چوار پارچەى كوردستان بەیەكەوە جەژنیان كرد

Saturday, 25/09/2010, 12:00

لە سێ ڕۆژەى هاوبەشى جەژنى ڕەمەزانى پیرۆزى موسوڵماناندا بنەماڵەكانى شەهیدان ئەحمەد و حەمەسوورو ئەحمەدو عەلیە سوورە دۆڵەگۆمى شەهیدانى كوردو كوردستان و كۆمەڵە بەیەكەوە جەژنى خۆیان كردو كوردانى ئازادى خوازیش پۆل پۆل هاتنە لایان بۆ جەژنە پیرۆزە لێ كردن لێیان و بە بۆنەى ماڵئاوایى كردن لە ژیانداى دایكە ئامینە محەمەد عەلى دایكى شەهیدان ئەحمەد و حەمەسوور بەڵام رێگە نەدرا بەسەرانى چەتەگەرێتى بێن ماڵى شەهیدان پیس و گڵاو بكەن كە 19 ساڵە وەك هێزى داگیركەرى كوردستان پەلاماریان داون و جارێكى تر وورەى دلێرانە و بوێرانەو نەبەزینیان وەك بەرگى رەوشت و نامووس و پاكى كوردانەیان بەبەرجەستەیاندا كردەوەو شاسوارجەلال شەهید ئارامى رێبەریان وەك هەڵۆیەكى سەربەرزى لەسەر سەریان دانایەوەو ڕووڕەشى بۆ سەرانى چەتەگەرێتى و سیخوڕو جاشى داگیركەران مایەوەو دروشمى نەگۆڕیان كوردستان یان نەمان و نابینە داردەستى بێگانەو گورزى دەستى ڕەنجدەرانى كوردستانیان گوتەوە و ترسى بنەماڵەكانى سەربەرزى شەهیدان ئەحمەد و حەمەسوور لە سەرانى چەتەگەرێتى وەك تەم و مژى پەژارە ڕەویەوەو بەڵێنى مردن و ژینیان بەیەكەوە لەگەڵ بنەماڵەكانى شەهیدان ئەحمەد بچكۆل و عەلیە سوورە دایەوە. دایە شێتە ئەستى دایكى شەهیدان عەلى و ئەحمەد هەرچاوى گێڕان بۆ دایكە ئامینەى دایكى جوتە شەهیدى هاوڕێ و برادەرى سەردەمى گەنجێتى و پیریان بەڵام بەدى نەكرد و زانى دایكە ئامینە جێى هێشتووە بە یەكجارى ڕۆیشتوە بۆلاى چوار شەهیدو باوكەكانیان و تازە ئیتر ناگەڕێتەوە و دایە شێتە ووردە ووردە پیرى و كەنەفتى و هەلاهەلابوونى جەستەو گیانى بەرەو حەوت نەمرەكان دەیبات و وەكو دایكە ئامینە فریشتەكانى خوداوەندى پڕ لە ڕێزو میهرەبانى پێشوازى لێ دەكەن و بەرەو بەهەشتى خوداى چەوساوان و ستەملێكراوان دەیبەن دایە شێتە واتا نازناوى بەرزى و ڕێزو خۆشەویستى بنەماڵەكانى شەهیدانە وە هاوسەنگەرانى كۆمەڵەى نەدۆڕاوو نەگۆڕاویش بەڵێنى هاوكارى و پشتیوانیان بۆیان نوێ كردنەوە ئیتر لەبەرانبەر شێران و بەچكەكانیاندا دەبێ ڕێوى و گەلە گورگى دەم و دەست بە خوێن هەڵبێن و لەلانەى شێران و پڵنگان و هەڵۆبازان نزیك نەبنەوەو ملى خۆیان بشكێنن و لانەى شێرەكان و هاوڕێ كانیان جێ بهێڵن بەڵێ تەموو مژى پەژارە ڕەوییەوەو هەتیوان بووژانەوە بێوەژنان گەشانەوەو كاروانیان بەرەو سەرگۆڕى شەهیدان كەوتەوە ڕێگاو رەنجدەرى ڕەنجدەرانى كوردستان سەرقافڵەى كاروانەكەیەو هەڵگرى هەموو ئێش و بركو ژانەكانەو لەبەرانبەر كوردو كوردستان خۆرانیشدا چۆن هەرگیز نەشكاوە هەرناشكێت ڕەنجدەرى كوردو كوردستان پەرستى واتا دلێرى و بوێرى و گورجو گۆڵى و توندو تۆڵى وورەو خۆڕاگرى و نەبەزینە دایك و باوكان و خوشك و برایانى سەر بەرزى كورد هاواریان كرد ئێوە لە ئێمەن و تەرەكەمەنەنین چونكە رەنج و تەمەن و خوێن و گیانى پیرۆزتان بە ئێمەو كوردو كوردستانەكەمان بەخشیوە داگیركەران و سیخوڕو گەلەجاشە چەتەگەرەكان تەرەكەمەنەن و بێگانەى خوێن تاڵن و ئاودەنگى قەلن و بێزراوى گەلن و دەبێ بڕەتێندرێن لەناو نیشتیماندا ئەگەر هێزى كوردو كوردستان پەرستان هاودەنگ و هاورەنگ بن و رێزو خۆشەویستى باوەڕو متمانە بە یەكترى ببەخشن لەبەرانبەریاندا دێوەزمەى رەشى نەفرەت لێكراو قالۆرە شكاون و هەربە شنە بایەكیش دەشكێن و هەرگیز هەڵناستنەوە بنەماڵەكانى چوار شێرى كوردو كوردستان و كۆمەڵە پیرۆزبایى جەژن لە هەموو ئازادى خوازانى جیهان دەكەن و هاوار دەكەن و دەڵێن دەبێ قەڵاى ملهوڕانى ستەمكارى هێزى چەتەگەرێتى بشكێت و ئاسوودەیى لە كوردوستانەوە بڵاوبێتەوە بەناو جیهانداو ئازادى و یەكسانى پەیامى هەموومانەو ستەم و چەوسانەوە دەبێ كۆتایى پێ بێت .