لگيت صديقتي ده تنزل مقولة وهي
Wednesday, 15/10/2014, 12:00
2292 بینراوە
سألني واحد گلي سني لو شيعي ....گتله عراقي بصوت عالي.......گلي زين عربي لو كردي؟
گتله من الفاو لزاخو بلادي گلي من عنوانك أعرف
جاوبته أنباري و كوتاوي صح بغدادي بس بالحلة وسامرا وأصلي
مصلاوي.....گلي لعد من أولادك أشخصك؟ گتله ولدي عموري وحسين وأبوبكر وعلاوي ........گلي وين تصلي وهية أتبين؟ گتله أصلي بالخلاني
وأتوضئ بماي الكوفة ومِن النعمان أسمع أذاني...........
وأول ركعة بموسى الكاظم وثاني ركعة بالگيلاني وأختمها بكنيسة الكردة
ويه أخواني وأعزائي......گلي ليش منو أنت؟
گتله أني عراقي والغيرة تمشي بشريان.
وأني رديتها بهذا المقطع
كردستان موطني
ياخية من شفتج تنزلين أشعار لا مرة ولا مرتين ملهوفة على أ صلچ العراقي
گلت لا والله
گلت لا والله
إلا أرد عليها بلهفتي أنا للأرض بلادي
فسمعي ياخية جوابي ولهفتي أنا
هجرت بلادي وأجيت لكندا أنا
حتى أعيش بأمن و سلام ويا أخواني أنى
بس قابلت ناس وگالولي, چا أنت من وين ياخية
أفغانية لو أيطالية؟
گتلهم لا والله
گتلهم لا والله
أني كوردية ومن أرض ألله أني
گالولي چا أجيتي أهنا وتركتي أرضج الغالي
گتلهم محتل أرضي من قبل ترك و عرب وأيراني
ردوا علي وگالوا ماسمعنا, ماسمعنا بالكرد والكردستاني
گتلهم, گتلهم
راح أنطيكم فكرة عن الكرد والكردستاني
غرب أيران وجنوب تركيا, شرق سوريا و شمال العراق وطني
والله يأخذ البريطاني من مزق خريطة كردستاني
ماتفاجئت بالكندي من گالي أنت أفغانية لو أيطالية
تفاجئت باالعراقي من گالي لا تگولين أني كردستانية
گتلها ياخية أسمعي, أني كردية من أصل كردستاني
و من زاخو لحد جبل حمرين جزء من كردستاني
أما بالنسبة لطبعي وأخلاقي
فألكرد معروف عندالعرب والترك والأيراني
وأخلاقي يرمزها علم الكردستان
برفرفتها على العراق و تركيا و سوريا وأيران
October 15, 2014
