زادەی سروشتم

Thursday, 08/09/2011, 12:00

لەپاش داگیركردنی عیراق ووتراوە كە ئەوكات وام پیشبینی دەكرد ڕێبەرانی كورد و تەنانەت بەشێك لە خۆرئاواش لە گەڵ جیابوونەوە و دروستكردنی دەوڵەتی كوردستاندا بن بەڵام ئەفسوس

لەكام بیاباندا كەوێكتان بینی بفڕێ بۆ ئاسمان ؟

لەكام زۆزاندا حوشترێكتان دی بچێتە كێوان ؟

ئەی بۆچی لێرە لەم نیشتیمانە

زۆر سوك و ئاسان كەو و حوشترتان خستە یەك لانە!

ئەی بۆ پێدەشتان خستە دامێنی هۆڕەكانەوە ؟

تا تێر ئاو ببن ؟ كاتێ كە دیمان لە تینوا خنكان !

یان دارخورماتان خستە ئامێزی چیاكانەوە ؟

تاهۆگرببن ؟ خۆ نەك ئاوێزان

دیمان لەسەرمان ڕەق ئەبوونەوە !



كوا كەشی خورما و گوێز هەمان كەشە

یاخود بەریان لەلای گشت كەسێ وەكو یەك خۆشە ؟

كوا زەمینیان هەمان زەمینە ؟

یاخود تامیان وەك یەك شیرینە ؟



من هەرگیز ناڵێم كە گوێزەبانە

فێڵی دوژمنە و دەستی تاوانە

گردبوونەوەیان لەسەر سینیەك

خۆشی بەخشینە مانای ژیانە

بەڵام خۆت بڵێ تۆ هەرگیز دیوتە كەوا دارگوێزێ

لەوێندەر بڕوێ و بەری وابكا ؟!

یا دارخورمایە ئالێرە بڕوێ و

بەری شیرینی وەها دەربدا

كە سروشت جیابێ بۆ من جیا نەبم

بۆچی تاوانە گەر دەستلەملی سروشتم ببم؟

2003