لقى2 بە هاوكارى وەزارەتى ناوخۆ بەسەر كۆمەڵگەى لاواندا دەدەن

Thursday, 12/11/2009, 12:00

تایبەت بە كوردستانپۆست
ئێوارەى ئەمڕۆ رێككەوتى 12-11-2009 لقى2 ، بە هاوكارى وەزارەتى ناوخۆ بەسەر كۆمەڵگاى لاواندا لە شارى هەولێر دەدەن و دەست بەسەر ئەو كۆمەڵگایەدا دەگرن، ئەویش بە هۆى ئەوەى كە بەرپرسى كۆمەڵگاكە ئیستیقالەى لە پارتى داوە.
سەرچاوەیەكى نزیك لە رووداوەكە تایبەت بە كوردستانپۆستى راگەیاند، كە سەر لە ئێوارەى ئەمڕۆ كاتژمێر 6:30 خولەك لقى2ى شارى هەولێر بە هاوكارى وەزارەتى ناوخۆ دایان بەسەر ئەو كۆمەڵگایەداوە و دەستیان بەسەر ئەو كۆمەڵگایەدا گرت، هاوكات ئەوەشى وت كە ئەو كۆمەڵگایە تەلەفزیۆنێكى لۆكاڵى هەیە و سەنتەرێكى رۆشنبیرى و هەروەها ئەو كۆمەڵگاى لاوانە هەستاوە بە دابینكردنى خانوو بە شێوەى قیست بۆ گەنجان و لاوانى ئەوشارە. سەرچاوەكە هۆكارى ئەو هێرشەى بۆ ئەوە گەڕاندەوە، كە بەرپرسى رێكخراوەكە بە ناوى (سەفین حەسەن) ئیستیقالەى لە حیزبی پارتى داوە و بۆیە ئەوانیش بەو شێوە پەلامارى ئەو كۆمەڵگاىه‌ی لاوانیان داوە.
سەرچاوەكە ئەوەشى ئاشكرا كرد، كە زۆر بە شێوەیەكى ناشرین داوینە بەسەریاندا و ئیهانەى كارمەندەكانیان كردووە، بۆ ئەم مەبەستەش سەرچاوەكە وتى بەیانى كۆمەڵێك گەنج رێپێوانێك بۆ بەردەم پەرلەمانى كوردستان وەك ناڕەزایى دەربڕین لەمەڕ ئەوكارە ناشرینە.