هه‌ڵوێستی "مه‌لیک مه‌حمود" ده‌رباره‌ی راوکردنی کاوه‌کانمان

Tuesday, 10/12/2013, 12:00

کاتێک که‌ شێخی نه‌مر له‌ هندستان له‌ به‌ندیخانه‌ ساڵی 1922 ده‌گه‌ڕێته‌وه‌، یه‌کێک له‌ راوێژکاره‌کانی پێی ده‌ڵێت: "بۆ ئه‌وه‌ی جه‌ماوه‌ر لێت بترسێت پێویسته‌ چه‌ند که‌سێک گولله‌باران بکه‌یت."
شێخیش له‌ وه‌ڵامدا ده‌ڵێت: "ئێمه‌ بۆ خزمه‌تی خه‌ڵک هاتووین که‌ خه‌ڵکه‌که‌مان کوشت ئیتر چی تیا ده‌مێنێته‌وه‌؟"
به‌ گوێره‌ی ئه‌و پره‌نسیپه‌ مێژووییه‌ی که‌ مه‌لیک دایڕشتووه‌ ئێستا هیچی تیا نه‌ماوه‌ته‌وه‌. ئه‌رکی سروشتیی ده‌سته‌ڵات پاراستنی خه‌ڵک و به‌ڕێوه‌بردنێتی. هه‌ر کاتێک که‌ ده‌سته‌ڵات له‌ ئه‌رکه‌کانی لای دا ئیتر ره‌وایی سیاسیی نامێنێت.

سه‌رمان تۆپی ناو ساحه‌یه‌
هه‌ر که‌سه‌و ئه‌یه‌وێت
بۆ خۆی گۆڵی پێ بکات.
خه‌ونی تۆپی
ناو قاچیش ئه‌وه‌یه‌
بته‌قێ و ئیتر که‌س
تێی هه‌ڵنه‌دات.

زبڵخانه‌ هه‌میشه‌ بۆ که‌لله‌ی کۆیله‌ کراوه‌یه‌.

ناله‌
201/12/09

جوانترین شیرنیی
له‌ قاچی هه‌نگه‌وه‌ ده‌‌ئاڵێت
ناخۆشترین بۆگه‌نیش
له‌ سه‌ری زۆرداره‌وه‌.

وڵاتێکی لنگه‌وقوچ
مرۆڤه‌ جوانه‌کانی له‌ ژێر پێیدان
زێرابه‌که‌ی له‌ سه‌ره‌وه‌ حوکم ئه‌کات
جرج به‌سه‌ر شان و ملیا
دێته‌ خوارێ.

ناله‌
2013/11/05

وه‌ره‌ ئه‌ی کوردی گیروده‌ ئه‌مانه‌ گه‌وره‌ پیاوت بن
ئه‌مانه‌ واریسی موڵک و وڵات و قه‌وم و ناوت بن
به‌ هیوایان نه‌بیت زینهار ئه‌گه‌ر بێ نوری چاوت بن
به‌ بیرتا قه‌ت نه‌یه‌ت رۆژێک که‌ ساماڵ و هه‌تاوت بن.

وشه‌ی زینهار، واتا: ئاگادار به‌!

نان سه‌ری خستیته‌ ناو توره‌که‌وه‌
نان نه‌بووایه‌ ئازادییت له‌ کیس نه‌ده‌چوو
که‌ ئازادییشت له‌کیس چوو
ئیتر ژیان مانایه‌کی نه‌ما.

به‌ قاچی خۆت به‌ قاچی یه‌کێکی تر ئه‌ڕۆیت
قه‌فه‌ز هه‌ر ئه‌وه‌ نییه‌ شوڵه‌کانی دیار بێت
هه‌موو چاوێکیش به‌ندیی نابینێت.

سه‌رێک خۆت له‌ توره‌که‌ت هه‌ڵکێشا بێت
خه‌یاڵی لای ده‌ره‌وه‌ نابێت.

ئه‌وه‌ی زه‌حمه‌ته‌ بۆ تێگه‌شتن
ئاسان له‌گه‌ڵیا رادێیت.

2011/12/02

http://www.facebook.com/Nasir.Hafed