بنه‌ماڵه‌ی شه‌هیدان ناڕه‌زایی خۆیان ده‌رده‌بڕن دژی داخوازیی جه‌لال تاڵه‌بانی
Monday, 20/07/2009, 12:00
ئیمه‌ی بنه‌ماڵه‌ی سه‌یده‌کانی ده‌شتی هه‌ولێر ناڕه‌زای خۆمان ده‌رده‌بڕین وه‌ک بنه‌ماڵه‌ی شه‌هیدان، کاتێک که جه‌لال تاڵه‌بانی له شار و شارۆچکه‌کان ده‌هۆ ڵ و زوڕنا لێده‌دات ده‌ڵێ که‌سوکاری شه‌یدان ده‌بێت ده‌نگ بده‌ن به مه‌سعود بارزانی. لێره‌وه ڕووی ده‌ممان ده‌که‌ینه تاڵه‌بانی و پێی ده‌ڵێین تۆیه‌ک که له کاتی ئاوادا بیری شه‌هید و پێشمه‌رگه، ته‌نانه‌ت کوردت ده‌که‌وێته‌وه و ناویان ده‌هێنێت به هیچ شێوه‌یه‌ک بۆت نییه، داوایه‌کی ئاوا بکه‌یت، تۆ ته‌نها بۆت هه‌یه بچیت له تورکمان و جاش و خۆفرۆشه‌کان داوایه‌کی ئاوابکه‌یت، که ئیمتیاز و پاره و خانوو و زه‌ویت پێداون، منداڵه‌کانیان ده‌نێریته به‌ر خوێندنی زانکۆ و ئه‌وانه‌ی ترت فه‌رامۆش کردووه، تۆ چیت داوه به سه‌ر که‌سوکاری ئه‌نفال و شه‌هیدان تا داوایان لێبکه‌یت، ده‌نگ بده‌ن به که‌سێکی خائین و ناپاکی هاوشانی خۆت؟ تۆ بۆت نییه له‌مه‌ودوا خۆت وه‌ک سه‌رکرده‌یه‌ک پیشانبده‌یت و له جه‌ماوه‌ری سته‌مدیده داوایه‌کی وا قورس بکه‌یت، ئه‌گه‌ر ئیمه ده‌نگ به‌هه‌ر که‌سیک بده‌ین خۆمان ئازادین. ده‌بێت پێش هه‌موو شتێک تاڵه‌بانی داوای لێبووردن له نه‌وه‌ی ئه‌نفال و نه‌وه‌ی پێشمه‌رگه شه‌هیده‌کانی شاخ و شه‌هیدانی شه‌ڕی ناوخۆ بکات، له‌وه زیاتر بۆی نییه ناوی شه‌هید بهێنێت. ناوهێنانی شه‌هید له ده‌می که‌سێکی وه‌ک تاڵه‌بانی و مه‌سعود، ته‌نها سووکایه‌تیی و گاڵته‌پێکردنه به عه‌قڵی خه‌ڵکی.
داواکارین له هه‌موو بنه‌ماڵه‌ی و نه‌وه‌ی شه‌هیدان هه‌مان هه‌ڵوێستیان هه‌بێت، نه‌فره‌ت له‌م به ناو دوو سه‌رکردانه‌ی کورد بکه‌ن.
بنه‌ماڵه‌ی شه‌هیدانی سه‌یده‌کانی ده‌شتی هه‌ولێر
بنه‌ماڵه‌ی شه‌هیدانی سه‌یده‌کانی ده‌شتی هه‌ولێر (له ئه‌وروپا)
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
