پارتى نەشێت ل خەلەتیێت خو بزڤریت و وەكى بەفرێ یا دحەلیێت

Friday, 21/08/2009, 12:00

پشتى سەرهلدانا 1991 یا جەماوەرێََ كوردستانێ ورزگاربونا كوردستانێ وحەتا ئەڤرو خەلكێ مە هاتیە خاپاندن ب درەو درویشمان ، لێ دگەل هندێ روژ بور روژێ عیناتا جەماوەرێ پارێزگەها دهوكێ ستویرتر لێ دهێت وئێدى تەحەمل نەمایە ، وهینگێ پارتى باوەرى ژدەست دا دمێ مسعود بارزانى سالا 1997 هاتیە دهوكێ وگوتى ئەز گەندەلیێ ناهێلم و دێ موحاسبا پەرپرسان كەم و چووى و چوو نەكرى و پشتا خو دایە دهوكێ هەتا هەلبژاردنێن 2009ێ وژهینگێ وەرە خەلكێ دهوكێ قەدا ڤێ دئێخیت و نەعلەتا لێ دبارینیت و دیاربو كو ئەو بخو شریكێ هەمیانە.
بەعسى یێن چووین وپارتى رێبازا وێ یاگرتى وخەلەتیێن وان یێن ژ یێن بەعسیان مەسترو پتر لێ هاتین ، وجهێ مروڤێ روشەنبیر و شەریف ومللەت پارێز دناڤ دا نەمایە و هەركەسەكێ نوكە رەخنەكا بچویك ژى لێ بگریت دێ ب خائن ئێتە نیاسین ، لەوما مەحالە بشێت خەلەتیێن خو هەمیا دروست بكەت ژبەر هندێ خەلكێ مە یێ دوێ باوەرێ دا كو دڤان چار سالێن بهێت ژى دا نەشێن چوو بو خەلكى بكەن وئەو بخوژى ڤێ چەندێ دزانن و لبەراهیا هەمیا كادرێن وان بێ ئومێدیەكا مەزن كەفتیە دناڤ دا و ژبەر ئەو راستیا ڤێ چەندێ دزانن كادڤان هەلبژاردنان دا چەند ساختە هاتینەكرن و بزورى خو گەهاندیە ڤێ رێژێ دەرچونێ
دیسا دیاربو كو پارتى بتنێ پارتا موستەشار وئاغاو شركات و برجوازانە وخەلكێ شورەشگێر و زەحمەتكێش هەژار ژ هەمى مافێن ژیانێ و مروڤاتیێ بێ بەهرە.
پارتى گەلەك وەعد و وعود بەلێن داینە خەلكێ دهوكێ دهەوا هەلبژاردنادا ، لێ ڤێ جارێ یا بحسابە و زورا دترسیت و دزانیت هەر چوو نەبیت دماوێ ڤان چار سالێن بێت دا دێ نیڤەكا بادینان ژدەست دەت لەوما پتر یا بەرەڤ دكتاتوریەتەكا توند دچیت داخو حازر بكەت ب كوتەكى كونترولێ بكەت .
لێ ئیرادا گەلێ بادینان ژ هندێ زورا مەسترە وهەر ژنوكە تەخێن روشەنبیر و گەنج و لاوان وخەلكەكێ زەرەرمەند بتایبەتى ژ پێشمەرگە و شورەشگێرێن كەڤن و شەهیدان یێ هزرێ لێ دكەن و خو رێك دئێخن بو بەرسینگرتنا ڤێ رژێما بوگەن و ئاگرێ ژێ دچیت و پارتى ژى وەكو بەفرێ یا دناڤدا دحەلیێت و حەتا ب ئێكجارى نەمینیت و جورئەت و یا هاتیە وەرگرتن ژ نموونا برایێن مە لیستا گوران ل سلێمانیێ.
سەرانێن پارتى و دیڤەلانكێن وان ژ موستەفیدا بلا بزان چەن گارەى بو سەدامى ما هند ئەڤ قەسرو قوسیرە و عمارە دێ بو وان مینن وهەر دێ بنە ملكێ خودانێن كوردستانێ ژ دیموكراتخوازو شەرەفمەند و خەمخور و هەژارێن ڤى مللەتى را دێ مینن ونێزیك سەرشورى و دوزەخ بو هەوە دێ مینن.
18/8/2009