ل زومار په‌یامنێر و وێنه‌گرێ كه‌نالێ KNN دهێنه قوتان
Monday, 01/03/2010, 12:00
دلوڤان زێباری
به‌ری بگه‌هنه زومار بۆ ئه‌نجامدانا كاره‌كێ روژنامه‌ڤانی، به‌ری نیڤرو یا روژا پێنج شه‌مبى یا چویی، په‌یامنیر و وێنه‌گرێ كه‌نالێ KNN سه‌عید عه‌بدلره‌حمان و نیهاد هه‌مزو خالد به‌ره‌ف زومار دچون بو ئه‌نجامدانا كاره‌كێ رۆژنامه‌ڤانی، ل گوندێ عومه‌ر خالدا هێرشێ دكه‌نه سه‌ر و ب لێدانه‌كا زور، ب گرانی بریناردكه‌ن، جامێن ترومبێلا وان دشكینن و كامیرا وان ژێ وه‌ردگرن.
په‌یامنیرێ KNNنیهاد هه‌مزو خالد بو سایتێ یه‌كگرتوو گوت:ده‌مى بو ڤه‌گوهاستنا راپورته‌كێ بو زومار دچوین ل سه‌ر رێكا گوندێ عومه‌ر خالدا ژلایێ چه‌ند كه‌سانڤه هێرش كره سه‌ر مه، ئه‌م گه‌له‌ك قوتاین و ترومبیلا مه بێسه‌رو به‌ر كر.
لدویڤ گوتنا نیهادى ئه‌و كه‌س كارمه‌ندێت ئاسایشێ و ئه‌ندامێت لژنا پارتی و كومیتا ئێكه‌تیێ و خه‌لكێ وى گوندى بون، پشتى گه‌له‌ك قوتانێ ئه‌م برینه لژنێ و گه‌له‌ك خه‌به‌ر گوتنه مه و سڤكاتی ب مه كر، پاشى ئه‌م ئیناین دویرى گوندى داناین، مه ته‌له‌فونا هه‌ڤالێت خۆ كر هاتنه هه‌وارا مه و ئه‌م گه‌هاندینه نه‌خۆشخانا ته‌نگاڤیا.
نیهاد بۆ سایتێ یه‌كگرتوو راگه‌هاند \"مه سكالا ل دادگه‌هێ دژی شه‌ش كه‌سان ژ وی گوندی توماركرینه\".
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
