بڕیارەکەی دادگا رەت دەکەینەو ە دۆسیە کارزان لای ئێمە بەکراوەیی دەمێنێتەوە

Monday, 08/10/2012, 12:00

دوای ئەوەی لەڕۆژی ٥ی نٶڤێمبەری ٢٠١١ کارزان کەریم ، لەلایەن هێزیكی ئاسایشی هەولێرەوە ، دەرفێنرێ و بەتوندترین شیوە بۆماوەی ٣ مانگ ئەشکەنجە دەدرێ و هەموو زانیاریەکیش لە سەر ژیانی لەبنەمالەکەی دەشاردرێتەوە . سەرەنجام دوای دەست پێکردنی هەوڵەکانی کەمپینی ئازادی بۆ کارزان کەریم کەلەماوەیەکی کورت ، توانی واژوی دەیان ڕێکخراو سەدان کەسایەتی هەمەرەنگی کورد کۆبکاتەوە و رێکخراوە داکۆکیکارەکان لە ئازادیی رادەربڕین، هەلمەتی ناساندنی کەیسەکەیان لە دەیان ناوەندی ڕٶژنامەنوسی و مرۆڤ دۆستی و پەرلەمانی و وەزارەتەکانی دەرەوە دەستپێکرد بۆ دروسکردنی فشارێکی ناوخۆیی و نێودەوڵەتی و توانیان کەیسەکە بەهاریکاری چەندین ناوەندو میدیا و کەسایەتی داکۆکی لەئازادی رادەربرین بکەنە کەیسێکی زیندوو و رزگاری بکەن لەژورە تاریک و میزاجەکانی دەزگا ئەمنیەکانی هەولێر. هاوکات دوای ئەوەی دەزگا ئەمنیەکان نەیانتوانی هیچ بەلگەیەکی یەکلاکەرەوە لەسەر تۆمەتەکەی ئاراستەی ڕۆژنامەنوس کارزان کەریم بخەنە بەردەستی دادگا ، کەچی دادگای هەولێر سزای زیندانی دووسالی بۆ کارزان کەریم بڕیەوە بەتۆمەتی زیان گەیاندن بە ئاسایشی هەرێم !!
１. ئیمە لەگەل ئەوەی هەست دەکەین بەپێی ئەو پیلان و تۆمەتە یاسایەی ، ئاراستەی کارزان کەریمی ڕۆژنامەنوسیان کردبوو ، جۆڕیک لەپاشەکشە لەلایەن دەسەلاتەوە بەهەولی هەموو لایەک پێی کراوە . بەلام بەهۆی ئەوەی بەپێی یاسای رۆژنامەگەری و دادگایەکی عادیلانە ئەنجام نەدراوە ،وە لێکۆلینەوە لەوتە ونوسینەکانی کارزان کەریم نەکراوە ، بۆیە ئێمە ئەو دۆسیەیە بەکراوەیەیی دەهێلینەوە و رەتی بریارەکەی دادگای هەولێر دەکەین و هەست دەکەین دوو ساڵ زیندانی کردی ، گیانی تۆڵەیە ، نەوەک فاکتی یاسایی
２. داوای لێ پێچینەوە لەدەزگا ئەمنیەکانی هەولێر لەلایەن دادگا و پەرلەمانەوە دەکەین ، چونکە شیوازی گرتن و رفاندن و ئەشکەنەجدان و نەبونی زانیاری کارزان لەلایەن بنەمالەکەیانەوە بۆ ماوەی چەندین مانگ ، پێشیلکاری مەترسیداری دەزگا ئەمنیەکانن
3. داوا دەکەین لەهەموو لایەنە بەرپرسەکانی پەرلەمان (مافی مرۆڤ) لایەنە سیاسی و رێکخراوە مرۆڤ دۆست و ڕۆژنامەوانیەکان ئیدانەی ئەو بریارەی دادگا بکەن و کار بۆ هەلوەشانەوەی ئەو بریارە و ڕیزگرتن لەدادگا ویاسابکەین.
4. بە پیویستی دەزانین لیژنەیەکی پارلەمانی پێکبێت بۆ لێکۆڵینەوەی وردتر لە چۆنییەتی دەستگیرکردن و ئەو پێشێلکارییانەی بەرامبەر کارزان لە رۆژی رفاندنیەوە تا رۆژی حوکمدانی ئەنجامدراون.

کەمپینی ئازادی بۆ کارزان کەریم

2012-10-08