پارێزگاری كه‌ركوك دژی به‌رپرسانی پارتی هه‌نگاو ده‌نیت

Thursday, 27/09/2012, 12:00

كوردستانپۆست/ په‌یامنیری 2 كه‌ركوك
سه‌رچاوه‌یه‌كی نزیك له ‌نووسینگه‌ی دكتۆر نه‌جمه‌دین كه‌ریم پارێزگاری كه‌ركوكه‌وه ‌ئه‌وه‌ی بۆ كوردستانپۆست ئاشكرا كرد، كه ‌ماوه‌ی زیاتر له‌20 رۆژه ‌دكتۆر نه‌جمه‌دین كه‌ریم پارێزگاری كه‌ركوك به‌بریاری یه‌كێتی ‌و له‌سنوری پارێزگای كه‌ركوك له‌هه‌وڵی لادان و دوورخستنه‌وه‌ی زۆربه‌ی به‌رپرسه‌ كورده‌كانی سه‌ر به‌ پارتییه.
ئه‌و سه‌رچاوه‌یه ‌ئه‌وه‌ی باسكردووه‌ یه‌كێك له‌و كه‌سانه‌ی بۆته ‌ئامانجی دوورخستنه‌وه‌ی له‌ كه‌ركوك عه‌مید سه‌رحه‌د قادره‌ به‌ڕیوه‌به‌ری پۆلیسی قه‌زا و ناحیه‌كانی ئه‌و پارێزگایه‌.
بۆ هه‌مان مه‌به‌ست له ‌په‌یوهن‌دیه‌كدا به‌رپرسێكی پارتی له‌ده‌زگای دژه‌تیرۆر ئه‌وه‌ی بۆ ئاشكراكردین كه‌ زانیاریان هه‌بووه ‌دكتۆر نه‌جمه‌دین كه‌ریم به‌ئیعازی مالیكی و یه‌كیتی له‌هه‌وڵی كه‌مكردنه‌وه‌ی ده‌سته‌لاته‌كانی پارتییه ‌له‌و پارێزگایه‌دا.
شایانی باسه‌ به‌پێی هه‌مان سه‌رچاوه‌ی نووسینگه‌كه‌ی پارێزگای كه‌ركوك زیاتر له‌26 به‌رپرسی ئیداری و سه‌ربازی و ئه‌منی و پۆلیسی پارتی له‌ لیستی ڕه‌شدان بۆ ئه‌وه‌ی له‌ پۆسته‌کانیان دووربخرێنه‌وه‌.