ئاقلێ كورمانجى پاش تێت
Tuesday, 01/01/2013, 12:00
هەر چەند مە نەڤێت ڤێ رستێ یان كوپلێ بكەینە مانشێت ژ بوونا كو ئەم دكارین ڤێ رستێ بوونا ئارمانجێن دوژمن ل سەر پاشڤەبرن وە شەرەكێ پسكولوجى دگەل گەلێ كورد بدەینە ناسین كو ل هەمبەر تێكشكاندنا ئیرادا وى بكار ئینایە لێ هەر چاوا بە هنەك جاران ئەڤ رستە وەكە راسییەكێ سەرێ خوە ل ناڤ جڤاكێ مەیێ كوردى دا رادكە وە دبێژە ئەز راستییەكا نەڤەشارتى مە .میناك ژى نەخوش كەتنا مام جەلا ل مەیدانا سیاسى وەكە كەسایەتى یەكێ كارێزما وە پیرە پولیتیك كارەكێ هەرە زیرەك و ژیر بەرى نەخوش بكەڤە وە ل سەر پێ بە گەلەك لایەنێن سیاسى وە هەر وها كومەلگەهێ مە ژى ب حەمو تەخ و چینێن خوە ڤە كو گرێدایێ هزرێن بەرتەنگێن ڤان لایەنان بوون مام جەلال وەكە ئیشەكا هەرتمى بوونا گەلێ كورد د دانیاسین وە ئەڤ هەڤدژى هنەك جاران وها گەرم و گور دبو كو بێهنا شەرەكێ براكوژیێ لێ دهات هنەكا ب دین یان نەخوش یان خیانەت كار د داخویاكرن من بخوە ل لاپەرێن فەیسبوكێ كو نها جهێ شونێن گشتى گرتییە ئەڤ گوتن دخواندن ژ بلى ل سەر شەقام و كولانا یان جهێن دن هەتا د هنەك روژناما ژى دا ئەڤ هێرش د بەربەلاڤ بوون بو سەر ڤى كەسایەتیێ كورد كو ب حەمو تەمەنێ خوە ل هەمبێزا خەباتا گەلێ خوە دا بوو بوونا ئارمانجێن وى . هەرچاوابە ئەڤ راستى دیار وە بەرچاڤە بوو مە حەمویا خوە ڤەشارتن ل ڤێ راستیێ بێ وژدانى یە .لێ نها بەروڤاژى دزڤرە ئەڤ ژى مانشێتێ مە ژ راستیا خوە پشتراست دكە كو ئاقلێ كورمانجى ل پاش تێ .ژ بوونا گەر ئەم پیڤانا ئەقلێ خوە دگەل رییا لیستى هەڤبەربكەین وێ مانشێتێ مە ژى ب دروستى دەركەڤە هولێ . ژ بەركو د وان دەمێن مە هێرش ل سەر كەسایەتیا ڤى كەسێ كاریزما وە تێكوشەر دكر نە كاودانێن ناڤخویى نە ژى دەرڤەى هەرێمێ رێ ب ئەقلەكێ ساخلەم وە زانا و ژیر گەلەكێ نادە كو وها تەڤ بگەر ل هەمبەر كەسایەتیێن خوە یێن كارێزما ,مروڤ نكارە بێژە ئەڤ هێرش یان هەڤ دژى ل سەر بنگەهەك ساخلەم دناڤ هەوایەكێ دیموكراسى وە رەخنێن ئاڤاكەر بن بەلكو بەروڤاژى سڤك كرن وە هەولا ڤەدەركرنا رولێ وى ناڤ گورەپانا كوردستانێ بوو . كو ئەڤ ژى ئارمانجێن ڤەشارتى وە چەپەل ل پشت پەردێ ژ لایێ پارتێن خودى ئەقلیەتا كلاسیك پێڤە دیاربوون كو تا نها ژى خودى ل پرنسیپێن ستالینى هیتلەرینە)وەكە یێ كومونیست نەبیت مافێ ژیان كرنێ نینە كو ئەڤ ئەقلییەتا ژەنگى وە ئیكسپایر خوە وها ل كومولگەهێ كوردى ئالاندییە بەرزترین كەس زاناترین كەس بێ باهترین وە نەزان ترین كەس بهێتە دیتن دەما دچە ژى بەحسا رولێ وى تێ كرن گەل پەشیمان دبە ئەڤ ژى وى د دەدیاركرن كو ئەم خودییێ ئەقلەكێ دەسكردیین وە پاشڤەماى كو ل شونا دیر بنێرین وها ل نێز دنێرین كو ئەم وەكە كورا لێ دهێین وە تو تشتەكێ ل بەرچاڤ نابینین . ئەس ناخوازم مژارێ وها درێژ یان تیژ بكەم كو ل ناڤەروكا خوە دەركەڤە یان هەڤدژییەكێ پەیدا بكە لێ هەرچاوابە دبە ئەم وەكە گەل وەكە گەنجێ ڤى گەلى ئیدى بزانین رێزێ ل ل كەسایەتیێن خوە بگرین وە پال پشت بین نەك ل كونكا دەرزیا لایەنكێ رەنگ كرى كو ئەڤ ژى خزمەتا دوزاگەل وە ریالیستێ نها كورد بتەڤاهى تێ دا دەربازدبە ناكە بەلكو بەروڤاژى خزمەتكرنە بوونا ئارمانجێن دوژمنێین گەلێ مە لەورا بلا مام جەلال ئیدى ب نەخوش كەتنا خوە مانشێتێ مە هەتا هەتایێ نە ئینە سەرزمان وە لاپەرێن گوڤار روژناما وە ببە ئالگویەك بومە تەڤایان كو ئیدى ئەقلێ كورمانجى ل پێش بێ نەك ل پاش
ئارمانج گوهەرزى
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
