به‌سه‌رهاتی نه‌خۆشکه‌وتنی کوڕه‌ پاشاکه‌

Thursday, 14/05/2009, 12:00

1210 بینراوە

ده‌گێرنه‌وه‌پاشایه‌ک هه‌بوو تاقه‌کوڕێکی هه‌بو که‌له‌پاش خۆی جێگای بگرێته‌وه‌، کوڕه‌ نه‌خۆش ده‌که‌وێت و دووچاری ده‌ردێکی زۆر ناره‌حه‌ت ئه‌بێت . هه‌رچی حه‌کیمی ووڵات هه‌یه ‌به‌نه‌خۆشی کوڕه‌وه‌مه‌شغول ئه‌بن ،ئه‌گه‌نه‌ئه‌وه‌ی که‌نه‌خۆشیه‌که‌ی به‌ئاوی گۆشتاوی شای بازان چاک ده‌بێته‌وه‌. پاشا بڕیار ده‌رئه‌کات که‌هه‌رچی ڕاوچی ووڵات هه‌یه‌ئه‌بێ کۆببنه‌وه‌و پاشا کاری پێیانه‌، که‌دێنه‌خزمه‌ت پاشا پێیان ڕائه‌گه‌یه‌نێ که‌پاشاتان واخه‌ریکه‌ته‌مه‌ن به‌سه‌ر ئه‌بات ئه‌وه‌نده‌ی نه‌ماوه‌له‌ژیاندا ،هه‌ر تاقه‌کوڕێکم هه‌یه‌که‌پاش خۆم ببێته‌پاشاتان ،ئه‌ویش گرفتاری ده‌ردێک بووه‌که‌ته‌نها یه‌ک ده‌رمان چاره‌سه‌ری ئه‌کات ئه‌و ده‌رماناش به‌ئێوه‌په‌یدا ئه‌کرێت ، ئه‌ویش ئه‌وه‌یه‌که‌هه‌ر ڕاوچیه‌ک له‌ ئێوه‌ بتوانێ شای بازانم بۆ بگرێت کوڕه‌که‌م گۆشتاوه‌که‌ی بخواته‌وه‌ ئه‌وا گه‌وره‌ترین خه‌ڵاتی ئه‌که‌م، ڕاوچیه‌کانیش فه‌رمانی پاشا قبوڵ ئه‌که‌ن و که‌ره‌سته‌ی ڕاو وه‌رئه‌گرن و ده‌چن بۆ ڕاو. چه‌ند رۆژوو چه‌ندشه‌ویان پێئه‌چێ ناتوانن بیگرن و پاشا زۆر بێ ئه‌مه‌ل ئه‌بێ ، له‌پڕ ڕاوچیه‌ک په‌یدا ئه‌بێ ئه‌ڵێ من ئه‌توانم بیگرم و خه‌به‌ر به‌پاشا ئه‌گه‌یه‌نن پاشاش له‌بێ هیوایدا نای بینێ ده‌ڵێت که‌ره‌سه‌ی ڕاوی به‌نێ با ئه‌ویش خۆی تاقی کاته‌وه‌ کابرا ده‌روات بۆ راوو هه‌ر یه‌که‌م داو شای بازان ده‌که‌وێته‌داوه‌که‌یه‌وه‌به‌ڵام نایگرێت.
ده‌نگوباس ده‌ڕوات بۆ پاشا که‌ڕاوچی شای بازان که‌وتوه‌ته‌داوه‌که‌ی و نه‌یگرتووه‌،پاشا بێده‌نگ ده‌بێت ئه‌ڵێ لێگه‌رێن دێاره‌ ڕاوچیه . پاش چه‌ندڕۆژێکی تر به‌هه‌مان شێووه‌شای بازان ده‌که‌وێته‌داوه‌که‌یو ئه‌یگرێ و به‌ده‌هۆڵو زوڕناوه‌ڕاوچیو شای بازان ده‌به‌ن بۆ لای پاشا ، پاشاش ده‌ست خۆشی لێ ئه‌کات و پێی ئه‌ڵێ هه‌تا پێم نه‌ڵێیت بۆ یه‌که‌م جار که‌وته‌داوه‌که‌ت نه‌تگرت ئاماده‌نیم گۆشتاوه‌که ‌بده‌م به‌کوڕه‌که‌م با بمرێت ، ئه‌ویش ده‌لێ پاشام ئه‌وه‌سڕی راوچیه‌و نابێ هه‌رچۆنێک بێ پاشا قه‌نائه‌تی پێ ئه‌کات که‌بۆی باس کات ئه‌ڵێ گه‌وره‌م یه‌که‌م جار شای بازان ئه‌و ته‌یرانه‌ی که‌پاسه‌وانییان ده‌کرد هه‌مویان داڵه‌که‌رخۆره‌وکونه‌به‌بوو سه‌قرو ئه‌وانه‌بوو له‌گه‌لی بۆیه‌بۆم نه‌گیرا دوهه‌م جار که‌ گرتم چۆله‌که‌و په‌ره‌سێلکه‌و کنهاڵته‌کێنه‌ی له‌گه‌ڵ بوو.
خوێنه‌ری به‌ڕێز تێگه‌شتنه‌که‌ی بۆ خۆتان جێئه‌هێڵم .