دادگای گەل
Tuesday, 08/03/2011, 12:00
تەنها سێ وەرزی گوڵ كەم تر
لەدیرۆكی ...
هەڵوەرینی گوڵوخونچەی ...
باخچەی شارێ !!
ئەوباژێڕەی ...
بیست جەژنی نەورۆز لەمەوبەر
رەنگی كەسكیان كردبەرەنگی...
خوێن وخەڵوز
ئێستاش هەرمەینەتی وئازار
لەئاسمانی دا ئەبارێ!!
دوای سێ بەهار
لەكۆمەرگی بیابان و
لەكۆخاپوری وڵات و
لەكۆسوتانی زارۆڵە پاكیزەكانی گوندو شار !!
خاك لەدیلی...
پۆستاڵەكانی دژەگوڵ
ئازادكرا ،
بەزریانی خوێنی بێگەردی قوربانی
شمشێری ژەنگ گرتوی جەلاد
لەنیشتمان وەدەرنرا !!
بەڵام حەیفێ
رۆژان تێپەڕی وزامەكان
هەربەئێشوبەئازاربوون !
هەیڤ وساڵەكان تێپەڕین
كوخەكان هەركەلاوەبون
مناڵەكان هەربێنازبون
ژنان چاولەڕێگەی خۆزگەو
لاوان روو لە ڕێگەی كۆچ و
پیرەكان هەرلانەوازبوون !!!
ژینی كۆیلەیی تێپەڕی و
ئازادی هات ،
لێ، روخساری شاری سوتاوهەرنەگۆڕا !!
ئازادی هات ،
هەژارە یەكسانی خوازەكان
تێرنەبون لەئازادی ونان !!!
ئازادی هات ،
ئازادی خوازەكان ون بوون و
مەزن بون ئازادی كوژەكان!!!
ئازادی هات ،
پاسەوانەكانی ڕا بردوی
ئەهریمەن
تژی بون لەخۆشگوزەرانی !!
مەست بون لەژینی ئاسودەی
ناوتەلاروبادەنۆشی و شادمانی !!!
ئازادی هات ،
فەرمان ڕەوای تازەی وڵات
ژینی بەش كرد!!
هەرچی خۆشی وشادی هەبوو
بۆكەسانی دهۆڵ كوت وزوڕناژەن و
دەربارەكان!!
هەرچی خەم وتاڵی هەبوو
بۆكەسانی...
ژیان دۆست و
ماف پەروەرانی نیشتمان!!
گەرمن هەڵەم دەی پێم بڵێن
پێناسەی ئازادی چییە ؟؟
نان وئاوێ ئۆقرەنەگرێ
لەئامێزی ساردوسڕی مناڵی ماڵەهەژارێ ؟!!
چۆن گوزارەلەژیان وجوانی ئەكرێ ؟
پێم بڵێن چۆن ؟؟
هەربەكۆشكی بیست نهۆمی و
پاڵاس وڤێلای رازاوە
بەختەوەری بەسەرمانادائەبارێ ؟!!
ئازادی نەبوبەهەتوان
بۆزامەكانی هەڵەبجە
لەدوای تێپەڕبونی بیست ساڵ
هێشتاخوێنیان لێ ئەچۆڕێ !!!
ئازادی نەبوبەباران
بیابانی عەرعەرتەڕكاو
روفاتەكانی لمستان
لەنامۆیی ئازاد بن و
لەنیشتمان
ئاسودەیان كات بەگۆڕێ !!!
جارێكی تر ئازادی هات !
پەیكەرەزەبەلاحەكە
بەیەك جاری
داروخاوهەرەسی هێنا ؟!!
لێ، ئاگری باباگوڕگوڕ
هەربەهیوای ئاشنابونە بەئاگردانی كوردستان !!
ئازادییەكان یەك یەك هاتن
بەڵام قوربانی بەخشەكان
مرۆڤەئازارچەشتووەكان
هەردەم چاوەروانن بۆ ژیان !!
ئەمێستادوای ئازادییەكان !
چی لەجوانی چەندتەلارێكی شاربكەین
كەسەدان لادێ وێران بێ ؟
چی لەپاركی پڕسێبەروو
باخچەی پڕگوڵی شاربكەین
كەخاكی پاراوی نیشتمان
وشك وەكوبیابان بێ ؟
بەگەل چی قاقای دەسەڵات
كەوڵات تژی لەگریە و
لێوان لێوخەم وكۆڤان بێ ؟
هەرئەودەمەی ئازادی هات
شۆڕشگێڕانی ڕابردوو
بون بەخاوەنی دەسەڵات !!
بەڵام سەیرە !!!
زامدارێكی هەڵەبجەیی
بەئازاری برینێكی بیست ساڵەوە
گیان دەبەخشێ ....؟!
ماڵی شەهید
لەهەژاری وبێكەسیدا نغرۆئەبێ و
لەگەڵ خاك ئاوێتە ئەبێ !!!
یارودۆلاروتەلاری فەرمان ڕەواش
هەمیشەزێدەترئەبێ
یەك لەدوای یەك ...
بەندلەسەربەند...
قات لەسەرقات !!!
ئەودەمەی فەرامۆشیان كرد
رەنجی گەل وخوێنی پاكژی شەهیدان
پلەدارومیرووەزیر !!
ٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍبەئاگابون
یان بێ ئاگانەیان زانی ؟؟
هێزومتمانەوباوەڕی نەتەوەیەك
پیرۆزترە...
بەهاداروگرنگترە ،
لەپۆست وبڕوانامەی بەرزی ...
سازی وزانستگای جیهانی ؟؟؟
گەرچی كاروانی رێگاتان لەفەرامۆش كردنی گەل
زۆر ڕۆییووەو تێپەڕیوە !
بەڵام ڕێگەی گەڕانەوەئاواڵایە
دادگای گەل
چەندی لە روپەلی دیرۆك
محكومی نەفرەت كردووە
هەزارئەوەندەی بەخشیوە ؟!!!
2008/7/15
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
