ئاگاداری له ستافی رادیۆی ده‌نگی وڵات
Thursday, 07/05/2009, 12:00
1466 بینراوە
ستافی رادیۆ
ستافی رادیۆی ده‌نگی وڵات که رۆژانی یه‌ک شه‌م له شاری شتوتگاردی ئاڵمانیا بۆ ماوه‌ی 2 سه‌عات (12.00 بۆ 14.00) به‌کاتی ناوه‌ندی ئه‌وروپا به‌رنامه‌کانی به‌زبانی کوردی په‌خش ئه‌کات، پشتیوانی خۆی بۆ لیستی سه‌ربه‌خۆی هه‌ڵبژاردنه‌کانی پارله‌مانی کوردستان ده‌رده‌بڕێ و داوا له:
- هه‌مو کوردستانییه‌کی دڵسۆز،
- له گه‌نجانی کوردستان،
- له ژنانی قوربانیی ده‌ستی سیاسییه گه‌نده‌ڵه‌کانی کوردو دابونه‌ریتی دواکه‌وتوی کۆمه‌ڵایه‌تی،
- له پشمه‌رگه دێرینه‌کان و که‌سوکاریان،
- له که‌سوکاری شه‌هیدانی سه‌ربه‌رزی کوردستان،
- له قوربانیانی پاشماوه‌ی ئه‌نفاله‌کان و کیمیابارانی هه‌ڵه‌بجه و
- له ته‌واوی خه‌ڵکی داخ له‌دڵی کوردستان ئه‌کا ده‌نگ به لیستی سه‌ربه‌خۆ بده‌ن.
ده‌نگدان به لیستی سه‌ربه‌خۆ باشترین هه‌لو ئامرازه بۆ سزادانی ئه‌و ده‌سه‌ڵاته گه‌نده‌ڵه‌ی 18 ساڵه:
- سه‌روه‌ت و سامانی وڵات له شه‌ڕی ناوخۆو له خۆ ده‌وڵه‌مه‌ندکردنی ژماره‌یه‌ک به‌رپرسی چاوبرسیی تێرنه‌خۆردا به‌فیڕۆ ئه‌دات،
- له‌باتی ئاوه‌دانکردنه‌وه و بیناکردنه‌وه، وڵات و ئابورییه‌که‌ی و مرۆڤه‌کانی ئه‌ڕوخێنێ،
- سوکایه‌تی به‌که‌رامه‌تی نه‌ته‌وه‌یی و نیشتمانی و ئینسانیی دانیشتوانی کوردستان ئه‌کات،
- بۆ کۆنتراکتی نه‌وت و دزینی شیرینی کۆنتراکته‌کان و تاڵانفرۆشتنی نه‌وت ماده‌ی 140 ی خستۆته خه‌ته‌ره‌وه،
- ئینتمای گه‌نج بۆ خاک و نه‌ته‌وه ئه‌کوژێت،
- به‌ناوی دیموکراسییه‌وه، گاڵته به سیستمی دیموکراسی ئه‌کات،
- بۆ هێشتنه‌وه‌ی ده‌سه‌ڵاتی نادیموکراتییانه‌ی په‌یوه‌ندی خێڵه‌کی و عه‌شایه‌ری ئه‌بوژێنێته‌وه،
ده‌با هه‌مومان له رێگه‌ی هوشیارانه به‌کارهێنانی ده‌نگمانه‌وه ئاینده‌یه‌کی شیاو بۆ خۆمان و خه‌ڵک و خاکمان دابین بکه‌ین و قۆرخکه‌رانی ده‌سه‌ڵاتی سیاسی، بازرگانی و ئابوری کوردستانیش بنێرین بۆ ناو زبڵدانی مێژوو... ده‌نگدان به‌لیستی سه‌ربه‌خۆ ده‌نگدانه به ئاینده‌یه‌کی گه‌ش.
ماڵپه‌ڕ، ئادرێس و ته‌له‌فۆنی رادیۆی ده‌نگی وڵات:
http://www.freies-radio.de/
Freies Radio fr Stuttgart
Rieckestr. 24
70190 Stuttgart
Tel.: 0711 / 64 00 444 (Studio), 64 00 442 (Bro)
Fax : 0711 / 64 00 443
