نامێلکەیەک بۆ یادی پاکی کاک حەمە شوانی شاعیر

Tuesday, 13/12/2011, 12:00

ئەی پەپولەی
وەرزی بەهار
هەردەم دڵە عاشقەکەت
بە دوای بەهاردا دەگەڕا
بەڵام هەڵوەرینی پایز
بوو بە نیگای خەزانت
گێژە لۆکەی بەرە بەیان
لە ناکاودا
ڕفاندیتی
ئەی شاعیری بێ ئەندازەی
داستانی خەم
لە سەر چڵێکی غوربەت
نشتیتەوە
وێنەی چۆلەکەی چڵی یاد
بە ڕەنگی
عەشقی دڵ و
دیمەنی خاک
دێڕەکانت
هۆنییەوە
ئاوازی یادەکانت
بوو بە هۆنراوەی
دڵی یاد
بەڵام
دەستی رۆژگار
بە بێ پرسیار
لە هێلانە
هەڵی گرتیی و
بووی بە شیلەی
عەشقی دڵ و
داستانی خاک
وائیستاکە
لە ماڵێکدا
بێ هەناسی
سۆزی دڵ و
شیوەنی خاک
قۆناغ
قۆناغ
دوور دەکەویت
سێ زەڕنەقووتەی هێلانە
بە ناو
ڕۆزیا و
ڕامێن و
رۆژین
لە گەڵ دایکێکی
بێ داڵدەی چناری خەم
هێشتا هەر چاوەڕێن و
باوەڕ ناکەن و
هەر ئەڵێن
کەی دێیتەوە
ئێمەی داری
ڕەزی خەم
دار سەوز دەبێ و
دار ووشک دبێ و
نەسیمێکی سۆزی وڵات
نای لاوێنێ
دەستی چەقۆ
بە هەڕەشەن
لە بەر ئەوەی
جاریک هۆنراەوی ئازارت
بۆ نیشتمان
ئەووتەوە