سلێمانی

Friday, 15/11/2013, 12:00

1721 بینراوە

لە یادی بیرەوەری ٢٢٩ساڵەی دامەزراندنی شاری سلیمانی یە

باوکی دوین
سلێمانی
ئەی شارەکەی
شێخی نەمر
شاری ئەوین
شاری
شانامەی شاعیران
شاری شۆڕش
پایتەخی
خامەی نوسەران
شاری
پیاسەی ئێواران
تۆی مەلیک و
سەرشەقام و
کانی ئاسکان

دەمێکە
شێرازەی دەنگت
بچڕاوە
دەمێکە
شێواوە ڕەنگت
هاتینەو
بەسەری سپی و
بە پشتی کۆم
وائیستاکە
پیاسەی شەقام دەکەین
بەڵام بەڵام
داخەکەم
واهەست دەکەم
ناتناسم

هەرچەند جاران
کوچەو کۆڵانت
کەمتر بوو
بەڵام لە لامان
خۆشتر بوو
سلێمانی

ئەگەر.... ئەگەر
تۆنەبیت
کێ باسی
مرۆڤ بکات
کێ باسی
قەڵەم بکات
کێ باسی
ڕۆشنبیری
کێ باسی
هونەر
بکات
ئەم هەموو
خەسڵەتە جوانە
هەر لە خۆت دێت
سلێمانی
هەرچەندە ئیستاکە
شیوەی دیمەنت
گۆڕاوە
بەڵام لای من
هەر ئەوساکە
جوانتر بووی
بە درێژایی یادەورێت
هێلانەی
مەلی داماو بووی
داڵدەی کەسی
بێچارە بووی
جلی جوانی کوردەواری
هەر لەخۆت دێت
سلێمانی