به‌هرۆز گه‌ڵاڵی و هه‌ڵوێست *
Wednesday, 08/07/2009, 12:00
دوای خیانه‌ته ئاشکرا و گه‌وره‌که‌ی 31ی ئاب ، به‌هرۆز گه‌ڵاڵی کتێبێکی قه‌به‌ی سه‌دان لاپه‌ڕه‌ییی به ناوی (کوردایه‌تیی و هه‌ڵوێست) نووسیوه.وه‌کو له پێشه‌کی کتێبه‌که‌یدا باس ده‌کا، که هه‌موو شته‌کانی به به‌ڵگه‌وه‌یه. گه‌رچی 31ی ئاب هیچ به‌ڵگه‌یێکی ناوێ چونکه مه‌سعودی سه‌رۆکی ئێستای هه‌رێم و کاندیدی به‌هرۆز گه‌ڵاڵی و کۆسره‌ت بۆ دووباره بوونه‌وه به سه‌رۆك شانازی به "ڕزگارکردن"ی هه‌ولێره‌وه ده‌کا.
به‌هرۆز گه‌ڵاڵی ئه‌م هه‌ڵوێسته‌ی تۆو کۆسره‌ت و به‌رهه‌م وه‌یسی له خیانه‌تی 31ی ئاب که‌متر نییه به‌رانبه‌ر شه‌هیده‌کانی 31ی ئاب .
ئێوه ئه‌گه‌ر پاره‌و پایه‌و به‌رژه‌وه‌ندیی تایبه‌تیی نه‌بێ به چ ڕوویێکه‌وه پڕوپاگه‌نده بۆ مه‌سعود ده‌که‌ن ، ئه‌گه‌ر له مه‌سعود که‌متر نه‌بن له‌و زیاتر نین ، چه‌ند ڕۆژێك پێش ئێستا به‌رهه‌م وه‌یسیی وتبووی : کاك مه‌سعود نیوه‌ی بنه‌ماڵه‌که‌ی شه‌هید بووه ، نازانم له کوێ شه‌هید بوونه به‌ڵام مه‌سعود نیوه‌ی یه‌کێتیی به زیاده‌وه له کاره‌ساتی هه‌کاری و 31ی ئاب شه‌هید کردووه.
به‌هرۆز له لاپه‌ڕه 5 ی کتێبه‌که‌یدا (به‌رگی دووه‌م) نووسیویه‌تی:خیانه‌تی 31ی ئاب وته‌بێژی کلنتۆنی (ئه‌و کاته ئه‌و سه‌رۆك بوو)هێنایه قسه‌کردن و وتی: (
کورد نه‌ته‌وه نییه ، ئه‌گه‌ر نه‌ته‌وه بووایه ئه‌و کاته‌ی تانکه‌کانی سه‌ددام هاتنه هه‌ولێر ، ده‌بوایه پاسه‌وانه‌کانی مه‌سعود ڕاسته‌وخۆ ده‌مانچه‌کانیان ده‌ربهێنایه‌و له مه‌سعودیان بدایه) منیش ده‌ڵێم : به‌ڵێ کورد نه‌ته‌وه نییه ئه‌گه‌ر نه‌ته‌وه بووایه ده‌بوایه خه‌ڵکی وه‌کو تۆو کۆسره‌ت دوای به‌ناو ڕێکه‌وتنه ستراتیجییه‌که‌ی جه‌لال و مه‌سعود ده‌مانچه‌کانتان ده‌ربهێنایه‌و ڕاسته‌وخۆ له جه‌لال-تان بدایه، به‌ڵام ئێوه سه‌لماندتان که‌ستان له مه‌سعود شه‌ریفتر نین، بۆیه ئاوا بێ هه‌ڵوێستن ئه‌ی خاوه‌نی کتێبی (کوردایه‌تیی و هه‌ڵوێست) .
/ له‌نده‌ن
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
