تیرۆركردنى سەردەشت عوسمان،ئیهانەكردنى شەڕەفى هەولێرە ونەمانى بڕواى ژیانەلەهەولێر

Saturday, 08/05/2010, 12:00

دواى تیرۆركردنى سەردەشتى جوانەمەرگ دەتانەوێ چ پەیامێك بەمرۆڤایەتى بگەینن؟ڕووداوى كووشتنى گەنجێكى بێگوناهى قوربانى قەڵەم بەچ شێوازێك لەقونسولییەكانى بیانى لەهەولێرباس دەكەن؟ئایاناوى سەردەشت لەوەزارەتى شەهیدان بەشەهیدى شەڕى ناوەخۆ یاخود قوربانیانى قەڵەم تۆماردەكەن؟

هەولێرئیمڕۆلەمێژووى خۆى خیانەتى مرۆڤایەتى تۆماردەكات وڕۆلەیەكى ترى قوربانى قەڵەم لەناودڵەخوێناویەكەى دەنێژێت،دیسان قەدەرى ئەوشارەبێكەسە دەبێتەوە بەخوێن،دیسان شەم شەمەكوێرەكانى تاریكى تاوانێكى ترى پیس ئەنجامدەدەن و ویژدانى مرۆڤایەتى دەهەژێنن،ئەوەتا كەسەكان وزانكۆكان ویاسا ئەوەندە بێنرخ بووە!لەناوزانكۆولەژێرچەترى ئەمن وئاسایش ویاسا فێرخوازێك بەبەرچاوى خەڵك لەپایتەختى(بێ تەخت)ئیهانەدەكرێت وپاشان تەرمەكەى بەدیارى بۆڕۆژنامەنووسانى ئازاد وسەروەرى زانكۆویاسا ڕەوانەدەكرێت،شورەییەیەك دینارى بریمەربۆئەمن وئاسایش خەرج بكرێت،ئەمن وئاسایش بۆكوێ هەیە؟كامەئەمن وئاسایشە؟ئەركیان پاراستنى كێ یە؟دەكرێت ئاسایش پێمان بڵێت ئێوە،كەناتوانن قوتابیەك لەشوورەى زانكۆبپارێزن ئەركى ڕاستەقینەتان چى یە؟سەدخۆزگە بەڕێوەبەرى ئاسایش یاخودبەڕێوەبەرى پۆلیس دەبووم دەبا تەرمم لەتەك تەرمى سەردەشتى جوانەمەرگ بایە!!!وەزیرى خوێندنى باڵا دەیەوێ دواى ئەوڕووداوە چى بەقوتابیانى زانكۆبڵێت؟وەزیرى خوێندنى باڵائەگەریەك تۆزهەست بەمرۆڤ بوونى خۆت دەكەى فەرموودەست لەكاربكێشەوە،چونكە تۆوەزیرى زانكۆكانى،زانكۆكانیش بۆقوتابیانە،كەواتە ئیهانەكردنى قوتابیەكى زانكۆ واتەئیهانەكردنى تۆ،تیرۆركردنى قوتابیەكى زانكۆ واتەتیرۆركردنى تۆ!!!ئەگەریش بەردەوام بووى لەقبوڵكردنى ئەوتاوانكارییە،ئەواپیرۆزت بێت پلەى بێ دەسەڵاتى تائەوكاتەى ڕۆژێكدێت لەبەردەم دادگا لێپرسینەوەى بەفیڕۆچچوونى خوێنى پەپولەیەكى بێگوناهت لێوەردەگیرێتەوە.

خوێندكاران وقوتابیانى بەشەڕەف،ئیمڕۆهاوپۆلەكەتان وهاوكۆلیژەكەتان وهاوزانكۆكەتان بەبەردەمى ئێوە ئیهانەكراولەپاشان تیرۆركرا!!!بێ ئەوەى بزانیین تاوانى چى بوو؟ئەوادڵنیابن بەیانیش نۆرەى ئێوەیە،ڕۆژانى داهاتووش ئێوە بەهەمان شێوەى سەردەشتى تیرۆركراولەناوزانكۆ ڕاپێچدەكرێن ولەپاشان بەمردووى دەدۆزرێنەوە!!ئەوسوكایەتیەقبوڵ مەكەن ودەست لەخوێندن هەڵگرن تاوەكوبكوژانى سەردەشت تەسلیم بەدادگادەكرێن،ئەگەرئێوەش ئەم سوكایەتییەتان قبوڵكرد!!!دڵی من لاتانەودەبێت چاوەڕوانى ڕۆژانى داهاتووى مردنى خۆم وئێوەبم،چونكە تازە پڕۆسەكە دەست پێكراوە،ئەوەى توانى قوتابیەك لەناوزانكۆ بۆموسڵ بفڕێنێت،بێگومان دەتوانێت لەپیلانەكانى داهاتووش ئێمەبفرێنێت.

سەندیكاى ڕۆژنامەنووسانى كوردستان وڕێكخراوەكانى قوتابیان وخوێندكاران!!!
ئێوەش دەرگاى بارەگاكانتان داخەن ولەسەرشەقامەكان كاربكەن تاوەكوخوێنى سەردەشتى بێنازبەدەست دێنەوە،ئەگەرنائێوەش لەئامرازێكى بێدەسەڵات بەولاوە هیچیترنین ـ نین ـ نین!!!كارى سەرەكى ئێوە داكۆكیكردن لەماڤى ڕۆژنامەنووسان وقوتابیان وخوێندكارانە بەهەمووتان فەرموون مافى ئەوقوتابیە ـ خوێندكارە ڕۆژنامەنووسە وەربگرن وتاوانبارانى بەسزابگەینن؟!!!

خەڵكى بەشەڕەفى هەولێرى پایتەخت
دەمانەوێ لەدواى ئەم كارەقێزەوەنەچ بەڕۆڵەكانمان بڵێین؟23ساڵ پەروەردەتان دەكەین بەقورسى ژیان وسەرماوگەرما بۆئەوەى لەناوزانكۆبتان فڕێنن وبەكوژراوى بتانبینینەوە؟!!دەمانەوێ بەڕۆڵەكانمان بڵێین تەنها دەتوانین تاتەمەنى23ساڵى بەخێوتان بكەین ولەپاشان بتان دەینەدەستى خەڵكانێكى تیرۆریست وبتان كوژێت؟باهەموومان بەیەك دەنگ بڵێین هەولێرجێگاى ژیانى نەماوەوبەهەموودەم چاوەڕوانى هاتنى 2-3مۆنیكاوتەڕەماشین تاوەكولەشوێنێكى نادیاربمانكوژن،من لەئێستاوەچاوەڕوانى هاتنى ئەوتەڕەماشانەم ئەگەر لەشارەكەم بەبەرچاوى پۆلیس وئاسایش ولەناوزانكۆقوتابیەكى 23ساڵى بێگوناه بكوژرێت وئیهانەبكرێت!!!ژیان ئەوپەڕى بێمانایە بۆهەولێرییەكان،لەئێستاوەژیان ڕاوەستاوە لەهەولێر،لەلاى ئێمەهەولێر بەغدایە،هەولێرفەلوجەیە،هەولێرقەندەهارە،هولێرجێگاى كوشتنى قەڵەمەئازادەكان ودەنگەئازادەكانە.
[email protected]