هه‌واڵێکی گرنگ..جه‌لال تاڵه‌بانی زیاتر له نیو ملیار دۆلار وه‌ک پشتیوانی ده‌دا به رژێمی سوریا .
Sunday, 07/08/2011, 12:00
سه‌رچاوه‌یه‌کی هه‌واڵ له سه‌رۆکایه‌تی کۆماری عێراق به کوردستانپۆستی راگه‌یاند: جه‌لال تاڵه‌بانی له رێگای عادل عبدولمه‌هدییه‌وه که پێش ماوه‌یه‌ک به نامه‌یه‌که‌وه تاڵه‌بانی ناردبووییه لای به‌شار ئه‌سه‌د، بری نیو ملیار دۆلار له بودجه‌ی هه‌رێمی کوردستان، وه‌ک پشتیوانی بۆ رژێمی سوریا ناردووه بۆ ئه‌وه‌ی ده‌زگا داپلۆسێنه‌ره‌کانی رژێمی به‌عسی سوریا بتوانێت خه‌ڵکی راپه‌ڕیوی سوریا سه‌رکوت بکه‌ن.
کوردستانپۆست ده‌مێکه ، به دیاریکراوی هه‌ر له‌گه‌ڵ بڵاوبوونه‌وه‌ی هه‌واڵی چوونی عادل عه‌بدولمه‌هدی بۆ سوریا ، هه‌واڵه‌که‌ی زانیبوو ، به‌ڵام پاش په‌یوه‌ندی کردن به چه‌ند سه‌رچاوه‌یه‌کی نزیک له مه‌کته‌بی جه‌لال تاڵه‌بانی و مه‌کته‌بی سیاسی یه‌کیتیه‌وه ، هه‌واڵه‌که‌یان بۆ پشتراستکردینه‌وه بۆیه ئێستا بلاومان کرده‌وه. شایانی باسه پێش ماوه‌یه‌کیش هه‌واله‌که‌نا ئه‌وه‌یان ده‌مڕاستکرده‌وه، که‌وا سه‌رۆک وه‌زیرانی عیراق، مالیکی ئه‌ویش 10 ملیارد دۆلاری وه‌کو پشتگیریی به رژێمی سوریای داوه.
جه‌لال تاڵه‌بانی نایشارێته‌وه له دژی راپه‌رینی گه‌لانی ناوچه‌که له زۆر بۆنه‌دا رای خۆی داوه‌ته پاڵ رژێمه دیکتاتۆره‌کان و جاڕی پشتیوانیکردنی ئه‌و رژێمانه‌ی داوه .
ده‌بێ بووترێت ئێستا رۆژانه به‌ده‌یان له خه‌ڵکی راپه‌ڕیوی سوریا ده‌کوژرێن و سه‌دانی دیکه‌شیان لێ بریندار و زیندانیی ده‌کرێ. گه‌لانی سوریا بڕیاریانداوه تا لادانی رژێمی به‌شار ئه‌سه‌د له راپه‌ڕین و خۆپیشاندانی خۆیان نه‌که‌ون ، بڕیاریان داوه موباره‌ک ئاسا بیخه‌نه قه‌فه‌سی تاوانبارانی گه‌وره‌وه
جێگای ئاماژه‌یه پێش رووخانی موباره‌کیش ، جه‌لال تاله‌بانی نامه‌ی پشتیوانی بۆ نارد و ته‌ئکیدی له‌سه‌رکه‌وتنی موباره‌ک کرده‌وه به‌سه‌ر ئاژاوه‌گێران!.
سه‌رچاوه‌ی هه‌واڵه‌که ئه‌وه‌شی بۆ زیادکردین ووتی: بڕی پشتیوانیکردنه‌که‌ی جه‌لال تاڵه‌بانی بۆ رژێمی خوێنرێژ و تیرۆریستی سوریا هه‌ر ئه‌وه‌نده نه‌بووه ، به‌ڵکو به موباره‌که‌ی مه‌سعود بارزانی له بوودجه‌ی عێراق که بوودجه‌ی 17%ی خه‌لکی کوردستانیشی له‌گه‌ڵدایه، مالیکی بڕی 1 ملیار دۆلار له شێوه‌ی ناردنی نه‌وت و سوته‌مه‌نی به خۆڕایی بۆ سوپا و ئه‌منی سوریا پێشکیس به رژێمی سوریای کردووه.
بۆ زیاتر زانیاری تکایه کلیک له‌سه‌ر ئه‌م لینکانه بکه:
http://www.aljewar.org/news-33667.aspxhttp://www.maysanonline.com/any402.html?r=20110705003307http://www.jewelsf.com//
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
