چوارێنەکانم

Tuesday, 28/01/2014, 12:00

لەگەڵ کێ رێگە ببڕم روو لە کوێ کەم
وەها کۆتو بە تەنیام ون بووە رێم
هەمووروویان لە دەشتە رووم لە تۆیە
ئەگەر تۆ چوویە دەشت من رو لە کوێ کەم .

خەریکە خوێنی دڵ بۆم بێتە شەتاو
گران دەردە لەگەڵ کێ بێتە ئاخاو
کە دەم گوت بێمە گۆ بۆ نازەنینێک
ژیان دەرچێ لە تاڵاو بێتە خۆشاو .

بە لول ئەگریجەکەت بەندە لە روومەت
بە گوڵزاران دە دا حورمەت و ڕوومەت
ئەگەر رۆژێک لە روومەت بێتە تاتا
لە هەر تاڵیک دڵێک تێیدا لە تو پەت .

لە دەست عیشقت ژیانم شەوە زە نگە
دەرون ودڵ شەوورۆژان لە جە نگە
لە خۆشیدا لێواولێو بوم ئەتۆم یار بای
کەچی زانیم دڵت وەک ئاسنو سەنگە .

بە دڵ ئاواتمە رووبکەمە گوڵ زار
بەدەستە گوڵ ببم بۆ شۆخی دڵدار
لە کاتی هاتوچوی رێگای ئیواران
لەسەررێی گوڵ وەرێ تا دڕکی ئازار .

لە کازیوەی بەیانان چاوە ڕێتم
هەتا شەو دێ دەڵێی شەیداو شێتم
شەویش داهات وەکو شەوگاری جاران
لە جێژوان رادەژێم هەر خانە خوێتم .

تۆبمکوژی تۆبمبەخشی قسەم نیە
لە رێێ تۆدا دڵو دینو سەرم نیە
لە دونیای دیش ئەگەرڕێگام بەبێ من
لە بەر تۆ دەبمە ژیندار ژینی من نیە .

شەوو رۆژ ماتو حەیرانم لە بۆ تۆ
نزانم چۆن دەژیم بۆخۆمو بۆ تۆ
کەچی تۆش تاوێ ناپرسی لەحاڵم
تەریدەم یا کو شەیدای دیتنی تۆ .
جەعفەر/ کەریمی
تورکو / فەنلەند
١٩٩٧/ زایینی