مەسعود بۆ سەرۆكایەتی یان بۆ دادگا؟!

Thursday, 16/05/2013, 12:00

2666 بینراوە

میللەتی هوشیار قوربانی نادات بۆ بەزەیی
قوربانی دەدات بۆ ئەوەی شایانی بەزەیی نەبێ .

كورد ڕاڤە لە سەر ئەنفال و هەڵەبجە دەكات بۆ ئەوەی جیهان  بەزەیی بە كورددا بێتەوە.
جولەكە ڕاڤە لەسەر جینوسایدی جولەكە دەكات بۆ ئەوەی جاریكی تر جینوساید نەكرێتەوە.
دیموكراتی یانی بریاردانی ئازادانە لەسەر ئەو ویستەی لەتەك ویستی سیاسی و ویستی لۆژیكی خودا جووتە .
لۆژیكی خود ڕەهندێكی گەلێك فراوانە .
دیموكراتی كاییەك نییە تایبەت بێت بە سیاسەت، بەڵكو كایه‌یەكە پابەندە بەئازادیی تاكەوە . ئازادیی تاك پابەندە بەم دوو چمكەوە:

1: هوشیاری تاك بەرامبەر بەخود.
2: ڕێزی خود بەرامبەر بە خود.

ئەگەر تاكی كۆمەڵ بەم دوو خاڵە پەروردە بكرێت، ئەوا ئەو كۆمەڵگایه‌، یان ئه‌و گه‌ل و نەتەوەیە نه‌ دیکتاۆر دروست ده‌کات، نه‌ په‌سه‌ندیشی ده‌کات. نەسەرۆك و نەسیاسی، نە نووسەر و نە ڕابەری دینییش پیرۆز ناكات، بەڵكۆ فەلسەفەی ئازادیی مرۆڤه‌کان و جوانی ژیان پیرۆز ده‌کات و لە پلەی باڵادا دایدەنێت. ئەوانەی دیكتاتۆر پەسەند دەكەن، هه‌ر ئه‌وانه‌ن که‌ سیاسی پیرۆز دەكەن، ئه‌مانه‌ له‌ نێوكۆمەڵگایه‌کی تەندروستدا نین و تاكەكانی تاكی خاوەن رێزی خود و هوشیاری بە خود و ژیان نین . ئەمە فاكتی نەگبەتی نەبوونی ژیانی جوانی كۆمەڵگای كوردی بەتایبەتی و ڕۆژهەڵاتییە بەگشتی.

من گەرەكم نیە كەسێك بكەم بە سمبوڵی ئازادیی، لێ ئاساییە ئاماژە بە كەسێك بكرێ كە لەئەنجامی هەڵویستیدا بۆتە سمبۆڵی ئازادایی. پێش لەدایك بوونی جیڤارا. لە سلیمانی (عەولە سیس) جیڤارا بوو. جیاوازی له‌ نێوان ئەم دوو جیڤارایەدا نییە! بۆ؟ چونكە یەك ئیستراتجیتیان هەبووە. جیڤاری (كوبا) وەك پیشە پزیشك بوو. ئۆرستۆكرات بوو وەك چین, شۆرشگیربوو وەك چیڤارا. عەولەسیس كریكاری قوربوو وەك پیشە , نەخویندەواربوو, لێ لە ئیستراتجیه‌تی سیاسیدا جیڤارای پزیشك و ئۆرستۆركرات و عەولەسیسی كریكاری هەژاری نەخویندەوار یەك ویست بوون، ئه‌ویش هوشیاری مرۆڤه‌که‌ خۆی بوو، نه‌ک بە نوسینی زۆر و جەنەبازی سیاسی، هه‌موو ئه‌مانه‌ش په‌یوه‌ندی بە هەڵویستی سیاسی و ڕۆشنبیریە .
لەم ڕوانگا و پێوەرەوە من راڤە لەسەر دۆزی سیاسی باشور و پڕۆسێسی هەڵبژاردنی سەرۆك و دیموكراتی باشور دەكەم .
ئەگەر ئەم دوو ڕوانگایەوە بكەین بە لابۆرێك بۆ كەسایەتی تاكی كورد وەڵامێكی خیرا و ئاسان و زانستیمان چنگ دەكەوی تاكی كورد (لەچ ئاستێكدایە) ؟
دەستنیشانكردنی كەندیداتی بۆ پۆستێك پابەندە بە میژووی سیاسی و دەستكەوت و بەرهەمی سیاسی كەندیتاتەوە.
تاوانەكانی مەسعود هیندە زۆرە، ئەگەر تەنیا سێ پرسیار بشڵەقێنین . تیرۆری سۆران و د. عبدالستار و زەردەشت , بەردبارانكردنی دوعا و بەئاشكرا دزینی سامانی چەند نەوەیەك (پیترۆِڵ) بەتاڵان فرۆشتنی. كوشتنی 3000 كورد بۆ ویستی توركیا، ئایا ئەمانە بەس نییە بۆ ئەوەی مسعود دادگایی بكرێ؟ ئەگەر كۆمەڵگایەك ئەم پرسیارانە لە سەرۆكەكەی نەكات ئەو كۆمەڵگایە چ پیناسەیەكی هەیە؟
وه‌ڵام (   ) با خۆینەری خۆی ئەو بۆشایە پڕبكاتەوە.

ئەو سیاسەتمەدارە كالفامەی داوای ئەوە دەكات مه‌سعود ببێ بە (مرجع) با ئەوە بزانی (مرجع) لە پرینسیبی دیموكراتی و سیاسەتدا بوونی نیە تەنیا لە مەزهەب و دیندا هەیە هەر پارتێكیش پابەند بوو بە (مرجعی سیاسیەوە) بەپێوەری زانستی سیاسی ئەندامانی ئەو پاراتە لغاوكراون، چونكە گشت بریارەكان لەسەر (ئا .. یان .. نا) مرجع دەوەستی ئەمەش تەواو دژی سیستەمی دیموكوراتیە . یەكێک لە داخوازییەكانی شۆرشی فه‌رنسی و ریسانسی ئەوروپی . نەهیشتنی مرجعی سیاسی كەنیسە بوو .
هه‌ر وه‌ک كاك كەمال جمال مختار دەڵی: كورد خاوەنی كەسایەتیكی تیكشاكاوە .
تاكی كۆمەڵگایەكیش مۆڕاڵتێكشكاو بوو . بێگومان كەسایەتی خۆی دەخاتە مەزادخانەی بەرژەوەنی دۆلارەوە.
لەم ڕستەیەوە دەتوانین سەرجەم كۆمەڵگای كوردی بخەینە ژیر پرسیاری پرۆسیسی هەڵبژاردنەوە.
كامیان ڕاستە؟
ئایا مەسعود داگایی بكرێ، یان مەسعود كەندید بکرێته‌وه‌ بۆ خولی سیهەمی سەرۆكایەتی هەریم؟
وەڵام: تۆ ئازادی لە وەڵامدانەوە ... منیش وەك تۆ ئازادام، لێ هیوادارم وەڵامەكەی تۆ پەیوەندی بە دۆلارەوە نەبێ، بەڵكو بە مۆراڵی مرۆڤبوونته‌وه‌ هه‌بێ.
گەرەكەتە وەڵامی من بزانی.

= ئا.... پیویستە مەسعود دادگایی بكرێ ....