به به‌ڵگه‌وه ، هه‌ریه‌ک له نێچیر و مه‌سرور 400 دۆنم زه‌وییان له‌سه‌ر خۆیان تۆمارکردووه..
Wednesday, 16/02/2011, 12:00
مه‌سعود بارزانی له گفتوگۆکانیدا ده‌رهه‌ق به بوونی گه‌نده‌ڵی ، ده‌ڵێت : گه‌نده‌ڵیی هه‌یه و به 19 حزبه کارتۆنییه‌که‌شی راگه‌یاند ، بۆ له‌مه‌ودوا ئه‌گه‌ر گه‌نده‌ڵیتان دی راپۆرتم بۆ بنووسن .. دیاره مه‌سعود بارزانی ده‌یه‌وێت به حزبه کارتۆنییه‌کان بڵێ : ئێوه هیچ نین جگه له راپۆرت نووس ، خۆ ئه‌گه‌ر گه‌نده‌ڵیش هه‌بێت به نه‌خشه و رێگای خۆم چاره‌ی ده‌که‌م.
له په‌رله‌مانی کوردستاندا له ناوه‌راستی 2006دا ، رۆژنامه‌نووسیک لیی پرسی: که‌ی کێشه‌ی ئاسیاسێڵ و کۆڕه‌ک تیلکۆم چاره‌سه‌ر ده‌بێت ؟ له وه‌ڵامدا وتی: نازانم کۆڕه‌ک و ئاسیا سێڵ چییه؟ باسی چی ده‌که‌ن؟!..
گه‌نده‌ڵی به‌رای زۆر له چاودێرانه‌وه ، وشه‌یه‌کی زۆر بچووککراوه‌ی ئه‌و دیارده‌یه‌یه که ئیمڕۆ له کوردستان ده‌گوزه‌رێت ، ئه‌م دیارده‌یه ده‌کرێت ناوی لێبنرێت" تاڵانکردن "که دوو بنه‌ماڵه چه‌ته‌ئاسا پێڕه‌وی لێ ده‌که‌ن ، بۆیه تاوانه یان هه‌رهیچ نه‌بێت هه‌قی خۆی نادرێتێ که دیارده‌یه‌کی ئاوا ناوی لێ بنرێت "گه‌نده‌ڵی".
فه‌رموون سه‌یری ئه‌و وێنانه بکه‌ن ، که وه‌ک به‌ڵگه نیشانمانداوه ، چ تالانییه‌ک ده‌رهه‌ق به موڵکی گشتی ده‌کرێت..مه‌سرور و نێچیر پێشبڕکێیانه بۆ زه‌وتکردنی زۆرترین موڵک و زه‌وی زاری گشتی .. به کورتی له خواره‌وه داگیرکردنی هه‌ریه‌که‌و 400 دۆنم زه‌وی ده‌وروبه‌ری هه‌ولێرتان بۆ ئاشکرا ده‌که‌ین که هه‌ریه‌که له مه‌سرور و نێچیر ده‌ستیان به‌سه‌ر داگرتووه و کردویانه‌ته پرۆژه‌ی سه‌رمایه‌گوزاری بۆ قازانجی بنه‌ماڵه‌که‌یان :
1- مه‌سرور که کوڕی مه‌سعوده ، ئه‌و مه‌سعوده که به‌دوای گه‌نده‌ڵیدا ده‌گه‌ڕێت !، له‌سه‌ر رێگای هه‌ولێر موسڵ له که‌ورگۆسک نزیکه‌ی 300 دۆنمی داگیرکردووه و کارگه‌یه‌کی کۆکاکۆلای دورستکردووه ... ئه‌م پرۆژه‌یه هه‌رچه‌نده ئیمتیازی کۆکا کۆلای جیهانی هه‌یه ، به‌ڵام کوالیتییه‌که‌ی وه‌ک شاره‌زایه‌ک له بواری کوالێتی بۆ کوردستانپۆستی ئاشکراکرد نیوه‌ی کوالیتییه جیهانییه‌که‌یه و به هیچ شیوه‌یه‌ک ناشێ بۆ خواردنه‌وه‌ی مرۆیی ، زۆر خواردنه‌وه‌ی ده‌بێت تووشبوون به شێرپه‌نجه‌ی گه‌ده. ئه‌م زه‌وییه به پیت وبه‌ره‌که‌ته که مه‌سرور له‌سه‌ر خۆی تاپۆ کردووه ، موڵکایه‌تی ده‌گه‌ڕێته‌وه بۆ خانه‌واده خێر له‌خۆنه‌دیوه‌کانی خێڵی هه‌رکیی ، که ئێستا زۆرێکیان له بیکاریدا ده‌ناڵێنن.
2- هه‌ر ئه‌و مه‌سروره ، بار و ریستۆرانتێکی گه‌وره‌ی له‌سه‌ر رێگای مه‌سیف -هه‌ولێر له‌سه‌ر رووبه‌ری 100 دۆنم له‌سه‌ررخۆیدا یا که‌سێکی نزیک له‌خۆیان تۆمارکردووه ، که تێیدا ده‌کرێت بووترێت گه‌وره‌ترین مه‌لهایه که شه‌وانه تییادا گۆڕانیبێژه لوبنانیی و تورکییه‌کان شه‌وی سوور بۆ میوانه‌کانی ده‌رازێنێننه‌وه.
3-نێچیری برازای مه‌سعود ، ئه‌و مه‌سعود بارزانییه‌ی که وێڵه به‌دوای گه‌نده‌ڵیی و دۆزینه‌وه‌ی گه‌نده‌ڵکاران ، هه‌ر له‌سه‌ر رێگای هه‌ولێر مه‌سیف گه‌وره‌ترین هۆتێل به‌ناوی هۆتێل خانزادی له‌سه‌ر 300 دۆنم ئه‌رزه له‌سه‌ر خۆی یا یه‌کیک له که‌سه نزیکه‌کانی تاپۆکردووه ، ئه‌م هۆتیله هه‌موو قازانجه‌که‌ی ده‌چیته گیرفانی بنه‌ماڵه.هه‌ر له‌و هۆتێله و بیناکانی ده‌وروپشتی مه‌لهایه‌کی گه‌وره‌ی هاوشێوه‌ی مه‌لهاکه‌ی مه‌سروری تیایه بۆ رازاندنه‌وه‌ی شه‌وه‌سووره‌کان بۆ ژنه‌گۆڕانبێژه تورکی و لوبنانی و شوێنه‌کانی دیکه به‌کارده‌به‌ن.
4-هه‌ر ئه‌و نێچیره له سه‌ر هه‌مان رێگا بۆ پێشبڕکێکردنی مه‌سرور له زه‌وتکردنی موڵکی گشتی قوتابخانه‌یه‌کی نمونه‌یی ئاواکردووه به‌ناوی شویفه‌تای جیهانی که تییدا منالانی به‌رپرسه‌کان و تازه‌ده‌وڵه‌مه‌نده‌کانی بنه‌ماڵه‌ی مه‌سعود ته‌رخانکردووه، دیاره له رووکه‌شدا به‌ناوی شویفات تۆمارکراوه به‌ڵام له گرێبه‌ستێکی ژێربه‌ژێر موڵکایه‌تییه‌که‌ی بۆ نێچیر ده‌گه‌ڕێته‌وه.
له کۆتاییدا ده‌بێ بووترێت ، ئه‌و هه‌موو پڕۆژانه‌ی که هه‌ردوو گه‌وره مافیای بنه‌ماڵه" مه‌سرور و نێچیر" له‌سه‌ر موڵکی گشتی ئه‌نجامیانداوه ، به پاره و بوودجه‌ی خه‌ڵکی کوردستان بووه ، به جۆرێک هه‌ر بۆ نموونه خوێندگای شوه‌یفات زیاتر له 300 ملیۆن دۆلاری بوودجه‌ی خه‌ڵکی کوردستانی بۆ خه‌رجکراوه ، له کاتێکدا ئه‌م پڕۆژه‌یه تایبه‌ته ، هه‌ر پرۆژه‌یه‌کی تایبه‌ت ناکرێت له بودجه‌ی گشتی پاره‌ی بۆ ته‌رخان بکرێت.
ئه‌مه دیاره به‌ڵگه و لیکۆڵینه‌وه‌ی دیکه به‌دوای خۆیدا راده‌کێشێت ، ئێمه به‌وه‌نده واز ناهێنین و داوش له خه‌ڵکی کوردستان ده‌که‌ین ئه‌گه‌ر ده‌توانن موڵکه‌کانی داگیرکراو له‌لایه‌ن هه‌ردوو بنه‌ماڵه‌وه به فۆتۆ بۆمان بنیرن ، تا بتوانین به‌دۆکۆمێنتیان بکه‌ین و خه‌ڵکی کوردستان لێ ئاگادار بکه‌ینه‌وه و له‌کاتی راماڵینی ده‌سه‌ڵاتی مافیاییان ، هاوکاربین له گه‌ڕاندنه‌وه‌یان بۆ خه‌ڵکی.
تێبینی : خوینه‌رانی به‌ڕێز ده‌کرێت به‌رنامه‌ی "Google earth" داببه‌زێنی باشتر سه‌یری دۆکۆمێنته‌کان یا سه‌ته‌ڵایتی شوێنه‌کان بکه‌یت.
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
