‌دا لێدوانی‌ لایه‌نی‌ په‌یوه‌ندیدار وه‌ربگرێت به‌ڵام كه‌س ئاماده‌نه‌بوو لێدوان بدات و هه‌واڵه‌كه‌ پشتڕاست بكاته‌وه‌.