پێنا سە

Wednesday, 12/06/2013, 12:00

1661 بینراوە

لەژووانی
بوونی تۆدا
ساڵی تەمەن
بە زایە چو
وەک بینینی
بروسکەیەک
لە خولێکدا
شەپۆلی
یادم بڕی
بە چرکەیەک

ئەوەتا من
لە هەمواری
تەمەنمدا
هەر دەگەڕیم
لە سەردانی
خەونێکە
بە دوای
پێناسەیەک
بڵێت
من کێم

من بیر دەکەمەوە
ئەوەتا
هەم
بەڵام
لە سەنگ
ڕوژگاری وێڵ
شوێن پێیەک
پڕ ناکەمەوە
تا بتوانم
بڵێم من هەم

ڕابردویەکی
ڕووی تال و
دوا ڕۆژێکی
بەتاڵ
کاتەکانی
زەمانی حاڵ
هەموار دەکا

تەمەنێک بوو
ڕۆژەکانی
لە ناو
جەنجاڵی مێژودا
بەسەرم برد
هەست و ویژدان
دوو تیشکی
دژ بە یەکن
ئەزمونێکە
دەستی چەپەل
جگە
تاوان و
خوێن مژین و
ماف
سڕکردن
بەدی ناکەم

چوومە
خەڵوەتی
باپیران
چوومە
ماڵی
شاعیرە
ئاوارەکان
چوومە ناخی
ێۆفییەکان
ئەوانەی
بۆ
تاکیی خوا
نیگا ئەکەن
تاگەیشتمە
رەنگی ئازار
ڕوانیم
دەرگای بەزەیی
داپۆشیوە

سبەینی
مردن میوانە
قەبرسانی
پرس و وەڵام
گوناهی
سیمای تاوان
نابڕێتەوە
چۆن بتوانم
شاعریکی
بە هەست بم
یان عابدێکی
خوا پەرست
بەرامبەر
دەستەڵاتێک
تۆی مردن
رەتکەمەوە
لەسەر خانەی
وڵاتی شین
نیگاری دڵت
بکێشم
لە ناو سەمای
سەردەمێکە
بەم ڕۆژگارە
مناڵی بێ باب
ڕێز دەکا

من مرۆڤم
بەڵام
خەێلەتی مرۆڤیم
لانییە
من هاتم و
لێرەوە
دەست پێ دەکەم
تا دەرکەوێ
قوڵایی ئارەزوەکان

خۆزگە
باڵندەیەک
ئەبووم
بە ڕوویەکی
سپی و
بی گەرد
بەرامبەر
خوا
ئۆقرەم دەگرت
وەڵامی
ئە و پرسیارەم
ئەدا
کە
دووبارە
نابێتەوە

شانەی تەمەنم
یەک یەک
شکاند
لە گەل
شەڕو شۆڕو
لە ئەزمونی
ڕەنگدانەوەی
نەڕەی
ترسە
ترسی سوڵتان
کە لەزاری
میلەتێکی
دەست بەسەرە
دەرئەکەوی
یان تەلارێک
لە
ئێسک و پروسکی
قوربانیەکان
ئەوانەی
بە دوای
ئازادیە
بوون بە
نەچیر

ئاوازم
باڵندەیەکە
دەشتایی
سنووری زەنگ
جی دەهێڵێت
گەڕام بەدوای
پارویەکی سەربەستە
بەبێ خەم
بێتە دی
بەڵام
لەورگی دراوی
دەست بەسەرە
نایەتەدەر
ئەم دونیایە
چەندێ
سەختە
بەدوای
ڕێگایەکی
سەوزە
ئەبم
بە پانتایی
دەستێک
درێژ ئەبم
بە باوشێک
برسییەکانی
ێومال و
رووتەکانی سودان و
ئە سیوبیا و
باشوری ئەفریقای
ڕەش
یان ئاوارەوی
نەهامەتی
دەستی
تەماعی
بێ گیرفان
دەکەمە بەش

ئەی دەستە !
بێ هەستەکان
من لە ناخەوە
قیزتان
لێ دەکەمە وە
لە گەل بەزەیەکی
بێ هوودە
لە مەڕ ئەوەی
‌هێشتا
گەلحۆن
بەرامبەر
هیمای ژیان