با گشت پێنووسەپیسەكان بسوتێنین
Friday, 07/01/2011, 12:00
چۆن كۆمەڵگا پیویستی بە نەخۆشخانە هەیە، ئاواش پێویستی بە زیندان ویاسایەكی سزادەر هەیە.
هەموو نووسین و پێنوسێک شایەنی ڕێزلێگرتن نییە. ئایا ئەو پێنوسەی واژووی لەسەر ئەنفالكرد نووسین و پێنووسه‌که‌ی پیرۆزە؟ ئەو پێنووسانەی (ئاوینە، هاووڵاتی، لیڤین) ئیمزایان لەسەر بەخشینی خەڵاتی سۆرانی مامە حەمە کرد، که ئه‌و خه‌ڵاته بدرێت بە خائینێکی جەلالی، که (عماد ئەحمەد) بوو! چ رێزێکت ده‌مێنێت بۆ پێنووسه‌کانیان؟
هه‌روه‌ک چۆن هەموو پێنوس و نووسینێك بەڕێز نییە. ئاواش هەموو نووسەرێك دڵسۆزی نیشتمان گەل و مرۆڤایه‌تیی نییە. ئیستا لە باشووری كوردستاندا بە هوی شەپۆلی دۆلاری دزراوەوە، گشت بنەماكانی كۆمەڵگا لە گریژنە چوون. بەئاستەم نووسەرێك، یان ڕۆژنامەنووسێك دەبینی ویژدانی پاكیی ڕێگەی پێنادا ببێت بە دیوێكی كاڵی دەسەڵاتی مافیا. ئەو ساتەی پریسنیپە جوانەكانی پەیوەندیی مرۆڤ لەتەك مرۆڤدا بە پیوەری تاك دەپێورێت، ئەوە پەیوەندییە مرۆییه و ئه‌و رۆحه ڕۆمانسییە دەترازێت، كۆمەڵگا بەرەو ئاژاوەیەكی به‌دڕەوشتیی و نامۆڕاڵییه‌کی پیس دەڕوات و هه‌نگاو ده‌نێت.
لە باشوری كوردستاندا پیسترین سیستەمی سیاسیی و ئابوریی و ڕۆشنبیریی هەیە، كە سەرچاوەكەی ده‌گه‌ڕێته‌وه بۆ مۆڕاڵی دووخێزانی مافیای كوردیی. ئەوەی لەتەك ئەو سیستەمەشدا كاربكات، گەرەكی بێت یان نا، ده‌بنه به‌شێک لە سیستەمی سیاسیی .
مافیاكانی كوردستان دەزانن بە هەموو هێزێکیانه‌وه ناتوانن جڵەوی تویژ و چینەكانی كۆمەڵگا بگرنه ده‌ست خۆیان، بۆیە پێویستی بە دەستكیشێك هەیە تا ڕۆڵی باشكۆی دەسەڵات ببینێ. ئەگەر بەهێزی دۆلار كەسانیكی زۆریان ڕٍاهێنابێت، ئەوە بەهیزی پێنوس و نووسینه‌کانیش وه‌ک (میدیا سەقەتی ئۆپۆزیسوین) بەشیكی گەنجی كۆمەڵ گەوج دەكەن.
ئیمڕۆ (بەگۆڕانیشەوە) (ئاوینە. هاووڵاتی. لیڤین)، كە خۆیان بەڕوویەكی (ئۆپۆزیسیۆن) ڕەنگ كردووە، لێ لە مۆڕاڵ و كاریاندا بەرامبەر بەدەرەوەی خۆیان هیچ (جیاوازییەك) لە نێوان دەزگاكانی (جەلالی و مەلایدا) نابینن.
كوردستانپۆست، كە زمانی ئۆپۆزیسوینی (گۆڕێن)ە، توانیوێتی نەوەیەك به‌ره‌وه رووی دەسەڵاتی كوردیی، فیری پرسیار بکات. ئایا ئەمە ناهوشیاریی كۆمەڵگایه یان پاشقولی خاوەن پینووسە قاچاخچیەكانی وه‌ک (ئاوینە.هاووڵاتی ولیڤین)ه که له ئیره‌ییدا دژایەتی كوردستانپۆست ده‌که‌ن وه‌ک دەسەڵات.
جەلالیی و مەلایی، ئاوینە، هاوڵاتی، لیڤین لە دژایەتی كوردستانپۆستدا یەك ئاوازیان هەیە؟ چونكە یەك ئیستراتجیتیان هەیە. ئەویش خەساندن و له‌خشته‌بردن و درۆکردنه له كۆمەڵگا و گەوجكردنی نەوەی نۆێیه به كپكردنی دەنگی ڕەسەنی ئۆپۆزیسوین و مانەوەی مافیای كوردییه، بۆیە هەركەسێك، هەر نووسینێك، هەر میدیایەك دژیان بێت . ئەمانیش دژیانن.
مەرج نییە هەموو ڕوژنامەنووس و نووسەرێك خاوەنی مۆڕاڵیكی پاكی مرۆیی بێت. لە سەردەمی هیتلەر و ستالین وسەدام، به سه‌دان نووسه‌ر و ڕۆژنامەنووس لە خزمەت دەسەڵاتی ئەواندا بوون. ڕۆژنامەنووسی جزائیری (سعید سحنون) لەبەر ئەوەی سیخوری بێگانەبوو، 10 ساڵ زیندانیی كرا. شیركۆ بێكەس ناسكترین رۆحی نووسینی كرد بەقوربانی بەرژەوەندیی ناوگەڵ و گیرفانی خۆی. ئەوە شیعرە شەرمەزارە لە ئاست رۆحی خۆیدا، چونكە بۆتە فاكتەرێک بۆ ئارەزووە پیسەكانی شاعیرانی دەربار، ئەوە نووسینە شەرمەزارە، که لە بەردەستی كۆمەڵێک نووسەری قاچاخچییدا رووت ده‌کرێته‌وه. چ جیاوزازییەك لە نیوان مۆڕاڵی ئەمنە سوورەكەی بەعس و(دەزگای سەردەمدا) هەیە؟ جاران لە ئەمنە سورەكە، بەعسییەكان سوكایەتییان بەخانمانی شاری سلیمانییەوە دەكرد. ئیستا دەزگای سەردەم له ناو زیندانه‌کانی دۆلاردا سووکایه‌تیی ده‌که‌ن. نووسینەكانی كاك شوان بەڵگەیكی جوان وئ اوینەی مۆڕاڵی نووسەریكی بەویژدان ومرۆییە. ئەگەر نووسین لە ئاست بەرژەوەندیی كێشەكانی مرۆڤدا نەبێ، چ نرخێكی هەیە؟ لە كاتیكدا گەلێك لە كۆمای سیاسییدا بۆته جەستەیەكی ئیفلیج كەوتوو، که‌چی نووسەران لە خەمی ڕەنگكردنی شەوە ئەرخەوانیەكانییاندان.
كوردستانپۆست نەترسە بۆیە مافیا و میدیاكانی دەوری لێیدەترسن. ئه‌وه نەترسی كوردستانپۆستە، که مرۆڤە ئازاكانی دروستكردەوە و دەسەڵاتی تۆقاندووە. گورباتشۆف دەڵێ: (ئەوەی لە دواكەوتندا دەمانهێڵێتەوە، ته‌نها ترسە لە سیاسه‌تدا. ترس هەڵەیكی گەورەیە، پێویسته بەسەرییدا زاڵببین)، كوردستانپۆست ده‌مێکه ئه‌و ترسه‌ی شکاندووه و ناترسێت. ئەوەی ڕێز له‌و ئازایه‌تییه‌ی کوردستانپۆست نه‌گرێت، ئازایه‌تیی ناشرین بکات و بیکات به جنێو، خۆیان ترسنۆکن و هێندی کوردستانپۆستیان پێناکرێت، بۆیان چاوی خۆیان ده‌گرن تا کوردستانپۆست نه‌بینن، وشه‌کانی کوردسستانپۆست ده‌شارنه‌وه تا که‌سی تریش نه‌یبینێت. ئه‌مانه بۆ خۆیان ترسنۆكن، نەك ئازا.
با پێنووسە پیسەكان بسوتێن:
سوتاندنی پینوسە پیسەكان وەك سوتاندنی دەرمان وخواردنی ئێكسپایەر وان. مانەوەیان كۆمەڵگا نەخۆش ده‌خات و جەستەی نەوەی نۆی ئیفلیج ده‌کات.
با هه‌موومان زمانمان زبر بێت وجنیوی سیاسیی بده‌ین، ئێمە ناتوانین بەزمانی بولبول ڕاڤە لەتەك چەقەڵ بكەین و گوڵ بکه‌ین به قه‌د باڵای ده‌سه‌لاتدا.
ئەم گه‌مه و بازییەی، که ئیستا (هاووڵاتی، ئاوینە و لیڤین) و ده‌زگای وشه ده‌یکه‌ن، هەمان سیناریۆی(ڕیفراندۆم)ه‌که‌ی شیركۆ بیكەس، د. یاسین و هەڵكەوت عبداللە وایە، که ماوەیەك خه‌ڵکیان بە ریفراندۆم گیژكرد. ئیستاش دەسەڵات بەهوی چەند دەزگایەكی سەربه‌خۆ، بەناوی میدیای ئازاد، ئازادیی ڕادەربڕین، له گۆڕه‌پانی سیاسه‌تیی خۆیاندا، گێمێکی تر كۆمەڵگا فریودەدەن. ئەگەر ئەوان ئازادان بۆ لە ئازادیی و جەبەزەیی و ڕاستگۆیی كوردستانپۆست دەترسن؟ ئایا نووسینەكانی نووسەرانی كوردستانپۆست لە پیناوی پارە، خەڵات و زەویدایە، یان له پێناویی ئازادیی و سەرفرازیی كۆمەڵ و مرۆڤدایە؟ كامیان ڕاستە؟ ئەوە راستییە، که ئێمە لە تاقیكردنەوە وخوێندنەوەی میژوویی دووبناماڵەی مافیا، ڕۆڵی پیسی كۆمەڵێک نووسەر و ڕۆژنامەنووسی دەربار زمانمان زبرە و تیژ کردووه، ئاخر ئێمە ناتوانین بەزمانی بولبول قسه لە گه‌ڵ چەقەڵدا بكەین.
ئازاردان هەندێ جار پێویستە، چونكە مرۆڤە ناهوشیارەكان لەكاتی ئازاداندا ئاوڕ له خۆیان ده‌ده‌نه‌وه ونرخی ئازادیی به‌رامبه‌ریش دەزانن.
ئەوە نییە (گوڵ) بەو ناسكیی، نازداریی، بۆن و نازناوە جوانەی خۆیه‌وه، بۆ پاراستنی خۆی پەنادەباتە بەر دڕك؟
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
