Credit card - بەشی چوارەم و کۆتایی

Saturday, 28/06/2014, 12:00

1643 بینراوە

گەر سەرمایەداری و برژوا دوا قۆناغی ئیمپریالیزم بێ وەك لێنین ئەڵێ، ئەوا لەبواری ئابووریدا ئەتوانین بڵێین credit دوا قۆناغ و بەرزترین ئاستی بەهاو نرخی مرۆڤی ئەم سەردەمەیە. واتە پێوەری مرۆڤ لەم ڕۆژو سەردەمەدا تەنها لەڕێگای credit وە ئەتوانرێ بناسرێ. ڕاددەی سەرمایەو بوونی پارەی زۆر لە سیستمی ئابووری ئەمڕۆدا هەرگیز مانای ئەوە نیە ئەو کەسە credit ی باشە. بەڵکە ، تەواو بەپێچەوانەوە. ئەو کەسەی ئاستی creditی بەرزو باشە، ئەتوانێ لەو ڕێگایەوە باشترین بواری بزنس و بگات بە پلەو پۆست و پارەی باش.

بۆ نمونە گەر کەسیك خاوەنی credit یکی باش بێ، ئەتوانێ داوای قەرز لەبانك بکاو ئەو کارە وەیان ئەو داهێنانەی هەیەتی بیخاتە بواری بزنس و لەماوەیەکی کەمدا سەرکەوتن بەدەست بێنێ. ئەوەی کە ئەوترێ جیهانی ڕۆژئاوا و سیستمی سەرمایەداری خەونی مرۆڤە. ئەوا لەوەوە دەست پێئەکا کە لەتەمەنێکی کەمەوە بەمەرجێ خاوەن credit ێکی باش بی ئەتوانی خەونەکانت بهێنێتە دی. کەم نین ئەوانەی لەتەمەنێکی زۆر گەنجیەوە ئەبنە خاوەن پیشەی خۆیان و بزنسی خۆیان پەرەی پێ ئەدەن. هەروەها کەم نین ئەوانەی لەڕێگای قەرزی بانکەکانەوە توانیویانە پاشەڕۆژێکی باش بۆ خۆیان دابین بکەن.ئەمەش بێ ڕەچاوکردنی بوونی creditێکی باش زەحمەتە ڕووبدا.

Credit لەکۆمەڵگای خۆرئاوادا ئەوەندە گرنگ و پڕبایەخە کەتەنها بواری ئابووری ناگرێتەوە. بەڵکە ، ڕۆچۆتە نێو هەموو جومگەکانی ژیان. بۆ نمونە، لە سیستمی خوێندنی ئەمریکا پێوەرەکان بە کەلای خۆمان بە نومرە ناو ئەبران،لێرە بە credit ناوزەند ئەکرێت. واتە کاتێ یەکێ بیەوێ بچێت بۆ زانکۆ پێوستی بە ٤٧ credit ئەبێ تا لەزانکۆ وەربگیرێ، دەنا گەر ئەو ژمارەیەی نەبێ پیوستە پێش چوونی بۆ زانکۆ ئەبێ بچێ بۆ community college بۆ ئەوەی creditی پێوست بێنێ و ئەوسا ئەتوانێ بچێت بۆ زانکۆ.

ئەوەی پێ ئەووترێ CV وەیان resume بریتیە لە پێناسەو کورتکراوەی تەمەنی کارو جۆری ئەو کەسە کە گەر بیەوێ ئیشێکی دەست بکەوێ. لێرەدا لەڕێگای ئەوەی ئاماژەمان پێدا، خاوەن کار دوای ئەوەی سۆراغی ئەو زانیاریانە ئەکا لە تیایدان، ئەتوانێ ئەو کەسە هەڵبسەنگێنێ و بڕیاری وەرگرتن وەیان وەرنەگرتنی بدا. واتە گەر ئەو کەسە جگە لەتواناکان و مێژووی خوێندن و کارکردن. دەرئەکەوێ کەوا چەند توانیویەتی متمانە بەخش بێ. واتە خاوەنی چەند لە creditە.

وەك ووتمان credit لەم کۆمەڵگایانەدا ئەوەندە ئاستێکی بەرزی بەخۆوە بینیوە کەوا جگە لەبوارەکانی ئابووری و خوێندن، بواری میدیای بینراو بیستراویشی داگیرکردوە. بۆ نمونە لەبواری میدیاو ڕاگەیاندا زۆرترین کات گوێبیستی credible news وەیان credible source ئەبین، ئەمە بەو مانایەی کەوا چەندە گرنگە سەرچاوەی هەواڵ وەیان دەنگ و باس وەیان هەر شتێکی تر کە پێوستە پشتی پێ ببەسترێ و ببێتە جێگای متمانەو باوەڕی گوێگر و بیسەر بوونی هەبن.بۆ؟ لەبەرئەوەی لەڕێگای ئەم دەزگای ڕاگەیاندنانەوەیە ئەتوانرێ هەڵوێستی سیاسی دروست بکرێ، واتە تا میدیا متمانە لەسەر شەقام دروست نەکا نەتوانێ هەڵوێستی سیاسی دروست بکا. بەم شێوەیەش ئەرکی میدیاکان لەڕێگای هەواڵە پڕ بەمتمانەکانیان ئەچنە نێو هەست و بیرو هزری تاکی مرۆڤ و پاشان لەڕێگای بیرمەندان و سیاسیەکان هەڵوێستیان لەسەر دروست ئەکرێ و پاشان هەنگاوی پراکتیك ئەنرێ.

لە نەخۆشخانەکانی ئێرە لەسەر دیوارەکان وێنەی ئەو کادیرو ستاف تەندرووستیانەو پزیشکەکان کەهەریەك لەوانە پرۆفایلێکیان بۆ دروست کراون و باس لە credit کانیان کراوە.

Internationally accredited ئەم دێڕە لەسەر ئۆتۆمۆبیلی پۆلیسەکان نووسراوە و جا بزانە چۆن credit و هەموو داتاشراوەکانی ڕۆچونەتە نێو ژیانی خەڵکی ڕۆژئاوا.

بایەخی دوور مەودای credit card لەسەر ژیانی خەڵك بەشێوەیەکە ، مرۆڤ فێری بەرپرسیاری ئەکا بەرانبەر خۆی و چواردەوری. واتە ئەوە سیستمی credit و بانکەکانە کەوا لە تاکی کۆمەڵگا ئەکا گرێبەست وەیان کۆنتراکتێکی لەگەڵدا بکا تا بتوانێ بوونی خۆی بسەلمێنێ. ئەم بەرپرسیاریە درێژە ئەکێشێ و تا ئەگاتە ئاستی خۆشەویستی ووڵات و ئاڵاو خەڵکەکەی. ئەوەی تاکی ڕۆژئاوای بەستۆتەوە بە خاك و نیشتمان و نەتەوەو ئایین و کلتوور و مێژووەکەی، بەشێکی زۆری ئەو بەرپرسیاریە گەورەیەیە کە لەڕێگای سیستمی credit card و بانکەکانەوە هەیەتی. مرۆڤی ئەم جۆرە ووڵاتانە مرۆڤی بەرپرسیار و جدی و بەپلان و بەرنامەن.



وەتا کوردستانی باشوور نەتوانێ ئەم جۆرە سیستمە ئابووریە بنیات نەنێ ناتوانێ ببێتە خاوەن لانەیەکی بەرپرس و بەپلان و بەبەرنامە. گەر بەناو حکومەتی هەرێم و وەزیری سامانە دزراوەکان(ئاشتی هەورامی) گەورە دزنێچیرڤانی گەورە مافیا کەهەر خەریکی بەهەراجکردن و دزینی سامانی ئەم گەلەن، با بێن و سیستمی credit card دابمەزرێنن بۆ ئەوەی تاکی کوردیش بزانێ چۆن مامەڵە لەگەڵ پارە و بەهای دراو بکا. کورد پێوستی بەو گرێبەستە ئابووریە هەیە کەهەریەك بتوانێ ببێتە خاوەن پیشەی خۆی و لەسەر پێی خۆی بوەستێ و بزنسی هەبێ. هەر کات ئەم حکومەتەی ئێستا کارێکی وای کرد، واتە مرۆڤی کورد فێری خاوەنچێتی ئەبێ. لەڕێگای بزنسەکەکەیەوە فێری خۆشەویستی ووڵات و ئاڵاو خاك ئەبێ. کاتێ لاوێکی دەرچووی زانکۆ نەتوانێ قەرزێك لەبانك وەربگرێ و خەون و خولیاکانی خۆی بێنێتە دی، ئێدی ووڵات بۆ ئەو چ مانایەکی نیە.کێ هەیە ئەوڕۆ لەکوردستان نەڵێ: ئینجا بەمن چی، خۆ نەمەترێ زەوی و نە مووچەیەك و نە بزنسێكم نیە، جا ووڵات بەمن چی؟!! کەواتە گەلێ گرنگە لاوانی ووڵات لەهەوڵی ئەوەدابن فشار بخەنە سەر پەرلەمان بۆ ئەوەی چی زووە سیستمی credit card و قەرز دروست بکەن و ئێستاش وا نەوتەکە بەفەرمی ئەڕواو پارەو پوولەکەی پێوستە لەبانکی کوردستان دابنرێ و نەك بانکی تورکی.