پێویستە، لەوە رەقتر بنووسینّ

Saturday, 16/11/2013, 12:00

زۆر كەس و لایەن و دۆست وبرادەر،گلەیى ئەوەم لێدەكەن كەلە تەواوى نوسینەكانمدا، هەموو دەمو كاتێك،بەزبرى ورەقى دەنووسم ، بەردەوام دەسەڵاتى باشور و لایەنە كوردیەكان دەدەمە بەر نەشتەر و رەخنەى توند .هیوا خوازن كە توزێك دەست دابگرم ونەرمى بنوێنم، جار جارەش قسەیەكى خێریان بۆ بكەم.هەردەنوكم لەسەریان نەبێت..
من وەكو خۆم ئەوە بەئیش و ئەركى خۆم وهیچ نوسەرێكىى ئازاد نازانم ، بەڵكو بە پێچەوانەوە كاركردن بە دژى ئەو ئاراستەیە تا سەرئێسقان لاى من راست و بەجێ یە. ئەوەش ناشارمەوە، نە من نە هیچ بەڕێزێكى نوسەر،دوژمن و ناحەز نیە بە هەرێمى كوردستان و،ئەزمون و پارت دەسەڵاتەكانى، تابەهۆیەوە سەنگەرى لێ بگرین و، لەدژى خامە تیژ بكەینەوە، ئەركى ئەوەڵ وئاخیرى ئێمەو مانان ئەوەیە،كە ئەو دەسەڵات و پارتانە،وا لێ بكەین كە بەسەر هەڵەكانیادان باز نەدەن، بەخۆیاندا بچنەوە، ئەزمون لە هەڵە وكەموكوڕیەكانى پێشوتر وەربگرن، هەروابێتەوە ئەولایەنانە، ببنە نوێنەرى راستەقینەى میللەت، بەیەك چاو تەماشاى خەڵكان بكەن،یەكسانى و دادپەروەرى بچەسپێنن، ئەو دەمەش، ئیدى بمانەوبَت یان نا، نوسین و رونكردنەوەكانمان بێ ئەرزش دەبن و كەس پولێكیان پێ نادات. زۆربەمان لەوسۆنگە و پەرۆشیەوە كاردەكەین، بۆ بەدیهێنان و پیادەكردنى ئەو سیستەمە دەكۆشین،دەنا وەكو تر،هیچ كێشەو گرفتمان لەگەڵ هیچ لایەن و پارت وبەرپرسێكى هیچ پارچەیەك نیەونابێت.
ئاخر بەڕێزان ناهەقمە وخەتامە كە بەو زمانە دەدوێم و دەنووسم، تو چ ناوێكى لێ دەنێت؟ چ مانا ورێز وپلە وپایەیەك بەحزبێكى رۆژهەڵات دەدەبەخشیت،كە بەناو نەیارە،كەچى وەك كوێخا پاڵى لێ داوەتەوە ،خۆى لەهیچ شتێك ناكاتە خاوەن، ئەوەتا دەبینین رۆژانە،ئەندامەكانى لە سێدارە دەدرێن،بەڵام لەبەر خاترى ئەوەى وەزع و زروقەكەى لێ تێك نەچێت، ئەو بڕە پارە و نەسریەى كە پێدەبەخشن نەبڕدرێت،ناوێرێت فززە بكات،بچوكترین چالاكیش ناكات؟ّ كاتێكیش ئەندام وهەوادارانى وەك ناڕەزایى، كونوسوڵخانەى دوژمنەكەى بەرد باران دەكەن،لەسەر ئەو كارەدەست بەسەر دەكرێت، كەچى ئەوان مێش میوانیان نیە و دەڵێت، ئێمەنەبوین!ئەوانە لەئێمە بێ بەرین؟
لەلایەكى دیكەوە، لەرۆژئاوا ،كورد خەریكە جێگە پێى خۆى قایم دەكات،و نیمچە قەوارەیەك رادەگەیەنێت، لەبرى ئەوەى زۆربەمان پشتیوانى بكەین و بەئاشكراو نهێنى هەوڵى سەرخستنى بدەین،كەچى گەورەترین سەنگەر و بەرەى لەدژ دەكەینەوە، لەسەرو هەموشیانە مەسعود بارزانى بەناو سەرۆك وكاندیدى سەرۆكى نەتەوەیى سەرقافڵەى ئەو دوژمنایەتیە ، ئەمەیان چەندى بەچەندە؟ هەر لەسەر ئەو كۆنگرەی نەتەوەیى ،مرۆڤ توشى هێستریا دەبێت،كۆنگرە بە بەحساب بۆ كورد و پاشەڕۆژی رێك دەخرێت، ئەوان نەخشەو بەرنامەو سیاسەتى دادەڕێژن،بەڵام بەروونى وئاشكرایى جێگە دەست و تەداخولاتى دوژمنانى پێوە دیارە،بەخواست و حەزى ئەوان بڕیار و راسپاردەكان دەدەرێت.
لەوانەش ناخۆشتر،خاوەنى بەناو سەرۆكێكین ،لێوان لێوە لە ناپاكى و خیانەت و پاشەڵ پیسى،تا دژایەتى كورد و دوزەكەى وەستابێت، بیر لە ئیشى باشتر ناكاتەوە،ئەو زاتە ناموبارەكە بۆتە جەندرمەیەكى دڵسۆز و بەوەفاى ئەردۆغان، ئەوچى بخوازێت بە كون فەیەكونێك بۆى مەیسەر ئەكات، ئاستەنەگانى بەردەم شۆڕشى رۆژئاوا ودژایەتى پەكەكە و شۆڕشى باكورو، داختسنى سنورى رۆئاوا و رێگیریكردن لەسەرانى كوردى ئەوبەشە بەڵگەى حاشا هەڵنەگرى تاوانەكانین، دواین روزەردى وشەرمەزاریشى، بەرێكەوتنە بۆ توركیا و پێك گەیشتنە بە ئەردۆغان لە دیاربەكر، بەم كارەش جارێكى دیكە نابوتى و بێ رێزى و بچوكى خۆى دەسەلمبَنێت، لەولاشەوە ئەردۆغان و پارتە دوژمنەكەى بەكورد،لەرێگەى سیاسەتى چەواشەو لەخشتە بردنەوە مەسعود دەكاتە بەردەبازێك بۆ سەركەوتن لە هەڵبژاردنى داهاتوودا.هەزاران كوردى ساویلكە و خۆش باوەڕ لەخشتە دەبات.
هەرەخەفەتاویى و قورستر كەوادەكات زیاتر زمان زبرى و رەخنەى لەچەكوش توندتر دەربڕم، دوفاقیەت و هەلبەپرستى لایەنەكانى ئۆپۆزسیۆنە،كە بۆخۆشیان نازانن چى دەكەن و چیان دەوێت، كەوتونەتە كێژاوێكەوە،سەرى لێ دەرناكەن، نازانن، ئیسلامین؟ نەتەوەین؟چەپن؟ میانڕەون؟؟ دواین نوكتە و شتى گاڵتە ئامێزیش كەبیستم، ئەوەیە كە سەرانى نەیار و دژ بەیەكى شارى سلێمانى،لەو هەموومقەرە وبارەگا و ڤێلا و شوقە باڵەخانە و سەدان دۆنم باخانەدا، شوێنێكیان دەست نەكەوتوە تیایدا كۆببنەوە تا چارەسەرى كێشەكانیان بكەن، ناچار چونەتە ماڵى دەوڵەمەند وخانەدانێكى سلێمانى. جا ئیتر تو دینتان ناهەقمە كەلەوەش توندتر بنوسم؟؟