گەندەڵیەكی قونسولخانەی توركیا لە هەولێر

Saturday, 11/06/2011, 12:00

هەموو جار بەرپرسانی توركیا باس لەوە دەكەن كە ڤیزای توركیا لەهەموو وڵاتێك بەتایبەتی عێراق بەخۆڕاییە..! بەڵام لەقونسوڵخانەی گشتی توركیا لەهەولێر بۆ هەر ڤیزایەك كە بەهاوڵاتیان دەدرێت بڕی 20 هەزار دیناری عێراقی وەردەگیرێت بەبێ پسوولە، كەس نازانێت ئەو بڕە پارەیە بۆچی و لەبەرچی وەردەگیرێت، هەرچەندە بەرپرسانی تورك لەقونسوڵخانەی هەولێر هۆكاری وەرگرتنی ئەو بڕە پارەیە بۆ ئەوە دەگەڕێننەوە كە گوایە پارەی فایل و فۆڕمی پڕكردنەوەی زانیاریەكانە، بەڵام نرخی فایل و فۆڕمەكە ناكاتە تەنها یەك هەزار دیناری عێراقی.. رۆژانە بە سەدان هاوڵاتی هەرێمی كوردستان بەمەبەستی وەرگرتنی ڤیزا سەردانی قونسولخانەی توركیا لەهەولێر دەكەن و لەبارەی وەرگرتنی ئەو بڕە پارەیە گلەیی و گازاندە دەكەن، بەڵام هیچ كام لەبەرپرسانی تورك لەقونسوڵخانەو بەرپرسانی حكومەتی هەرێم گوێی پێنادەن چونكە وەك كارمەندێك كە لە قونسوڵخانە كاردەكەم ئەو پارەیە دەچێتە گیرفانی خێزانی (ئایدن سەلجان) قونسولی گشتی توركیا لەهەولێرو خێزانی سەفین دزەیی وەزیری پەروەردەی حكومەتی هەرێم كە بەڕەگەز توركە زۆر هاوڕێی خێزانی قونسوڵی توركیایە لەهەولێر بەیەكەوە بەكەیفی خۆیان مەرجی پێدانی 20 هەزار دیناریان بۆ هەر ڤیزایەك بەسەر هاوڵاتیان سەپاندووە، بۆیە بێگومانم لەوەی كە حكومەتی توركیا ئاگاداری فرۆشتنی ڤیزای توركیا نیە لەهەولێر بە 20 هەزار دینار، بۆ زانیاری زیاتریش (ئایدن سەلجان) قونسولی توركیا لەهەولێر لەكاتی خۆی لە قونسوڵخانەی توركیا لەبەغدا کاری ده‌کرد، دوایی بۆ وڵاتی ئەمریكا گوازرایەوە ماوەیەك لەقونسوڵخانەی توركیا لەئەمریكا مایەوە، ئەوجارە كردویانە بە قونسوڵی گشتی توركیا لەهەولێر.