هات و هاواری بارزانی بۆ سه‌رۆکایه‌تی هه‌رێمه نه‌ک بۆ ده‌ستور
Monday, 27/05/2013, 12:00
ده‌مێکه چه‌ند ئه‌ندامێکی مه‌کته‌بی سیاسی و سه‌رکردایه‌تی و به‌رپرسانی پارتی بوق و زوڕنای ده‌ستور به ده‌میانه‌وه گرتووه‌و به پیک و بێ پێک لێده‌ده‌ن و پڕۆڤه و ئاوازی ده‌ستوریان بۆ سه‌روکه‌که‌یان ده‌کرد په‌رده‌ی حه‌یاو شه‌رمه‌یان که هه‌ر له ئه‌ساس دا نه‌یان بووه له‌سه‌ر ڕووی خۆیان سه‌رۆکه‌کیان به‌ره به‌ره‌و به نه‌رمی لا ده‌دا تا ئه‌و ڕۆژه‌ی که به ناو یادی به‌ر پا بوونی شۆڕشی گوڵانه ئه‌و شۆڕشه‌ی نه له دوورو نه له نزیک هیچ په‌یوه‌بدێکیان به شۆڕشی گه‌له‌که‌مان به بووه‌و ناشبیت ته‌نهاو ته‌نهاش وه‌ک ئیخوانه‌کا‌نی میسر بۆیان ڕێککه‌وت له دوای ڕاپه‌ڕینه مه‌زنه‌که‌ی ساڵی(1991 ز) ده‌ستیان گرت به سه‌ر داموده‌زگاکانی هه‌ریم، به کوشتن و تاڵان و دزینی ماڵ و سه‌روه‌تی گه‌ل بوون به‌و که‌سانه‌ی که ئێستا خۆیان به خاوه‌نی هه‌موو کوردستان ده‌زانن.
بۆچی مه‌سعود بارزانی ئه‌مجاره‌یان ووتاره‌که‌ی به دوورو درێژی له سه‌ر کاغه‌ز نوسرابوو؟
هه‌ر کاتێک مه‌سعود ووتارێکی خوێندبوبێته‌وه له هه‌ر بۆنه‌ێکدا بوبێت ته‌نها سه‌ره قه‌ڵه‌مانه‌ی نووسیوه‌ته‌وه‌و زۆر به کورتی بابه‌ته‌کانی باس کردووه، هێج کاتێک نه‌یتوانیوه زیاتر له یه‌ک دوو خوله‌ک باسێک یا ووتارێک ڕاسته‌و خۆ به‌بێ نووسراو پێشکه‌ش بکات، ئه‌مجاره‌شیان له‌م بۆنه‌یه‌دا نه‌یتوانی ووتاره‌که‌ی به سه‌رقه‌ڵه‌مانه‌ش پێشکه‌ش بکات له به‌ر ئه‌وه‌ی تواناو ڕووی ئه‌وه‌ی نه بوو به‌رامبه‌ر به جه‌ماوه‌ر ئه‌و بڕیاره شه‌رمه‌زاره بدات که گوایه که‌س بۆی نیه داوا بکات ده‌ستوور بگه‌ڕیته‌وه بۆ په‌رله‌مان.
ئه‌و بڕیاره‌ش ئه‌وه ده‌گه‌ێنێت که زۆر ڕوون و ئاشکرایه وه‌ک ده‌ڵێن:
(ئه‌م گریانه بۆ حوسێن نیه بۆ هه‌ریسه‌یه) ئه‌و فنکه فنکه‌ی مه‌سعود بارزانی و پارتیش نه بۆ ده‌ستوره‌و نه بۆ میلله‌تیشه بۆ ئه‌وه‌یه مه‌سعود ببێته سه‌رۆکی هه‌رێم بۆ ماوه‌ی هه‌ردوو خولی هه‌ڵبژادنی داهاتوو که ده‌کاته هه‌شت ساڵ ، کۆی که‌ینه‌وه له گه‌ڵ هه‌شت ساڵی ڕابووردوو ده‌کاته دیکتاتۆر.
پرسیار :
بۆچی مه‌سعودو بنه‌ماڵه‌ی بارزانی و ئه‌ندامه قوڕ به سه‌ره‌کانی پارتی داوای نه‌گه‌ڕانه‌وه‌ی ده‌ستوورو هه‌ڵبژاردنه‌وه‌ی مه‌سعود بۆ سه‌رۆکایه‌تی هه‌رێم ده‌که‌ن؟
وه‌ڵام زۆر به کورتی:
1- ده‌ست به سه‌رداگرتن و چه‌سپاندنی حوکمی بنه ماڵه‌ی بارزانی به ته‌واوی.
2- پاراستنی نهێنیه‌کانی هه‌موو گرێبه‌سته‌کانی نه‌وت.
3- ته‌واو کردنی ئه‌و گرێبه‌سته نه‌وتیانه‌ی که ماون.
4- دزین و به تالان بردنی سامانی کوردستان بێ ئه‌وه‌ی هیچ که‌سیک یا لایه‌نێک توانای ئه‌وه‌ی هه‌بێت بڵێت له‌ل.
5- بێزارکردن و ڕاهێنانی خه‌ڵک به باوه‌ڕپێکردنیان له سه‌ر مه‌بده‌ئی درۆ بکه درۆ بکه تا باوه‌ڕت پێده‌که‌ن.
6- ئعلانی ئیمپڕاتۆریه‌تی بازان.
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
