وەڵامێکی درەنگ وەخت بۆ مەلا بەختیار
Monday, 15/04/2013, 12:00
لەم چەند هەفتەی رابووردوودا مەلا بەختیار کارگێری مەکتەبی سیاسی یەکێتی، بە مەبەستی راکێشانی سەرەنج خەڵک و دەرکەوتنی وەک پرۆلیتارێکی جارانی سەردەمی شاخ (کە ئەوکات ئاوا خۆی وێنا دەکرد) باسی ئەو فەردە دۆلارانە دەکرد، کە ئێستا لە ژێرزەمینەکان لەسەر یەک دانراون و بانقەکان خاڵی بوونە لە پارە، ئەمەش بۆتە هۆکاری قەیرانێک، کە پارە لە بانقەکان نەمێنت و نەتوان پارەی موچەخۆرەکان بدەن. مەلا بەختیار، ئەمە بە کردەوەیەکی نانیشتمانی دادەنێت هەروەها بە خیانەتی دەزانێت بەرامبەر بەخوێنی شەهیدان. دیارە لەگەڵ بڵاو بوونەوەی ئەم پەیامەی مەلا بەختیار، هەر زۆر و خێرا سەفین دزەیی وتەبێژی حکومەتی هەرێم دەرفەتیان هینا و بابەتەکەیان قۆستەوە و مەلایان ئیحراجکرد و داوایان لێکرد یەکێک لەو ژیرزەمینانەیان پێبڵێت، چونکە ئاوان دەیانزانی مەلا بوێری وتنی ئەوە ناکات و دەیانزانی مەبەستی کۆمپانیای نۆکانە.
ئەوەی بەلامەوە سەیر بوو هەڵڕشتنی ئەو فرمێسکانەی مەلا بوو، کە گوایە ئەوە ماڵی میللەت و مامەڵەکردنی بەو شێوەیە خیانەتە بە شەهیدان. دیارە مەلا باش دەزانێت پارەکانی خۆی هەڵگرێت، وەک ئاوانی تر لە ژیرزەمینەکان لەسەریەکی دانەنێت تا وەک ئاوان ئیحراج نەبێت و رۆژێک ئاشکرا نەبێت. بەڵام من لە مەلا بەختیار ئەپرسم، زیلانی کچت پارەی ڤیلا و رەستۆرانگەکەی، کە لە ستۆکهۆڵم هەیبوو و ئێستا کە گوایە فرۆشتوویەتی لەکوێ هێنا بووی؟ هەروەها سەیارە گرانبەهاکەی؟ ئەمانە هەمووی بە پارەی تۆ، پارەی تۆش پارەی ئەو میللەتەیە. ئەمانە مشتێکی دیاری ئەو خەرمانە زۆر وزەوەندەی تۆیە کە هەتە و ئێمە ئەزانین و رۆژانە بە چاومان دەیبینین، بە دڵنیایەوە شتە شاراوەکانی ترت زۆر زۆر زیاترن لەمانە لەدەرەوە. بۆیە دە توخوا تۆش پێمان بڵی ئەمانەی لە کوێ بوونە؟
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
