شانۆگه‌ري مه‌م و زين بۆ له هۆلَ ناكرێ و له پارك ده‌كرێ
Thursday, 01/05/2014, 12:00
2323 بینراوە
شانۆگه‌ري مه‌م و زين يه‌كێكه له كاره نوێكاني هونه‌رمه‌ند "هيوا سوعاد"، جگه له‌وه‌ي زۆربه‌ي ئه‌كته‌ره به‌ناوبانگه‌كاني هه‌ولێر به‌شداريان تيادا كردووه. چه‌ندين ئه‌كته‌ري گه‌نجيش له‌و شانۆگه‌رييه‌دا رِۆلَ ده‌بينن، پرسياري ئێمه بۆ ده‌رهێنه‌ري شانۆگه‌رييه‌كه ئه‌وه‌يه بۆ له هۆلَ نمايش ناكرێت و له پاركي شانه‌ده‌ر ئه‌و نمايشه ده‌كرێ
. هيوا سوعاد تايبه‌ت رِايگه‌ياند: هه‌موومان ده‌زانين ئێسته هه‌ولێر پايته‌ختي گه‌شتياري وڵاتاني عه‌ره‌بييه (کوردستانپۆست: هەولیر پایتەختی گەشتیاری وڵاتی عەرەبییە بۆ تەعریبکردنی هەولێرە، کە بنەماڵەی بارزانی ئەو پێناسەیەی پێ بەخشیوە) يه‌كێك له‌و هۆكارانه‌ي كه نمايش له پارك ده‌كرێ ئه‌وه‌يه خه‌لَكي بيانيش ئه‌و شانۆگه‌رييه ببينن. ئه‌وه‌يشي گوت: ئه‌گه‌ر ئه‌و شانۆگه‌رييه‌مان له هه‌ر هۆلَێك بكردايه هۆلَ پرِ ده‌بوو و زۆر كه‌س بێبه‌ش ده‌بوون له بينيني، بۆيه هه‌لَبژاردني پارك باشترين رِێگه‌بوو بۆ ئه‌وه‌ي هيچ كه‌سێك بێ به‌ش نه‌بێت له بينيني شانۆگه‌رييه‌كه.
