راسیزم لە بنەماڵەی بارزانییەوە بۆ نێو راگەیاندن و سیاسییەکانی سلێمانی

Saturday, 10/05/2014, 12:00

1904 بینراوە

لە هەشتاکانی سەدەی رابردوودا، کۆمەلگای کوردی بەگشتی و بەشێکی زۆر لە رووناکبیرانی لە نێو هەستی نەترسیی قوربانییدان و مرۆڤدۆستی بەرزدا دەخولایەوە، هەر بەو گیانەشەوە بوو توانرا بەرەنگاری لە بەعس بکرێ، وەک هاریکاریکردنی یەکتر، خۆشەویستی، ڕیزگرتن، هاورێیاتی نیوان کچ و کوڕ دور لە تێروانینی سیکسیانە، بونی بیروباوەر، خۆنەدۆران بۆ پارە و لاوازی هەلپەرستی وبەهێزی گیانی قوربانیدان، کوردایەتی گیانی قوربانیدان، بەڵام ئەم موڕاڵە جوانانە ساڵ بە ساڵ وا لەناو هەمان کۆمەلگا بەرەو تێداچوون دەڕوات، ئیستا لەشوێنی ئەو سیما جوانانە، هەستی هەلپەرستی، لوتبەرزی . شارچیتی، پارەپەرستی، رابواردن و شەهوەتبازی، ملشکاندنی یەکتر، سەیرکردنی رەگەزێکی تر بە چاویلکەی سیکسی شوێنی هەموو ئەو موڕاڵانەی گرتووە. ئاخر مرۆڤ و ئاژەل بەوەش لە یەکتر جیا دەکرێنەوە، کە ئاژەل کەی پێداویستەکانی بەجێ هات، ئیتر پێویستی بە زیاتر نییە، بەڵام مرۆڤەکان کە موڕاڵیان لە دەست دا هەرگیز هەست بە تێربوون ناکەن، ئەو دیاردە مەترسیدارە لەناو دەسەڵات و کۆمەلگای ئەمڕۆی کوردیدا دەبینم، ئەمەش داشورانە لەهەموو جوانیەکان.
ماوەیەکە هەست بەگەشەکردنی دیاردەی ناوچە و شارچیتی بەئاشکرا لەناو رۆشنبیرانی شارەکاندا دەکەم، دەبێ بلێن ئەم دیاردەی ناوچەگەرێتییە سەرەتا لە بنەمالەی مەلا مەستەفا لەکوردستانەوە گەشەی کرد، بەتایبەتی لەنیو قوڵایی شۆڕش و خەباتی شاخدا، بەوەی بارزانیەکان گروپەکی فیرعونی ئاساییان بۆ خۆیان دروست کرد، خۆیان بە گەورە و باقی کوردی تریان بە بچوک سەیردەکرد، کە ئیستا تێڕوانینەیان لە ترۆپکدایە، ئیسیتاکە دەبێت تاکی کوردیان بە چەندین پلە لە خوار خۆیانەوە داناوە، بەرادەیەک ئەمرۆ دەڤەری بارزان، مرۆڤ بەسەردانێش ئاستەمە بیبینێ یان نمونەی شەهیدکردنی سەردەشت عوسمان باشترین هەستی ناوچەگرێتیی مەسعود بارزانییە. ئەگەر ئێمە ئەو بیرکردنەوەی پارتی و بنەمالەی بارزانی بۆ رێبەرایەتیکردنیان لە جولانەوەی ١٩٦١ بەدواوە لەخۆبایی سیاسی گرتبێتەوە و ئاستی خوێنەواری و سیاسیان ئەوەندە بڕی کردبێت، بەلام کارەساتە ئەم دیاردەیە رۆژ لەدوای ڕۆژ پەل دەهاوێژێ بۆ شارەکانی تری کوردستان بەگشتی و نووسەر و خوێنەوارانی کورد بەتایبەتی لە سلێمانی. ئەم دیاردەیە وەک باسی دەکەن لەلوتکەی خۆبەمارکسی بونی کۆمەلەی رەنجدەرانی کوردستانەوە، لەناو چەقی بریاریدا خۆی مەلاس دابوو (سلێمانیەکان و خانەقینەکان)، ئیستاش ئەو دیاردەیە لەگەشەکردن دایە بەرادەیەک میدیای ئەهلی و گۆران لەوچوارچیوەیەدا دەخولێنەوە . لێرەدا مەبەست هەموو رٶسنبیرانی سلێمانیە بە دەسەلات و ئۆپزسیۆن و میدیای ئەهلییە.

１) رەهەندیەکان کە سلێمانین. هەرچیان کردبێت و بیکەن، لە ئاشکرا بونی گەندەلێیەوە بۆ رەخنەیەکی زانستی وبابەتی لەسەریان بە میدیای ئەهلی و گۆران و دەسەلات تێناپەڕێ!؟
２) کاروان عوسمانی گۆرانیبێژ قێزەوەنترین تاوانی ئەنجام دابوو کەچی لە چەقی سلێمانی پەیکەرێکیان بۆدروستکرد، هەوڵیان دا وەک شەهیدێک بەخەلکی بناسێنن کە سەدام لەسیدارەی داوە، چەندین ڕۆشنبیری ئەو شارە کەوتنە داکۆکیکردن لەو پەیکەرە بەپاساوی ئەوە بۆهونەرەکەی کراوە، نەک بۆ تاوانەکەی، ئەمەش هەر ئەوەی لێدەکەوێتەوە گەر سبەی تۆگۆرانیبیژیکی هەلپەرست و تاوانکار و خائینیش بیت، مەترسە و بەردەوام بە، مادام هونەرمەندیت لە ئیستاوە پەیکەرەکەت بۆ مسۆگەرکراوە. من دڵنیام ئەگەر شوانپەروەریش خەڵکی سلێمانیی بوایە هەر ئەو میدیا و راگەیاندنانەی سلێمانیی وەکو ئەمڕۆ هەڵوێستیان لەسەر وەرنەدەگرت و حسابی سلێمانچیتییەکەیان بۆ دەهێنایە پێشەوە. ئەمیش بە بەڵگەی ئەوەی کە لە ناو نووسەر و روناکبیرانی سلێمانییدا نمونەی وەک شوان پەروەری زۆری تێدایە.
３) شیرکۆ بێکەس چەندین جار گەندەڵیی بەبەلگەوە لێ ئاشکرا بووە، بەلام هەموو ئەو میدیایەی ئەهلی و گۆران نەک بایکۆتیان نەکرد، بەڵکو شیرکۆیان لەلوتکەدا لەمیدیاکان بەخەلک دەناساند و یەک دێرە رەخنەشیان لەسەر بلاونەکردەوە، ناشرینترین کاریش کە بەهەوڵی دەسەڵات و گۆران و تەپلی میدیای ئەهلی کە بۆ شێرکۆیان کرد، ئەوەبوو لەچەقی شاردا فیرعەون ئاسا ناشتیان. نەوشیروان مستەفا لەو پێنج سالەی بەئۆزپسیۆنبوونی بۆ هێچ کەسایەتییەکی کورد بروسکەی لێنەداوە، کەچی بۆ شێرکۆ ئەمەی کرد، لە کاتێکدا دوو هەفتە بەر لە مردنی شیرکۆ بێکەس گەورەترین و ناشرینترین گەندەڵی و سەرپێچیکردن لە یاسای سویدی لێ ئاشکرابوو، جگە لەمە نەوشیروان مستەفا، کە ئەمەشی کرد، لێ دەبوایە وەک سەرکردەیەکی گۆرانخواز و بۆ دەنگە هەژار و قوربانیەکانی تیرۆری ڕۆژنامەنووسانی وەک سەردەشت و سۆران، ڕێژین و سورکیو و شەهیدانی ١٧ شوبات بروسکەی هاوشیوەی شیرکۆی بۆ بنەماڵە و هاورییانی بناردایە، بەلام بەهۆی هاورییاتی خۆی بروسکەیەکی بۆ شیرکۆ بێکەسی کۆچکردوو لێدا و میدیاکەشی دەستی بەتەپل لێدان کرد، لێرەدا مەسەلەکەش هەر بەهرە و دنیایەک شیعر و پەخشانی شیرکۆ نییە . چونکە دلنیام ئەگەر عەبدوڵڵا پەشیومالئاوایی لە ژیان بکات، نەوشیروان مستەفا یەک دێریشی بۆنانوسێت !
４) مەلا بەختیار هەر چۆن قسە بکات ئەگەر بۆ یەکێتی مشار ئاسا بیبرێت و زیانی هەبێت بەهۆی هەرزەکاری گوتنەکانی، ئەو بەرامبەر گۆران و خەڵکی سلێمانیەکانی جٶرێک لە حەساسیەتی وەرگرتوە، دەلێن تۆ خەلکی ئەم شارە نیت بۆت نییە قسەی لەسەر بکەیت ! لە کاتێکدا هەموومان مافمان هەیە قسە لەسەر هەموو شارێکی کوردستان بکەین، بەلام مافەکە ئەوەیە چی دەلێی و بەچ ئاراستەیەک پێشنیازەکە دەدەی ؟ یان پرسیارەکە ئەوەیە مەلا بەختیارەک بەخۆی و نیو دەرزەن فایلدار و سەدان تاوانی تالانی داهاتی ولات، تیرۆری سیاسی، پێش سوپای تورکیا، داکۆکی لە گەورە جەلادانی بەعس لەلایەن مامی بەرێزیەوە، تادەگات بە بنەماڵەکردنی تالەبانی و تەسلیمکردنی روبارێک خوێن و رۆێشتنی تەمەنی بەهاری دەیان هەزار گەنجی کورد بۆ بنەمالەی تالەبانی و برایم ئەحمەد، لای ئاسایە ئەوانە نەک شارێکی وەک سلێمانی بە ڵکو ولاتێک بەریوە ببەن ؟ بەلام کفرە گەنجێک لەتەمەنی هەرزەکاری لەیادی بەعسدا بەشداری شیعرێکی لە یادی سەدام دا کردىی! لەوەش قیزەوەنتر وەک کۆیلەی سلێمانیەکان قسە دەکات ئەمە بۆ هەیبەتی سلێمانی ناگونچێ ؟ مەگەر کاوە گەرمیانیەکوژەکان مەترسیدارتر وسوکایەتی ترن یان هەڤال ئەبوبەکرەکان لەهاوکێشەی ئەمرۆی سیاسی فەرزکراو؟ یان مەلا بەختیارەک منالی ١٣ سال بنیڕیت بۆخۆ تەقاندنەوە؟
لە کۆتاییدا دەڵێم کەس ناڵێت، هیچ کەس خەڵکی شارەکەی خۆش نەوێ . ئەمە تاوانە داوا بکرێ، بەلام تێڕوانین بە چاویلکەی سوک سەیرکردن، خۆ بەگەورە زانین لە چاو خەڵکی شارێکی تردا، یان گالتەکردن بە شاری ترێکی تر بکەین، ئا لێرەوە کارەسات روو دەدات، واز لە خۆشەویستی نیشتیمان و میللەتەکەی، هەموو ئەو هەستە لە ناوچە و خەڵکی شارەکەی خۆیدا کۆبکاتەوە! ئەمەش خواستی دووژمن و داگیرکەرانە، کە دەسەڵاتی کوردی کاری بۆ دەکات و دەیەوێت خەڵکی ناوچەیەک لەگەڵ شوێنێکی تردا ناکۆک و ناتەباببن و دەسەڵاتیان لە بیربچێتەوە. ئێمە دەبێت کار بۆ نەهێشتی هەستی سارچێتیی و ناوچەگەرێتی بکەین، هەموومان پێکەوە جوانین کە بۆ ئامانجەکانی یەکتر کار بکەین و یەکترمان خۆش بوێت، نەک خەریکی یەکتر بیین و دوژمنمان لە بیر بچێتەوە. ئاسایی مرۆڤ داکۆکی لە جوانی و کەلتور و کەسانی شارەکەی بکات، بەڵام نەک داکۆکی لە جەلاد و پیاوکوژ و خائینەکانی.